Забава
(Видео) Фустанот на Мерлин Монро што го носeше Ким вреди 5 милиони долари

Фустанот што го носеше Ким Кардашијан на овогодишната „Мет гала“ вреди 4,8 милиони долари и се смета за најскап фустан продаден на аукција.
Фустанот го дизајнирал Жан Луис во далечната 1962 година, а Мерлин Монро го облече на прославата на 45. роденден на американскиот претседател Џон Кенеди. Култниот фустан во боја на кожа со повеќе од 2.500 рачно вшиени кристали беше купен на аукција во 2016 година од синџирот музеи Ripley’s Believe It or Not, за речиси 5 милиони долари.
Фустанот првично чинел 12.000 долари и, наводно, бил толку тесен што рабовите биле шиени на самата холивудска икона, па не е изненадување што Ким била подложена на ригорозна диета за да „влезе“ во него.
Таблоидите пренесуваат дека Ким ослабела седум килограми за само три недели.
„Фустанот го носеше Мерлин Монро кога му пееше „Среќен роденден“ на претседателот Џон Ф. Кенеди во 1962 година. Го пробав и не ми беше точен, беше претесен. Им реков да ми дадат три недели и дека ќе ослабам седум килограми. Тоа беше голем предизвик за мене“, им рече реалити-ѕвездата на дописниците на „Вараети“ на црвениот тепих на гламурозниот настан „Мет гала“ во понеделникот.
„Бев решена да се вклопам во него и не јадев шеќер и јаглехидрати 21 ден. Редовно имав зеленчук и протеини на менито. Не гладував, но бев на строга диета. И така, успеав“, додаде таа. Според „Вог“, Кардашијан дошла на идеја да го носи фустанот во текот на минатогодишната „Мет гала“.
„Монро е една од најамериканските работи кои можете да ги замислите“, изјави Ким.
„Идејата ми дојде на минатата Мет гала. Си помислив, што би направила за американска тема а да не изгледа на Баленсијага? Која е најамериканската работа што можете да ја смислите? Тоа е Мерлин Монро. За мене најголем момент е Мерлин Монро кога пее Happy Birthday.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Метју Меконахи откри зошто престанал да снима романтични комедии

Американскиот актер Метју Меконахи (55) откри зошто по долго време престанал да снима романтични комедии, и покрај големиот успех во жанрот.
Во интервју за „Гардијан“, Меконахи признава дека иако филмовите како „Планер на венчавки“, „Како да изгубиш дечко за 10 дена“ и „Духовите на поранешните девојки“ му донеле популарност, не се чувствувал исполнето.
„Бев добар во нешто што не го сакав“, вели тој.
По последната романтична комедија во 2009 година, решил да направи пауза и да чека посериозни улоги. Поддржан од сопругата Камила Алвес, одбивал понуди, иако, како што вели, неговите браќа постојано го прашувале „што не е во ред со него“.
По речиси две години чекање, Меконахи доживеа препород на кариерата – улоги во Вистински детектив, Интерстелар и Клуб на купувачи во Далас (за кој ја доби и Оскаровската статуетка) го вратија на мапата на сериозна драма. Тоа новоразвиено поглавје во неговата кариера критичарите го нарекоа McConaissance.
„Сакав работата да ми биде важна исто како и животот. Тоа ми требаше,“ вели актерот, кој додава дека одлуката да се повлече од романтичните комедии била ризична, но клучна за да ја пронајде новата страст во глумата.
Иако никогаш целосно не ги напуштил шармантните улоги, Меконахи денес вели: „Сега навистина се забавувам.“
Забава
(Фото) Кралицата на деколтеата го носи хит костимот за капење за крајот на летото

Сè попопуларната млада актерка Сидни Свини неодамна го прослави својот 28. роденден, а сега на социјалните мрежи покажа како изгледало сето тоа.
Сидни, која често е цел на коментари за нејзините прекрасни облини, направи кратко патување со своите пријатели за да го прослави еден од најважните денови во годината.
Секако, кога станува збор за неа и нејзините фотографии од костими за капење, јасно е дека следуваат низа позитивни коментари на социјалните мрежи. Таа позира во виралниот TA3 Hi Cut Sleeveless Surfy едноделен костим за капење, кој совршено ги истакнува нејзините облини.
View this post on Instagram
Овој модел чини помалку од 200 долари и стана омилен најмногу поради кројот како корсет и затоа што има патент што ви овозможува да го приспособите деколтето на градите.
Сидни позира во неколку други модели, имаше бел едноделен, но и златен бикини, а не се знае кое ѝ стоеше подобро.
„Мало патување на Марс“, напиша таа на шега во описот на објавата.
фото: принтскрин
Забава
(Фото) Најпознатата лото-девојка од поранешна Југославија поттикна озборувања дека е во врска со Стивен Сигал

Најпознатата лото-девојка од поранешна Југославија, Сузана Манчиќ, објави фотографија на „Инстаграм“, на која позира со холивудскиот актер Стивен Сигал поттикнувајќи озборувања за можна врска.
„Добра вечер, може ли да се фотографирам со вас? Ви благодарам многу“, напиша таа покрај фотографијата, обожавателите прашаа во коментарите дали е на повидок нова љубов, а некои ја искористија можноста да се пошегуваат.
View this post on Instagram
„Нова љубов“, „Добар пар“, „Прекрасна“, „Честитки, Сузи, толку сум љубоморна“, „Поприродно е тој да побара да се фотографира“ и „Стивен е толку згоден“, се некои од коментарите под објавата.
Стивен Сигал присуствуваше на воената парада „Моќта на единството 2025“ во Белград во саботата. Актерот, најпознат по своите улоги во акциони филмови во 80-тите и 90-тите, стана редовен гостин во Србија.
Сигал доби српско државјанство во 2016 година. Тој е близок со претседателот Вучиќ и со српската влада, а за време на посетите на Белград често го изразува своето восхитување од српската култура и традиција.
фото: принтскрин