Забава
(Видео) Снимката од малиот Барон Трамп со словенечки акцент стана вирална на „Tик-ток“

Видеото од детството на синот на Доналд Трамп, Барон, повторно стана вирално на „Tик-ток“, а многу корисници се особено заинтересирани за неговиот словенечки акцент. Барон, сега 18, имаше само четири години кога неговите родители се појавија во емисијата на Лари Кинг во живо во 2010 година. Малиот Барон беше снимен како се подготвува за училиште во канцеларијата на неговиот татко во познатата кула Трамп во Њујорк.
Видеото брзо стана вирално на „Тик-ток“ и X. Многумина го забележале изразениот словенечки акцент на Барон, што може да се припише на неговата мајка Меланија Трамп, која најмногу се грижела за него во тој период. Во видеото, Барон и кажува на мајка си: „Ми се допаѓа мојата актовка. Дали сега треба да одам на училиште?“. Меланија му одговара, со многу сличен акцент: „Да, прво ќе ручаш, а потоа ќе одиш на училиште“.
This obsession with Barron is hilarious when you consider that the only video we have of him speaking is this https://t.co/7TgpZr1nYd pic.twitter.com/wt5f6zOvnf
— trappy 🍁🦃 (@c1nnamonbunny) November 13, 2024
Оваа интеракција моментално е една од најпопуларните на „Тик-ток“k, со милиони корисници.
Барон започна со колеџ оваа година. Се запишал на Универзитетот во Њујорк (NYU), каде што посетува бизнис школа, една од најдобрите бизнис школи во земјата. На првите предавања дојде опкружен со обезбедувачи.
Неговиот татко неодамна изјави на подкаст дека Барон никогаш немал девојка: „Не сум сигурен дека е во таа фаза од животот. Мислам дека сè уште немал девојка“, рече тој, додавајќи дека Барон е многу паметен, добро момче и одличен ученик.
„Не му пречи да биде сам, но навистина добро се сложува со луѓето“, рече Доналд. Додека студира на NYU, Барон живее сам во пентхаус во Њујорк. „Тоа беше негова одлука да студира во Њујорк и да живее во стан, и јас го почитувам тоа“, додаде Меланија, која тврди дека Барон одлично се снаоѓа на факултет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.