Забава
Дали водата пред јадење навистина помага во слабеењето?
Ако некогаш сте се обиделе да ослабите, веројатно сте го слушнале познатиот совет: „Испијте чаша вода пред оброк, на тој начин ќе јадете помалку“.
На прв поглед звучи логично – водата може делумно да го наполни желудникот, да создаде чувство на ситост и на тој начин да ни помогне да јадеме помалку храна. Но, дали е навистина ефикасна или е уште еден популарен мит?
Според д-р Роберт Х. Шмерлинг, професор на Медицинскиот факултет „Харвард“, иако тврдењето има смисла, научните докази се мешани – и најчесто се ограничени на мали краткорочни студии.
1. „Ако се чувствуваме сити, ќе јадеме помалку“
Да, водата може привремено да го прошири нашиот желудник и да испрати сигнал до нашиот мозок да го забави јадењето. Но, тоа не се претвора автоматски во губење на тежината. Според д-р Шмерлинг, „Водата пред оброк нема да ве натера да ослабите, но може да ви помогне да јадете повнимателно и да не се прејадувате. Можеби ќе седнете на масата веќе делумно сити“.
Дополнително, експертите за долговечност советуваат дека е подобро да се пие вода пред или по оброците, а не за време – за да не се разредат дигестивните ензими.
Забавен факт: Една студија покажа дека постарите испитаници, кои пиеле вода пред оброците, примале помалку калории. Други истражувања покажуваат дека луѓето на нискокалорична диета изгубиле повеќе тежина со вода пред оброците отколку без неа, но овие студии биле краткотрајни.
2. „Пиењето вода согорува калории“
Идејата е следна: кога пиеме ладна вода, телото мора да ја загрее до телесната температура – и за тоа користи енергија. Овој процес се нарекува термогенеза.
За жал, иако некои истражувања претходно го потврдија ова, поновите студии не пронајдоа силни докази дека водата (дури и ладната вода) значително го зголемува согорувањето калории. Значи, не, нема да ослабите само со пиење вода и лежење на каучот.
3. „Не сте гладни – жедни сте“
Оваа популарна теорија, особено на „Тик-ток“, тврди дека често ја мешаме жедта со глад. Наместо да посегнеме по ужина, можеби првин треба да испиеме чаша вода.
Сепак, како што вели д-р Шмерлинг: „Регулирањето на гладот и жедта е многу сложено и се менува со возраста. Кај постарите луѓе чувството за жед слабее, но нема убедливи докази дека луѓето често ги мешаат гладот и жедта“.
Значи, оваа теорија е повеќе симпатична идеја отколку научно докажан факт.
Заклучок
Да – водата може да помогне во губењето на тежината, но не како чудотворно решение. Ефектите се скромни и неодржливи ако не се комбинираат со здрава исхрана и физичка активност.
Како што заклучува д-р Шмерлинг: „Ако мислите дека пиењето вода пред оброците ви помага – слободно. Нема многу ризик, освен ако не се обидувате да се натерате да пиете кога не сте жедни“.
Нутриционистот д-р Монтсе Прадос додава уште една важна поента: Водата бргу се исфрла од желудникот и не го активира варењето на ист начин како храната, па затоа ефектот на ситост трае помалку отколку што мислат многу луѓе.
Во три реченици:
Водата пред оброците може малку да го намали апетитот, но не е гаранција за губење на тежината.
Не согорува значително калории, ниту ги менува вашите желби за храна.
Сепак, умереното внесување вода е здраво и корисено, само не очекувајте чуда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Девиците обожаваат да критикуваат, а Шкорпиите да манипулираат: најлошите навики на хороскопските знаци
Одредени лоши навики можеби сепак можете да ги припишете на вашиот хороскопски знак.
Овен
Луѓето родени под овој знак се многу импулсивни, може да бидат тврдоглави и тешки за убедување, дури и со добри аргументи. Тие може да бидат одмаздољубиви и агресивни кон оние што ќе им забележат.
Бик
Биковите се исклучително тврдоглави луѓе, го следат својот пат и не се грижат за туѓите мислења, дури и ако тоа би им го подобрило животот. Тие се донекаде материјалисти, но бидејќи сакаат да се чувствуваат сигурно – размислуваат за иднината.
Близнаци
Ова се луѓе кои можат да бидат многу вознемирени. Често се откажуваат од она што го започнале, бидејќи не се во можност да го задржат вниманието на нешто долго време. Не знаат како да се забавуваат.
