Забава
Град без луѓе во близина на Доха интригира многумина

Околу 80 километри од Доха, главниот град на Катар, се наоѓа градот Филм сити, каде што може да се најдат остатоци од античко арапско село.
Ова место, познато како град на духови, се наоѓа во заливот Зекрит на западниот брег на Катар.
Филм сити, наводно, бил изграден за потребите на снимањето на арапската ТВ-серија Eyaal Al Theeb („Синови на волкот“), чие дејствие се врти околу борбата на две арапски племиња.
Остри камења, пустински песок и дини водат до ова необично катарско село, познато како село на духови. Потоа почнуваат да се гледаат песочни карпи и камчиња со интересна форма, а во близина на селото речиси и да нема луѓе или автомобили.
Имено, Филм сити не привлекува голем број посетители, но тие што ќе се одлучат да одат во Зекрит, најдобро е тоа да го направат пред стемнување за да не мора да се враќаат навечер по лошиот пат.
Една од интересните работи тука е камениот столб во форма на печурка.
Филм сити не е ни замислен како туристичка атракција.
Странските медиуми пишуваат дека луѓето често не ја разбираат намената на Филм сити со оглед на тоа што нема никој во близина, па така добиваат различни идеи за местото откако ќе прочитаат приказни во холивудски весници, катарски ТВ-емисии или во промотивни огласи за Светското првенство во Катар 2022 година.
Оние кои го посетиле, признаваат дека се чувствувале осамено и дека почувствувале морници.
Имено, Филм сити не е ни создаден како локација која би привлекла туристи. Го посетиле луѓе желни за авантура или љубопитните кои се интересираат за какво чудно место станува збор. Странските медиуми пишуваат дека „има милион причини зошто е изградено ова место, но веројатно никогаш нема да ги дознаеме“.
Инаку, ова место нуди и прекрасни рамнини, висорамнини и преубав поглед на синилото на заливот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Незгодниот момент на Кијану Ривс на доделувањето на наградите „Тони“ стана хит

Непријатниот момент на Кијану Ривс (60) стана вирален откако бродвејската ѕвезда за време на својот настап на доделувањето на наградите Тони во 2025 година скокна на столот на актерот. Ривс без да се сомнева седеше во Radio City Music Hall во Њујорк додека Џонатан Гроф изведуваше енергична верзија на „Mack The Knife“ од мјузиклот „Just In Time“.
Гроф, кој глумеше со Ривс во филмот „The Matrix Resurrections“ од 2021 година, потоа скокна на столот на Ривс, со нозете од двете страни на лицето, и продолжи да пее. Изненадениот Ривс врескаше и го погледна Гроф, кој буквално беше над неговата глава, а потоа го зграпчи за градите и скокна од столот.
@tv_line Jonathan Groff gets up close and personal with Keanu Reeves at the #TonyAwards #keanureeves #jonathangroff #tonys #2025 #cbs ♬ original sound – TVLine
Воодушевените обожаватели ги преплавија социјалните мрежи со коментари, а еден напиша: „Џонатан Гроф се искачи на Кијану Ривс среде публиката и го јаваше за време на неговиот настап на Тони“.
Други коментираа: „Кијану Ривс веќе го освои Тони со овој момент“, „Џонатан Гроф одлучи да ја искористи својата шанса со Кијану Ривс и јас го почитувам тоа“, „Флертувањето на Џонатан Гроф со Ривс беше неочекувано, но јас сум возбуден“.
Забава
(Фото) Џорџ Клуни ја врати својата природна боја на косата: „Изгледав како дилер на дрога“

Џорџ Клуни ги привлече погледите на црвениот тепих на 78-мото доделување на наградите „Тони“ во својот препознатлив стил – со својата природна, седа коса што реши да ја врати по долго време.
Познатиот актер ја доби својата прва номинација за наградата „Тони“ оваа година, благодарение на улогата во бродвејската претстава Good Night, and Good Luck.
Претходно тој ја обои косата во темна боја за да личи на новинарот Едвард Р. Мароу што го играше, но по завршувањето на претставата, реши да се врати на својата природна боја – што особено ја израдува неговата сопруга Амал.
„Мојата сопруга беше најсреќната личност кога се вратив дома и сè ишишав“, рече 64-годишниот Клуни на црвениот тепих.
„Изгледав како дилер на дрога со таа лоша црна боја за коса“, додаде тој.
Забава
Софија Вергара со заводлива фотографија ги воодушеви обожавателите: „Пристигна летото“

Софија Вергара (52) објави заводлива фотографија од себе како се сонча покрај базен на Инстаграм. Таа на шпански во описот напиша „Летото е тука“.
Нејзината објава привлече илјадници обожаватели кои лајкнаа и коментираа, вклучувајќи ја и колешката судијка на „Америка има талент“, Хајди Клум.
„Дојди… и јас го правам истото. Се сончам“, коментираше Клум, на задоволство на нејзините бројни обожаватели.
Софија неодамна беше во центарот на вниманието на медиумите поради нејзината наводна врска со возачот на Формула 1, Луис Хамилтон. Иако беа видени заедно неколку пати, нивната романса, според странските медиуми, не траела долго. Се вели дека Луис го изгубил интересот, а актерката наводно после тоа се чувствувала „напуштено“.