Забава
„Галеника“-совети за нега на кожата по сончање

Со самото доаѓање на летото почнуваат позитивните вибрации и уживањето во сонцето. Веќе во првите денови на летото, почнуваме да планираме одмор, пребаруваме костими за капење, млеко за сончање за тело, крема за сончање за лице, екстра заштита за сончање со 50+ фактор за децата и се разбира, производи за нега за кожата. Кога сонцето е високо во зенитот и колку повеќе пече, толку е посилна желбата да се вратиме со потемнета здрава кожа.
Но, долготрајната изложеност на кожата на УВ зраците предизвикува боцкање, чешање, затегнатост и црвенила кои може да преминат во изгореници. Во животот сите сме доживеале изгореници и знаеме колку се непријатни, а понекогаш и болни. Всушност, секогаш кога УВ зраците продираат подлабоко во кожата, ја намалуваат нејзината еластичност, влага и предизвикуваат брчки. Ветрот и топлината на плажите создаваат дополнителен стрес за кожата. Дури и кога се користи заштита за сончање со висок заштитен фактор, на челото, носот, брадата, рамената и деколтето им треба дополнителна нега, и тоа производ кој инстант ќе ја ревитализира кожата за следниот ден сончање.
Односно, независно колку вашата кожа успева да се справи со сончевите зраци, за неа негата после сончање е подеднакво важна како и заштитата за сончање. Производите Пантенол на регионалната фармацевтски компанија Галеника, како и маста Јекодерм ја обезбедуваат потребната влажност за кожата и нега што во некои кризни моменти, може да го спаси и одморот.
Сите Пантенол производи и Јекодерм се достапни во сите наши аптеки и се произведени со високо квалитетни состојки кои на кожата и ги обезбедуваат потребните витамини, аминокиселини и ја надоместуваат изгубената влажност неопходни за брза ревитализација. И двата производа може да се нанесуваат после сончање, а не само во случај на изгореници од сончевите зраци.
Галеника во понудата има различни облици на пантенол, како пантенол крем, маст, раствор и најново Пантенол 9% пена.
Пантенол 9% пената благодарение на нејзиниот состав пантенол, алое вера, алантоин и витамин E се препорачува како прва помош за секојдневна нега и хидратација, нега на кожата после сончање и за регенерација на кожата по депилација. Пантенол 9% пена лесно се нанесува на поголеми површини, брзо се впива и не остава траги на кожата.
Добро познатиот и докажан бренд Јекодерм маст е богат со витамин А, витамин Д, омега-3 масните киселини, како и разни есенцијални масни киселини, кои се многу важни за нормалното функционирање на нашето тело и на најголемиот човеков орган – кожата. Маста го убрзува и олеснува процесот на регенерација на иритирана и оштетена кожа, ги обезбедува неопходните хранливи состојки за сува и перутава кожа правејќи ја кожата да изгледа мазно, сјајно и поеластично. Се користи за третман на кожа оштетена од различни надворешни влијанија, како што е и УВ зрачењето, а жените ја користат и за спречување на брчките и нега на зрелата кожа.
Секако, првиот чекор за регенерација и ревитализација на целото тело по сончање е избор на дебела сенката, туширање со млака вода и одмор од најмалку 12 часа пред повторно да излеземе под сончевите зраци. Правилната исхрана е исто така важна за нега на кожата, односно овошјето и зеленчукот, како и течностите обезбедуваат грижа за кожата, но од внатре. Природната и сирова храна богата со витамини, киселини и нутриенти помагаат за регенерација на кожата.
Уживајте во безбедна дружба со сончевите зраци заедно со Пантенол и Јекодерм.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Тргнал да истражува пештера, а потоа сфатил дека отишол предалеку (ВИДЕО)

