Забава
(Видео) Ѕвездата на „Чувари на плажата“ продолжува со најважната битка во животот

Ѕвездата на култната серија „Чувари на плажата“, Никол Егерт, неодамна откри дека во декември 2023 година и бил дијагностициран крибриформен карцином во втор стадиум, а сега, како резултат на лекувањето од рак, ја избричила главата со помош на нејзината ќерка.
Во текот на лекувањето од рак на дојка, во нејзините лимфни јазли биле откриени повеќе канцерогени клетки, а заедно со редовните извештаи за нејзината здравствена состојба, таа сега со своите следбеници го сподели и видеото од споменатото бричење на главата.
Во видеото, на 52-годишната актерка и се придружи една од нејзините ќерки, која се појави на крајот на снимката за да и помогне на нејзината мајка да го избричи задниот дел од главата.
„Можеби лечењето не вклучува толку менување на самите себе, туку дозволување да бидеме тоа што сме – Медлин“, напишала актерката во описот на објавата. Голем број други ТВ и филмски ѕвезди ја поддржаа Егерт во коментарите, нарекувајќи ја „храбра и инспиративна“.
View this post on Instagram
„За мене твојата убавина никогаш не зависела од твојата коса“, гласи еден коментар.
Егерт на почетокот на оваа година изјави за People дека мислела оти нејзините симптоми се знаци на менопауза, но сфатила дека се здебелила 11 килограми за три месеци и почувствувала „страшна болка“ во левата града во октомври, па решила да направи нешто околу тоа. Откако ја открила грутката при прегледот, се јавила на лекар.
„Навистина пулсираше и болеше. Веднаш отидов кај мојот општ лекар, а таа ми рече дека морам итно на преглед“, објасни Егерт како и бил дијагностициран рак.
Една од пријателите на Егерт, Минди Молинари, создаде страница GoFundMe за да и помогне на актерката да се справи со претстојниот финансиски товар.
„Нема да може да работи среде операции и третмани. Пред неа е долг, страшен пат и тешко ѝ е да побара помош. Ве молам да и помогнете на мојата пријателка да си ги плати медицинските сметки“, заклучила таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.