Забава
Војвотката од Сасекс го одбележа роденденот со иницирање проект за менторирање жени

За да го одбележи својот 40. роденден на 4 август, војвотката од Сасекс го објави почетокот на новата амбициозна менторска програма за жени, 40 x 40, во која 40 нејзини пријатели ќе позајмат 40 минути од своето време за да бидат ментори некому во неволја.
Меган не отиде по конвенционалниот пат, туку ѝ се обрати на својата пријателка, актерката и комичарка Мелиса Мекарти, да ѝ помогне и да ѝ се придружи во најавата на проектот со специјално видео.
Објавено на веб-страницата на добротворната организација „Арчивел“, видеото ја прикажува Меган на видеоповик со Мекарти разговарајќи за тоа како треба да го одбележи својот роденден.
Меган објаснува: „Еве ја идејата. Бидејќи наполнив 40 години, барам од 40 пријатели да донираат 40 минути од своето време за да помогнат во менторство на една жена да се мобилизира назад во работна сила“.
Војвотката од Сасекс дува свеќа на својот роденден
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Меланија Трамп привлече внимание во ОН во бела комбинација

Првата дама на САД, Меланија Трамп, му се придружи на својот сопруг Доналд на патувањето во Обединетите нации, а за пригода таа се одлучи за елегантна модна комбинација.
Кога излезе од „Трапм тауер“, таа носеше впечатлив бел костим со панталони од „Долче и Габана“, во комбинација со блуза во кафеава боја од брендот „Макс Мара“.
Интересно е што италијанското дуо Долче и Габана го дизајнира и костимот што го носеше за нејзиниот официјален портрет во Белата куќа во 2025 година. Иако Меланија е позната по својот софистициран изглед за важни настани, ова не е првпат таа да се одлучи за панталони.
Деловниот изглед оваа недела е значително поскромен од нејзиното прво јавно појавување во Мисијата на САД во ОН во 2018 година кога воодушеви во розов фустан од „Делпозо“ со драматични ракави, во комбинација со жешки розови штикли од „Маноло Бланик“.
фото: принтскрин
Забава
(Фото) Александра Пријовиќ го прослави својот 30-ти роденден и покажа како изгледа 20 дена по породувањето

Српската пејачка Александра Пријовиќ наполни 30 години, а на својот „Инстаграм“ сподели дел од атмосферата од прославата со своите најблиски.
Таа објави видео во кое пее песна додека ја прегрнува својата баба. Како што напиша, тоа била првата песна што ја научила од неа.
Покрај видеото со баба ѝ, Александра објави и фотографија на која позира со својот сопруг Филип Живоиновиќ во прегратка. Таа носеше црвен фустан за да прослави покажувајќи ја својата фигура 20 дена по породувањето.
Александра роди девојче на 3 септември во приватна клиника во Белград. Александра и Филип Живоиновиќ ја крстија својата ќерка Арија.
Набргу таа објави фотографија на „Инстаграм“, на која ја држи раката на своето новородено девојче.
View this post on Instagram
„Животот ни даде сè“, напиша таа заедно со емотикон во форма на розово срце.
Забава
Српската пејачка ги изненади обожавателите со прашање за воспитувањето деца: Дали тепањето дојде од рајот?

Српската пејачка Марија Шерифовиќ објави анкета во својот „Инстаграм“ поврзана со воспитувањето, која ја сподели со публиката. Марија стана мајка на Марио кон крајот на 2023 година и оттогаш споделува моменти со него на социјалните мрежи.
Овој пат таа се осврна на контроверзна тема, која некои не ја поддржаа.
View this post on Instagram
„Да ја почнеме неделата со малку балканска анкета за родители: Дали тепањето дојде од рајот?“, ги праша таа своите обожаватели.
Дури 68 проценти од луѓето се согласија со изјавата, а 32 процента веруваат дека физичкото казнување не е исправно во воспитувањето деца.
View this post on Instagram
По анкетата, Марија објави видео наречено „Непопуларна психологија: љубов, образование, цврста рака и карактер“. Во видеото се споменува дека во модерното време има премногу грижа за правата на децата и дека улогата на таткото ја изгубила својата важност.
фото: принтскрин