Јутјуб дуото Џејмс и Едвард, кои објавуваат видеа на каналот „Action Adventure Twins“, објавиле видео кое не се препорачува за клаустрофобични луѓе. Имено, во видеото, кое има голем број прегледи и на „YouTube“ и на „Reddit“, еден од двајцата може да се види како ползи меѓу карпи.
„Мислев дека ќе се прошири, но како што се приближував, сфатив дека станува збор за илузија“, рекол младиот човек за време на видеото.
Колку било опасно и драматично покажува неговото дишење, кое во еден момент, поради стеснетоста на преминот, станало брзо. За време на видеото, младиот човек го изразил својот страв дека овој пат отишол предалеку со изборот на пештера.
„Се спушта надолу. Чувствувам дека ќе се заглавам. Мислам дека овој пат отидов предалеку“, рече тој за време на видеото, кое за среќа, иако доста драматично, заврши среќно, со момчето на видеото кое излегува од пештерата и се наоѓа во друштво на својот брат.
После тоа, двајцата го продолжија своето патување, сè до површината, во шумата. Видеото, кое е прегледано над 8.200.000 пати на „YouTube“, трае околу дваесет минути и на крајот од видеото, двајцата се појавуваат надвор.
Во коментарите што се појавија под објавата, луѓето оставија разни коментари, но најпопуларните беа оние поврзани со самата пештера.
„Овие сцени предизвикуваат огромен страв кај мене, не можам да се замислам во таа ситуација дури ни во моите најлоши кошмари“, „И јас бев заробен сам во пештера, чувството е полошо отколку што можете да замислите. Никогаш повеќе“, „Јас сум клаустрофобичен, но сепак ги гледам овие видеа затоа што ми се интересни. Само се обидувам да не се замислувам во овие пештери“, „Нема пари на светот што би можеле да ме натераат да го направам ова. Како можеше и да го направиш ова и да останеш толку смирен, за мене тоа е едноставно лудо и страшно. Проклетство, ми треба време да се смирам откако ќе го изгледав!“, се само некои од коментарите што привлекоа големо внимание од следбениците.
Забава
(Видео) Спортист падна на глава во емисија во живо на „Си-Ен-Ен“ во обид да направи салто наназад, видеото стана вирално

Бејзбол играчот Роберт Ентони Круз, член на популарниот тим Савана Бананас, доживеа болна и срамна несреќа во емисија во живо на „Си-Ен-Ен“. Неговиот обид да го изведе своето препознатливо салто наназад во емисијата во живо заврши со паѓање на глава, а видеото брзо стана вирално.
View this post on Instagram
Инцидентот се случи додека Круз даваше интервју. Кога го прашаа дали може да покаже еден од своите трикови, 26-годишниот спортист реши да направи салто. Но, наместо грациозно да слета, тој падна со лицето на подот од студиото.
Водителката Кејт Болдуан во шок извика: „О, Исусе“, додека Круз полека се крена на нозе со крвав образ и усна, обидувајќи се да се насмевне низ болката и велејќи: „Ова никогаш не се случува“.
Иако се обиде да ја намали сериозноста на ситуацијата, подоцна откри дека морал да побара медицинска помош. На Инстаграм објави дека добил „неколку конци“, но се пошегува и за сопствената сметка, додавајќи дека неговата гордост е „малку оштетена“.
Во објавата, тој им порача на своите следбеници: „Да, добро сум. Звукот од падот го прави видеото десет пати посмешно. Имате моја дозвола да се смеете.“
Забава
Актерот Мајкл Ворд обвинет за силување

Актерот Мајкл Ворд е обвинет за два случаи на силување и три сексуални напади, објави лондонската Метрополитен полиција.
Наводните инциденти наводно се случиле во јануари 2023 година.
Познат по своите улоги во серии и филмови како што се „Топ Бој“, „Мала секира“ и „Сина приказна“, Ворд го привлече вниманието на публиката и критичарите со својата младешка енергија и актерска автентичност, поради што беше крунисан со награда БАФТА во 2020 година.
Мајкл Ворд сега се соочува со сериозни обвиненија кои ќе го добијат својот судски епилог на 28 август, кога треба да се појави пред надлежниот суд во Лондон.
Детективскиот началник Скот Вејр од Метрополитен нагласи: „Нашите специјализирани службеници продолжуваат да ја поддржуваат жената што го направила извештајот. Знаеме дека истрагите од ваков вид можат да имаат значително влијание врз оние кои избираат да проговорат.“
Според него, истрагата е сè уште во тек, а полицијата апелира до јавноста да се воздржи од предвремени заклучоци.