Забава
(Видео) Среќен крај на потрага по изгубен веренички прстен во Њујорк

Британска двојка која го загубила вереничкиот прстен на Тајмс сквер во Њујорк, сепак на крајот го добила назад благодарение на упорноста на њујоршката полиција.
Двајцата вљубени биле на Тајмс сквер во петокот навечер кога прстенот со кој момчето и предложило брак на својата девојка паднал во улична канализација. Тие во очај побарале помош од полицијата, која сепак не можела веднаш да го пронајде прстенот, па двојката се вратила во Велика Британија без да ги остават своите имиња и информации за контакт.
WANTED for dropping his fiancée’s ring in @TimesSquareNYC!
She said Yes – but he was so excited that he dropped the ring in a grate. Our @NYPDSpecialops officers rescued it & would like to return it to the happy couple. Help us find them? ? call 800-577-TIPS @NYPDTIPS @NYPDMTN pic.twitter.com/tPWg8OE0MQ— NYPD NEWS (@NYPDnews) December 1, 2018
Веста за несреќната случка на Тајмс сквер се проширила на социјалните мрежи. Меѓутоа, тука не бил крајот на приказната бидејки полицајци од Њујорк во саботата успеале да го пронајдат прстенот два метра под земја и го извлекле, но потоа имале проблем да ги лоцираат младите Британци.
Поради тоа и полицијата се потпрела на социјалните мрежи во обидот да ги пронајде Британците Џон Дренан и неговата свршеница Даниела Ентони.
Thank you, Twitter. Case closed!
Love,
John, Daniella, and the NYPD. pic.twitter.com/G7eB1Ds7vP— NYPD NEWS (@NYPDnews) December 2, 2018
Воодушевениот Дренан во порака за благодарност на „Твитер“, упатена до њујоршката полиција напиша: „Не можам да ви се заблагодарам доволно, иако ќе се обидам. Неколку ладни пива кога ќе се вратиме во Њујорк. Многу сме воодушевени и дефинитивно ќе бидете споменати на нашата венчавка“.
Њујоршката полиција трагала по Дренан и неговата свршеница Даниела Ентони откако го извлекле прстенот во саботата наутро. Девојката рекла дека момчето и предложило брак во Централ Парк во Њујорк и дека нејзиниот прстен и се лизнал од прстот на Тајмс сквер во петокот вечерта.
Детективот Џо Букијано изјавил дека за среќа прстенот бил на врвот на куп ѓубре и не било тешко да се пронајде.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Тргнал да истражува пештера, а потоа сфатил дека отишол предалеку (ВИДЕО)

Јутјуб дуото Џејмс и Едвард, кои објавуваат видеа на каналот „Action Adventure Twins“, објавиле видео кое не се препорачува за клаустрофобични луѓе. Имено, во видеото, кое има голем број прегледи и на „YouTube“ и на „Reddit“, еден од двајцата може да се види како ползи меѓу карпи.
„Мислев дека ќе се прошири, но како што се приближував, сфатив дека станува збор за илузија“, рекол младиот човек за време на видеото.
Колку било опасно и драматично покажува неговото дишење, кое во еден момент, поради стеснетоста на преминот, станало брзо. За време на видеото, младиот човек го изразил својот страв дека овој пат отишол предалеку со изборот на пештера.
„Се спушта надолу. Чувствувам дека ќе се заглавам. Мислам дека овој пат отидов предалеку“, рече тој за време на видеото, кое за среќа, иако доста драматично, заврши среќно, со момчето на видеото кое излегува од пештерата и се наоѓа во друштво на својот брат.
После тоа, двајцата го продолжија своето патување, сè до површината, во шумата. Видеото, кое е прегледано над 8.200.000 пати на „YouTube“, трае околу дваесет минути и на крајот од видеото, двајцата се појавуваат надвор.
Во коментарите што се појавија под објавата, луѓето оставија разни коментари, но најпопуларните беа оние поврзани со самата пештера.
„Овие сцени предизвикуваат огромен страв кај мене, не можам да се замислам во таа ситуација дури ни во моите најлоши кошмари“, „И јас бев заробен сам во пештера, чувството е полошо отколку што можете да замислите. Никогаш повеќе“, „Јас сум клаустрофобичен, но сепак ги гледам овие видеа затоа што ми се интересни. Само се обидувам да не се замислувам во овие пештери“, „Нема пари на светот што би можеле да ме натераат да го направам ова. Како можеше и да го направиш ова и да останеш толку смирен, за мене тоа е едноставно лудо и страшно. Проклетство, ми треба време да се смирам откако ќе го изгледав!“, се само некои од коментарите што привлекоа големо внимание од следбениците.
Забава
(Видео) Спортист падна на глава во емисија во живо на „Си-Ен-Ен“ во обид да направи салто наназад, видеото стана вирално

Бејзбол играчот Роберт Ентони Круз, член на популарниот тим Савана Бананас, доживеа болна и срамна несреќа во емисија во живо на „Си-Ен-Ен“. Неговиот обид да го изведе своето препознатливо салто наназад во емисијата во живо заврши со паѓање на глава, а видеото брзо стана вирално.
View this post on Instagram
Инцидентот се случи додека Круз даваше интервју. Кога го прашаа дали може да покаже еден од своите трикови, 26-годишниот спортист реши да направи салто. Но, наместо грациозно да слета, тој падна со лицето на подот од студиото.
Водителката Кејт Болдуан во шок извика: „О, Исусе“, додека Круз полека се крена на нозе со крвав образ и усна, обидувајќи се да се насмевне низ болката и велејќи: „Ова никогаш не се случува“.
Иако се обиде да ја намали сериозноста на ситуацијата, подоцна откри дека морал да побара медицинска помош. На Инстаграм објави дека добил „неколку конци“, но се пошегува и за сопствената сметка, додавајќи дека неговата гордост е „малку оштетена“.
Во објавата, тој им порача на своите следбеници: „Да, добро сум. Звукот од падот го прави видеото десет пати посмешно. Имате моја дозвола да се смеете.“
Забава
Актерот Мајкл Ворд обвинет за силување

Актерот Мајкл Ворд е обвинет за два случаи на силување и три сексуални напади, објави лондонската Метрополитен полиција.
Наводните инциденти наводно се случиле во јануари 2023 година.
Познат по своите улоги во серии и филмови како што се „Топ Бој“, „Мала секира“ и „Сина приказна“, Ворд го привлече вниманието на публиката и критичарите со својата младешка енергија и актерска автентичност, поради што беше крунисан со награда БАФТА во 2020 година.
Мајкл Ворд сега се соочува со сериозни обвиненија кои ќе го добијат својот судски епилог на 28 август, кога треба да се појави пред надлежниот суд во Лондон.
Детективскиот началник Скот Вејр од Метрополитен нагласи: „Нашите специјализирани службеници продолжуваат да ја поддржуваат жената што го направила извештајот. Знаеме дека истрагите од ваков вид можат да имаат значително влијание врз оние кои избираат да проговорат.“
Според него, истрагата е сè уште во тек, а полицијата апелира до јавноста да се воздржи од предвремени заклучоци.