Забава
(Видео) Кејт Бекинсејл ги тужи продуцентите на филм сниман во Хрватска: „Бевме изложени на опасни услови“

Холивудската актерка Кејт Бекинсејл (51) ги тужи продуцентите на акциониот трилер „Канари Блек“ затоа што, како што тврди, ја изложиле на „опасни и небезбедни услови“ за време на снимањето на филмот во Загреб и Ровињ, и покрај сериозната повреда на коленото што ја здобила на снимањето.
Филмот премиерно беше прикажан во октомври 2024 година, а сè започнало во 2022 година, кога Бекинсејл добила скинат менискус на левото колено на средина од снимањето. По операцијата, докторот експресно ѝ забранил да прави какви било каскадерски движења – без трчање, скокање, клекнување или летање во појас. Продуцентите наводно го игнорирале сето ова.
Актерката сега ги тужи продуцентската куќа „Антон Ентертејнмент Медиа Сервисиз Инк.“ и продуцентот Џон Зоис за небрежност, емоционална злоупотреба и физички напад. Таа тврди дека тие ги игнорирале медицинските совети и ја принудиле да изведува опасни акциони сцени, што предизвикало нејзините повреди да се влошат, објавува People.
Во тужбата се наведува дека „продуцентите свесно и намерно ја занемариле безбедноста со цел да го зачуваат профитот“. Бекинсејл и нејзиниот тим постојано предупредувале на екстремни услови за работа, вклучувајќи работни денови долги и до 15 часа, без соодветна медицинска поддршка и навремени информации за сцените со каскадери.
Поголемиот дел од филмот е снимен во Хрватска
И додека правната битка се води во САД, интересно е што „Канари Блек“ во голема мера е сниман во Хрватска, во Загреб и Ровињ. Продукцијата траела од октомври 2022 до јануари 2023 година, а хрватската престолнина „се игра“ себеси во филмот, што е реткост во холивудските продукции.
Снимањето е на над 130 локации во Загреб, вклучувајќи го плоштадот Бан Јелачиќ, тунелот Грич, Цветниот плоштад и стадионот Максимир, додека Ровињ служел како позадина за Токио. Во проектот беа вклучени повеќе од 300 хрватски филмски професионалци, а локалната актерка Ромина Тонковиќ се појавува во една од позначајните улоги.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Есента пристигна, време е да се зајакне имунитетот

Со доаѓањето на есента, деновите стануваат пократки, температурите се намалуваат, а времето сè почесто е променливо. Овие услови носат поголем ризик од настинки и вирусни инфекции, па затоа потребно е навремено да се зајакне имунитетот.
Лекарите потсетуваат дека здравиот имунолошки систем е клучен за справување со сезонските предизвици. Тие советуваат редовна и разновидна исхрана богата со свежо овошје и зеленчук, кои се извор на витамини и антиоксиданси. Особено се препорачуваат намирници богати со витамин Ц, како цитрусното овошје, кивито и пиперките.
Физичката активност, дури и во поладните денови, исто така е од големо значење. Брзото пешачење, лесното трчање или вежбањето дома можат да помогнат во одржување на енергијата и подобрување на општата состојба на организмот.
Стручњаците дополнително советуваат доволно сон и намалување на стресот, бидејќи тие се меѓу најчестите фактори кои го ослабуваат имунитетот.
Есента може да биде убава и пријатна, доколку се грижиме за нашето здравје и превентивно го зајакнеме организмот за студените денови кои следуваат.
-
Вклучете повеќе овошје и зеленчук – јаболка, круши, киви, цитрусно овошје, моркови и тиква. Овие намирници се богати со витамини Ц и А, кои го зајакнуваат организмот.
-
Консумирајте намирници богати со цинк – ореви, семки од тиква, интегрални житарки и мешунки, бидејќи цинкот игра важна улога во одбраната од инфекции.
-
Додајте пробиотска храна – јогурт, кефир и кисела зелка, кои ја поддржуваат здравата цревна флора и го јакнат имунитетот.
-
Не заборавајте на топли супи и чорби, особено оние со зеленчук и домашна пилешка супа, кои се вистинска „вакцина“ од природата во студените денови.
-
Вклучете мед и ѓумбир во секојдневната исхрана, познати по своите антибактериски и антиинфламаторни својства.
Топли чаеви за есенски денови
-
Чај од ѓумбир и лимон – ја подобрува циркулацијата и ја зајакнува одбранбената моќ на телото.
-
Чај од шипка – богат со витамин Ц, помага против замор и настинки.
-
Чај од камилица – го смирува телото, го намалува стресот и помага за подобар сон.
-
Чај од мајчина душица и нане – корисен за дишните патишта и во борба со кашлица.
-
Зелен чај – природен антиоксиданс, кој го зајакнува
Забава
(Фото) Сексапилната актерка повторно воодушеви во проѕирен фустан

Холивудската актерка Дакота Џонсон се појави на Филмскиот фестивал во Цирих и воодушеви со уште еден проѕирен фустан.
Секое појавување на оваа убавица привлекува внимание, а се чини дека наскоро ќе стане синоним за чипкани, проѕирни комбинации, со оглед на тоа што успеа да ги воодушеви сите со уште еден.
Таа прошета во Цирих во син фустан чиј горен дел е направен од чипка и е проѕирен, додека долниот дел е малку поширок, направен од тил и доста волуменозен.
Како и обично, фокусот беше на природната убавина, па Дакота ниту овој пат не претеруваше со вечерната шминка, а косата ја остави да паѓа во бранови.
На својот стајлинг додаде обетки и два импресивни прстени, а сите собрани ги разоружа со насмевка.
Во текот на вечерта, таа беше наградена и со наградата „Златно око“ за животно дело, па нејзината кариера е побогата за ова значајно признание.
фото: принтскрин
Забава
(Видео) Селена Гомез се мажи овој викенд: објави снимка на социјалните мрежи

Актерката, пејачка и претприемачка Селена Гомез наговести дека овој викенд се мажи за музичкиот продуцент Бени Бланко, пишува „Дејли меил“.
Имено, Селена Гомез објави видео од маса полна со производи за шминкање на официјалниот Инстаграм профил на нејзиниот бренд за убавина „Rare“.
Покрај производите за убавина, имаше и мобилен телефон, како и црни очила за сонце и сребрена чанта.
„Јас цел викенд“, кратко напиша пејачката.
Видео материјалот ја разбуди имагинацијата на многу нејзини обожаватели, а тие сега претпоставуваат дека Селена ќе го каже судбоносното „ДА“ во текот на викендот, бидејќи… Исто како и секоја невеста, таа ќе посвети доста време на разубавување и нанесување шминка за големиот ден.
Некои американски медиуми веќе објавија дека актерката ќе се мажи овој викенд.