Забава
ВИДЕО.Швеѓанец прв во светот изведе двојно салто со скутер на снег

Љубителот на екстремните спортови на снег Швеѓанецот Даниел Бодин стана првиот човек на светот кој изведе двојно салто наназад на скутер за снег.
Како што пренесува сајтот Red Bull, Бодин признава дека повеќе од две години се подготвувал да го изведен овој подвиг, и сега не може да поверува дека на крајот му успеало.
Вели, исто така, дека последните неколку месеци ги минал целосно посветен на подготовките. „Сето останато мораше да паузира“, додава Бодин.
Ова не е првпат Бодин да ги изненадува љубителите на екстремните спортови и корисниците на сервисот YouTube со своите налудничави подвизи. Така, во 2013 година тој со скутер скокна од ски скокалница и пролета 66 метри./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Се омажи најбогатата принцеза во Европа: моќниот наследник станува дел од кралското семејство

Принцезата Марија Каролина од Лихтенштајн (28) се омажи за Леополд Мадуро Волмер (33), инвестициски банкар од Венецуела и член на едно од најбогатите семејства во Јужна Америка.
Гламурозната свадба брзо стана главна тема на медиумите, а како да не биде кога станува збор за најбогатата европска принцеза.
Марија Каролина е внука на владејачкиот монарх на Лихтенштајн, Ханс Адам II.
The wedding of Marie Caroline of Liechtenstein and Leopoldo Maduro Wollmer in Vaduz, yesterday. The happy couple leave the church watched by local people in national costume.
Photo, Press / Bestimage pic.twitter.com/hQgCsVTA3l— Coryne Hall (@CoryneHall) August 31, 2025
Целата организација потсетуваше на бајка, влезот во црквата беше покриен со син тепих, додека сè друго беше украсено со хортензии. Меѓу гостите беше и самиот политички врв на Лихтенштајн.
Принцезата пристигна на својата свадба во бел Ролс Ројс, а нејзината венчаница со вез и долг превез од тил ги воодушеви луѓето. На главата имаше 135-годишна тиара, која ја носеше и принцезата Шарлин.
Свадбата се одржа во Вадуц, кој стана центар на гламур и луксуз, додека љубопитните жители едвај чекаа барем делумно да бидат сведоци на таква раскошна прослава.
Интересно е и тоа што Марија Каролина е ќерка на идниот владетел, но таа никогаш нема да може да го преземе тронот бидејќи Лихтенштајн има закон што им забранува на жените да го наследат.
фото: принтскрин
Забава
(Фото) Милош Биковиќ одмора со сопругата и синот на море

Ивана Малиќ, сопругата на Милош Биковиќ, објави фотографии од нивниот одмор на море на својот инстаграм-профил.
Ивана Малиќ покажа прекрасна сцена од плажата, каде што си игра во песокот со својот син Василие. Мајката и синот имаа капи на главите и уживаа во морските игри.
Потоа Ивана покажа како нејзиниот сопруг Милош Биковиќ со синот ги учат видовите птици од руските книги, а сцената исто така ги воодушеви фановите.
фото: принтскрин
Забава
Пет начини да го намалите опаѓањето на косата

Експертите истакнуваат дека е сосема нормално да губите помеѓу 50 и 100 влакна дневно, но ако забележите зголемено опаѓање на косата, можеби е време да обрнете внимание на вашите навики и нега.
Губењето на косата е проблем со кој се соочуваат многу луѓе, без оглед на полот и возраста. Експертите нагласуваат дека е сосема нормално да губите помеѓу 50 и 100 влакна дневно, но ако забележите зголемено опаѓање на косата, можеби е време да обрнете внимание на вашите навики и нега на косата.
Ви донесуваме пет докажани совети од дерматолози и трихолози за тоа како да го намалите опаѓањето на косата и да го подобрите нејзиното здравје.
1. Обрнете внимание на вашата исхрана
Експертите нагласуваат дека косата, како и остатокот од телото, зависи од правилната исхрана. Недостатокот на железо, цинк, витамини Д и Б комплекс може значително да придонесе за зголемено опаѓање на косата.
Вклучете храна богата со протеини во вашето мени – јајца, риба, јаткасти плодови и мешунки. Не заборавајте на зелениот зеленчук, бидејќи придонесува за подобра циркулација и исхрана на коренот на косата.
2. Избегнувајте прекумерно стилизирање
Користењето пегла за коса, виткање и фен за коса на високи температури ја ослабува структурата на косата и доведува до кршење.
Експертите препорачуваат да ја сушите косата природно секогаш кога е можно, а доколку користите топлински алатки, не заборавајте да нанесувате производи за заштита од топлина.
Исто така, избегнувајте премногу често врзување на косата во тесна опашка или пунџа, бидејќи затегнувањето може дополнително да го оштети фоликулот.
3. Масирајте го скалпот
Масирањето на скалпот ја подобрува микроциркулацијата и им помага на фоликулите да добијат повеќе кислород и хранливи материи. Дерматолозите препорачуваат дневна масажа од само 5 минути, со прсти или специјален масажер.
Можете да користите и природни масла, како што се рицинусово или кокосово, бидејќи тие дополнително го хранат коренот на косата.
4. Справете се со стресот
Хроничниот стрес е една од најчестите причини за зголемено опаѓање на косата. Експертите советуваат воведување техники за релаксација во вашата рутина – прошетки во природа, медитација, јога или која било активност што ви се допаѓа.
Добриот сон е исто така клучен, бидејќи за време на одмор целото тело се регенерира, вклучително и вашата коса.
5. Користете благи производи за коса
Агресивните шампони и третмани што содржат сулфати и парабени можат дополнително да го иритираат скалпот и да доведат до зголемено опаѓање на косата.
Се препорачува да се користат благи шампони без штетни хемикалии, а идеално е да се изберат оние збогатени со билни екстракти и витамини. Експертите нагласуваат дека не е потребно секојдневно да ја миете косата, освен ако немате особено мрсен скалп.
фото: принтскрин