Забава
Дали вашиот „Инстаграм“ автоматски почна да го следи Трамп: објаснувањето е едноставно

По инаугурацијата на Доналд Трамп, многу корисници на социјалните мрежи останаа збунети околу една работа. Забележале дека ги следат профилите на Инстаграм на новиот претседател и потпретседател, иако, тврдат, никогаш не ги посетиле тие профили. Без разлика, велат, објавите на Доналд Трамп и Џеј Ди Венс се појавува во нивните feed-ови.
Некои корисници дури изјавија дека ги отпратиле овие сметки повеќе пати, но дека Инстаграм автоматски ги додава назад. Овој феномен поттикна бројни теории, но вистинското објаснување е многу помалку возбудливо. Мета рече дека правилата на социјалните мрежи се менуваат кога новиот претседател ќе пристигне во Белата куќа. Овие правила важат не само за претседателот, туку и за сметките на првата дама и потпретседателот.
Мета вели дека кога Белата куќа ќе ја смени власта, официјалните сметки на социјалните мрежи се префрлаат на новата администрација.
На пример, на 20 јануари, кога Трамп ја презеде функцијата, официјалните сметки на Инстаграм и Фејсбук на сега веќе поранешниот претседател Џо Бајден беа архивирани. Инстаграм профилот на Бајден сега е под корисничкото име @potus46archive, додека официјалната сметка на Трамп сега е @potus. Следбениците на сметката на Бајден автоматски беа префрлени на сметката на Трамп, што е стандардна практика на социјалните мрежи. Тие додаваат дека архивираните сметки се задржуваат кај постојните следбеници, но дека содржината се брише.
Доколку корисниците на Инстаграм не сакаат да ги следат Трамп или Венс, процесот е ист како и за сите други сметки. Едноставно кликнете на трите точки на профилот и изберете ја опцијата „unfollow“ или „block“.
Иако автоматското следење може да изгледа наметливо, тоа е дел од стандардниот процес кој обезбедува континуитет на комуникација помеѓу Белата куќа и јавноста. За оние кои не го сакаат, опцијата за исклучување е секогаш при рака.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Харли го покажа секој дел од своето тело во бикини: „Невозможно е да има 59 години“

Британската актерка и модел Елизабет Харли (59), која на прагот од седмата деценија воодушевува со својот младешки изглед и совршена фигура, објави нови фотографии во костими за капење од својата најнова колекција и успеа повторно да ги воодушеви своите следбеници и навистина да им го одземе здивот.
Два модели костими за капење во кои гордо ја покажа својата витка линија совршено ги истакнаа сите нејзини атрибути и навистина е тешко да се поверува дека оваа жена наскоро полни 60 години.
Пред неколку месеци, таа ја освои титулата за најубава жена на светот, а сега слободно може да се каже дека го заслужува тоа – дефинитивно е меѓу најубавите и најсексипилните познати жени, пренесуваат светските агенции.
Додека во првата објава, Елизабет позира со пријателка и промовира два модели на костими за капење, во иста боја, во видеото кое штотуку стигна до нејзините фанови, таа покажа совршена фигура од сите агли.
Таа уживаше на песок, под палма, на сонце, море и слобода, и успеа повторно да ги шармира своите обожаватели со линијата на девојка.
Забава
Меган е виновна: принцот Хари целосно го изгуби интересот за работата на хуманитарната организација

Принцот Хари го изгуби интересот за работата на хуманитарната организација „Сентебале“ откако се ожени со војвотката Меган Маркл и се пресели во САД, изјави Коабане Теко.
„Сентебале“, основан во 2006 година во чест на принцезата Дајана, се соочува со криза по низата обвинувања за вознемирување и „женомраза“ упатени од претседателката на управниот одбор, Софи Чандаука, пишува британски „Телеграф“.
Принцот Хари и принцот Сеисо се повлекоа од организацијата минатиот месец, заедно со други членови на одборот. Теко го изрази своето разочарување што војводата и војвотката од Сасекс, и покрај честите посети на Африка, не го посетија Лесото, ниту, како што тврди, одржуваа контакт со заедницата.
„Неговото губење на интересот го уби духот на „Сентебале““, изјави Теко за „Телеграф“, истакнувајќи дека бил изненаден од повлекувањето на Хари од организацијата.
Комисијата за добротворни организации на Велика Британија започна истрага за работата на „Сентебале“.
Според организацијата, „Сентебале“ е посветена на работа со млади луѓе во Лесото и Боцвана, обезбедувајќи поддршка во областите на здравство, социјална еднаквост и отпорност на климатските промени.
Забава
Бен Афлек проговори за Џеј Ло: „Таа е спектакуларна, многу ја почитувам“

Актерот Бен Афлек одлучи да го прекине молкот и да стави крај на гласините дека тој и поранешната сопруга Џенифер Лопез повеќе не се во добри односи.
На црвениот тепих на премиерата на „Д Акаунтант 2“, познатиот актер имаше само добри зборови за Лопез, нагласувајќи дека меѓу нив нема непријателство.
„Џенифер Лопез е спектакуларна. Таа е одлична со моите деца, имаме одличен однос“, изјави Афлек за „Ентертејнмент тунајт“ и додаде: „Ги сакам нејзините деца. Тие се прекрасни. Таа е неверојатно важна и искрена личност која навистина ја ценам и сум благодарен”.
Тој додаде дека на премиерата со него биле 17-годишните близнаци Макс и Еме, кои Џеј Ло ги има од претходната врска со Марк Ентони. За време на премиерата се дружеа со децата на Афлек од бракот со Џенифер Гарнер – Виолета (19), Серафина (16) и Семјуел (13).
„Одлична вечер. Моите деца се тука, децата на Џенифер се тука. Горд сум на филмот, сакам кога доаѓаат сите деца. За мене е навистина возбудливо и забавно“, рекол актерот.
Афлек и Лопез официјално се разведоа пред четири месеци, а според извори и двајцата се справуваат со емотивните предизвици на крајот на нивниот брак, фокусирајќи се на работата.
„И двајцата се тажни што бракот не успеа“, изјави извор за „Дејли мејл“.
„Но, наместо да тагуваат, тие се фрлија на работа. И двајцата сакаат повеќе успех, повеќе хитови, повеќе награди“, додаде.