Забава
(Видео) Фановите бараат отстранување на сцена од „Пријатели“: „Тие ја предвидоа иднината“

Обожавателите на „Пријатели“ сакаат сцена за која велат дека „ја предвиделa“ смртта на Метју Пери да биде отстранета од шоуто.
Актерот почина на 54-годишна возраст, а неговото безживотно тело беше пронајдено во џакузито во неговиот дом во Лос Анџелес. Сè уште не е позната точната причина за смртта.
Поради околностите во кои почина, сега на социјалните мрежи се прошири сцена од „Пријатели“, која изгледа прилично морничаво по смртта на Пери. Станува збор за сцена од петтата епизода од седмата сезона, која се вика The One With The Engagement Picture и првпат беше прикажана во 2000 година.
@taylorkierce999 RIP Chandler BING 😭🙏🏼 #ripchandlerbing #chandlerbing #matthewperry #restinpeace #friendsreunion #breakingnews ♬ I’ll Be There for You (TV Version with Dialogue) – The Rembrandts
Во сцената Чендлер и неговата свршеница Моника Гелер (Кортини Кокс) се фотографираат за да ја најават својата венчавка, при што му е тешко природно да се насмее.
„Што не е во ред со твоето лице?“, му вели Моника на Чендлер.
„Оваа фотографија треба да каже дека Гелер и Бинг се венчаат, а не дека локална жена спасила давеник“, додава таа. Фотографот почнува да се смее на тоа, што ја изнервира Моника и таа му вели: „Еј, немој да му се смееш! Тој е мојот давеник“.
„Оваа сцена не соодветствува по веста за причината за неговата смрт“, „Може ли оваа сцена да биде поморничава?“, „Треба да ја отстранат оваа сцена од шоуто. Практично, ја предвидоа иднината“, се само дел од коментарите на вознемирените обожаватели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.