Забава
(Видео) Fashion Group: За љубовта, овие празници да биде двојно поголема!
Најубавите моменти ги паметиме по чувствата што ни ги предизвикале. По љубовта, надежта, радоста, моментите кога сме стекнале пријателства и релации кои сме ги граделе, а ќе траат засекогаш.
Токму затоа, Fashion Group во овие празнични денови испраќа порака во новата 2025 година, љубовта да биде двојно поголема!
Да се радуваме на она што допира во суштината и да бидеме во друштво со саканите. Физички или со мислите.

Да ги спакуваме подароците одбрани со внимание и посвета, за насмевките овие празници да бидат уште пошироки и поискрени.
Погледнете ја празничната реклама на брендот кој изминативе две децении ги обединува сите генерации. Токму онака како во сечиј дом и семејство.

Да замислиме присутност, на секое поле, онаа вистинската, за која толку тежнеевме.
Овие празници, да го замислиме животот поголем од кога и да е, да бидеме тука, да живееме за нови авантури, за најблиските, за нас.

За празниците да го пронајдеме мирот по кој толку копнеевме.
За љубовта, овие празници да биде двојно поголема!

Имајте среќни празници и не престанувајте да го исчекувате најубавото, бидејќи токму тогаш и се исполнува!

Ваш, Fashion Group!
Организација и реализација: Fashion Group
Фотограф: Мартин Трајановски
Видео: Дарко Јовановски
Гардероба: Fashion Group
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Hitech
Уредувањето на Instagram Stories никогаш не било полесно
Meta ги носи своите AI алатки за уредување директно во Instagram Stories. Корисниците сега можат да пишуваат команди за да додаваат или отстрануваат елементи или целосно да ја менуваат содржината.
Иако Meta претходно нудеше можности за уредување слики на Instagram, тие алатки беа ограничени на интеракција со Meta AI четботот. Додавањето текстуални команди во Stories сега ги прави овие функции многу подостапни.
Новите опции се наоѓаат во менито „Restyle“ што се појавува на врвот од екранот на Instagram Stories кога ќе ја допрете иконата со четка. За да едитирате слика, изберете „add“, „remove“ или „change“ и опишете што сакате да промените. На пример, Meta објаснува дека можете да побарате да ја промените бојата на косата, да додадете круна на главата или да вметнете зајдисонце во позадина.
Исто така, постојат претходно поставени ефекти што можат да ја променат вашата облека или стил на сликата. На пример, можете да додадете предмети како очила за сонце или кожна јакна или да примените ефект на акварел. За видеа, можете да направите да изгледа како да врне снег или да додадете пламен.
Важно е да се напомене дека кога користите Meta AI на Instagram, се согласувате со условите за користење на Meta за AI функциите, кои ѝ овозможуваат да ги анализира вашите медиуми и црти на лицето користејќи вештачка интелигенција.
Според тие услови, кога ги прикачувате вашите фотографии, Meta може „да сумира содржина, да менува слики и да генерира нова содржина врз основа на нив“.
Забава
Фаталната русокоса има ново момче, но се уште зборува за колегата: „Обожавам да бидам со него“
Една од најпопуларните млади актерки, Сидни Свини, проговори за долгогодишните гласини дека е во врска со нејзиниот колега од „Anyone But You“, Глен Пауел.
Сидни ужива во романса со Скутер Браун, кој е доста озлогласен во Холивуд и бројни познати имиња, вклучувајќи ја и Тејлор Свифт ја раскинаа соработката со него.
Во неодамнешното интервју за „Варајати“, Сидни конечно проговори за својата врска со Пауел, која привлече толку многу внимание.
„Глен и јас искрено се грижиме еден за друг и имаме љубов и почит еден кон друг. Обожавам да бидам со него и мислам дека луѓето таму видоа прекрасен пар“, рече таа.

Сидни додаде дека никогаш не сакале да го искористат тоа за промотивни цели, туку дека медиумите го измислиле сето тоа.
„Искрено, медиумите сами го направија тоа, немаше поддршка. Дури и кога само стоевме еден до друг, беше како: Еве ги, стојат пет сантиметри еден до друг“, рече таа.
Во времето на снимањето на филмот „Anyone But You“, Сидни беше верена со Џонатан Давин, со кого подоцна раскина. Многу се пишуваше за хемијата меѓу неа и Пауел, но се чини дека сè остана на ниво на гласини.
фото: принтскрин
Забава
Меланија Трамп ја украси Белата куќа за Ноќта на вештерките
Меѓу контроверзиите околу градежните работи во Белата куќа, Меланија Трамп ги покажа своите декорации за Ноќта на вештерките, подготвувајќи се за традиционалната прослава што ќе се одржи недалеку од срушеното Источно крило.
Нејзината канцеларија објави фотографии од подготовките со порака: „Белата куќа се подготвува за Ноќта на вештерките 🎃“.
The @whitehouse is getting ready for Halloween 🎃 pic.twitter.com/J7LAs6hqfl
— Office of the First Lady (@FirstLadyOffice) October 28, 2025
Есенска атмосфера и многу тикви
За разлика од претходните години, Меланија се чини дека се одлучила за поедноставна декорација за претстојната Ноќ на вештерките. Задниот влез и скалите се покриени со тикви, додека шарени лисја ги красат столбовите на тремот. Целокупниот впечаток повеќе потсетува на есенска тема отколку на Ноќта на вештерките, што можеби била намерна одлука за да не се исплашат најмладите гости кои доаѓаат на традиционалното собирање слатки.

