Забава
Во светот сега се раѓаат повеќе близнаци од кога и да било
 
																								
												
												
											Во светот сега се раѓаат повеќе близнаци од кога и да било порано. Главните причини за ова се зголемената примена на ин витро оплодување (ИВФ) и основање семејство во подоцнежните години од животот.
Демографот Кристијан Монден од Универзитетот во Оксфорд и неговите колеги анализирале податоци од 165 земји од 1980 до 2015 година. Глобалната стапка на наталитет кај близнаците се зголемила една третина од 80-тите, од 9 на 12 на 1.000 раѓања.
Најголем пораст е забележан кај неидентични близнаци, односно оние што се развиваат од одделни јајце-клетки. Стапката на наталитет на идентични близнаци останала приближно иста во сите овие години.
„Најголемиот фактор во зголемувањето на раѓањата близнаци во земјите со висок и среден приход е зголемената употреба на третмани за плодност“, вели Монден.
Жените што земаат хормони шт го стимулираат производството на јајце-клетки, најверојатно, ослободуваат две одеднаш, пишува New Scientist.
Исто така, на клиниките на кои се прави ин витро во матката се ставаат два, три или повеќе ембриони истовремено за да се зголемат шансите барем еден да преживее. Ова може да доведе до развој на близнаци, тројки или четворки.
Бидејќи бебињата се склони на поголеми здравствени ризици за време на ваквите бремености, како што се предвремено раѓање или недоволна тежина, многу здравствени агенции сега препорачуваат да се стави еден ембрион во матката што би значело дека може да има пад на наталитетот на близнаците во иднина.
Освен ин витро оплодувањето, уште еден фактор е важен за зголемувањето на раѓањето на близнаци – создавање семејство на подоцнежна возраст. Имено, постарите жени почесто од помладите ослободуваат две јајце-клетки истовремено.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Забава
(Видео) Калиопи објави нова песна и спот
 
														Калиопи денеска во Белград ја претстави својата нова песна со наслов „Добро веќе и лаку ноќ“ („Добра вечер и лека ноќ“).
Автор на музиката, текстот, аранжманот и на продукцијата е повторно Ромео Грил.
Песната „Добро веќе и лаку ноќ“ е достапна на сите дигитални платформи.
Видеото за песната, кое го изработи Александар Ристовски-Принц, може да се гледа на нејзиниот јутјуб-канал:
Забава
(Фото) Бред Пит изненади со нов изглед на бејзбол-натпревар
 
														Бред Пит повторно го промени својот имиџ. Славниот актер ја покажа својата најнова трансформација за време на четвртиот натпревар од американската бејзбол-лига World Series, кој се одржа на 28 октомври на стадионот „Доџерс“ во Лос Анџелес. Пит се појави со подолга, неуредна руса коса, седи бакенбарди и впечатливи мустаќи, пишува „Е!Онлајн“.

На фотографија од натпреварот, облечен во бел дрес на Доџерс, тој беше со басистот на „Ред хот чили пеперс“. Двајцата го гледаа натпреварот помеѓу домашниот тим од Лос Анџелес и Торонто Блу Џејс, во кој канадскиот тим на крајот победи со резултат од 6-2.

Грубиот изглед е во остра спротивност со кратката фризура што 61-годишниот актер ја имаше во јуни на премиерата на неговиот филм F1: The Movie.

Кога го прашаа за причината за бричењето на главата, Пит за списанието „Пипл“ кусо објасни: „Тукушто завршив со работа. Тоа е за лик што го правевме“.
фото: принтскрин
Забава
Ѕвездата од популарната серија „Суитс“ објави гола фотографија од сопругата: Среќен роденден
 
														Патрик Џ. Адамс, ѕвездата од популарната серија „Suits“, ѝ го честиташе на својата сопруга, актерката Тројан Белисарио роденденот на многу посебен начин. Тој сподели нејзина гола фотографија покрај базенот на својот Инстаграм, на која таа е во друштво на нивното куче Бинс.
„Не знам како го правиш сето тоа или како јас имав среќа да го правам ова со тебе, но ќе ја земам секоја проклета капка што можам да ја добијам“, напиша покрај фотографијата 44-годишниот актер.
„Среќен роденден @sleepinthegardn – ти си дар кој буквално никогаш не престанува да дава и секој што е доволно среќен да те познава го чувствува тоа. Секогаш одиш напред, ниту еден камен не останува непревртен, нема спиење до Бруклин, нема одмор за злите, нема ако, и или но, нема штета, нема прекршоци, нема храброст, нема слава. Цело срце. Цел труд. Цела љубов. Секогаш и на секој начин“, додаде тој во емотивна порака.
Покрај оваа смела фотографија, Патрик објави и низа други слики од нивните животи, вклучувајќи фотографии од актерката во ледена бања, од заедничко пешачење, како лежат во кревет покрај нивната седумгодишна ќерка Аурора и седат со четиригодишната ќерка Елиот на јога подлога.
фото: принтскрин


 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											