Рак
Раковите имаат емоционални проблеми и се многу сомничави. Можат да бидат толку песимистички што е непријатно да ги имате во близина. Поради нивната прекумерна чувствителност, треба да бидете многу внимателни со секој збор и секоја акција.
Лав
Тие се најсебичните луѓе што можете да ги сретнете во животот. Можат да бидат арогантни, нетрпеливи и љубоморни на секој што мислат дека е подобар од нив.
Девица
Девиците имаат тенденција да бидат едни од најбруталните луѓе што ќе ги сретнете. Тие сакаат сè да биде совршено, не ги сакаат советите на другите луѓе и знаат како да критикуваат ако некој има различно мислење.
Вага
Ова се луѓе што имаат тенденција да го менуваат мислењето. Размислуваат за нешто долго време, ги преиспитуваат работите. Може да бидат многу мрзливи и често забораваат дека внатрешната убавина на луѓето е најважна.
Шкорпија
Луѓето родени под овој знак се многу љубоморни на сите, особено ако се во врска. Тие се исто така многу таинствени и имаат тенденција да манипулираат со другите за да прават што сакаат.
Стрелец
Стрелците се исклучително невнимателни кога станува збор за благодарност за она што веќе го имаат во животот – работа, училиште, семејство. Кога прават нешто, тие се фокусирани на тој момент, па може да им снема време.
Јарец
Овие луѓе имаат тенденција да бидат исклучително тврдоглави, а ова може да биде резултат на нивниот песимистички поглед на светот околу нив. Иако не би го рекле тоа за нив, тие можат да бидат срамежливи.
Водолија
Водолијата може да биде многу екстремна и непредвидлива во своето однесување и многу тврдоглава. Понекогаш навистина не е лесно со нив – тие се весели и ентузијастични во еден момент, а лути во следниот.
Риби
Рибите имаат тенденција премногу да идеализираат сè околу нив, па затоа често се разочаруваат кога ќе сфатат каква е реалноста. Луѓето родени во овој знак се обидуваат да избегнат одговорност кога нешто ќе се случи во нивниот живот.
Забава
(Фото) Ќе владее ова лето, а можеби и следното: стар тренд се враќа на голема врата
Пругите отсекогаш имале моќ да нè смират и да ни го организираат погледот – како да создаваат ред таму каде што има хаос.
Тие се совршен моден баланс помеѓу дисциплината и предизвикот. Но, ова лето, 2025 година, пругите решија да се оттргнат од познатите сино-бели и да се впуштат во сосема нова, разиграна авантура.
Од плажа до коктели по плажа, пругите повеќе не ги следат правилата – тие пишуваат свои модни приказни.
View this post on Instagram
Костимите за капење за ова лето доаѓаат во похрабри варијанти – бикини или едноделни со вертикални, хоризонтални и дијагонални пруги во светли бои, како лимета, портокалова, црвено зајдисонце и богата чоколадна боја.
Овие пруги го кршат класичниот морнарски изглед и совршено ја обликуваат фигурата правејќи ја половината потенка, а силуетата подолга. Со ленени кошули и плетени додатоци облеката за плажа добива сосема нов сјај и шарм.
View this post on Instagram
Плетената облека се враќа посилна од кога било, но во помека, пософистицирана верзија. Колекциите од брендовите Monse и Genny содржат пругасти плетени фустани и сетови што ја балансираат едноставната елеганција со лесна женственост.
Во пастелни зелени, чоколадно кафеави и нијанси на зајдисонце овие парчиња стануваат совршен летен стил на униформ, без разлика дали станува збор за појадок или вечерно излегување на островот.
View this post on Instagram
Чантите исто така го следат трендот – од плетени торби со пругасти детали за плажа до разиграни чанти со мониста и шарени пруги за градски прошетки. Оваа година додатоците се тајните играчи што може да го воздигнат дури и најсуптилниот моден изглед додавајќи карактер и динамика.
Забава
Џастин Бибер ги вознемири фановите со нови фотографии: „Тоа не е Хејли, отворете ги очите“
Пејачот Џастин Бибер и неговата сопруга Хејли Бибер не се видени заедно долго време и се шпекулира дека не се во добри односи, а неговата нова објава дополнително ги разгоре овие сомнежи, барем кај некои обожаватели, кои се прашуваат која е жената со која е фотографиран.
Покрај фотографијата направена за време на прекрасно зајдисонце, Џастин прегрнува жена и ја опишува објавата со зборовите: „Моја секогаш и засекогаш“.
Иако многумина тврдат дека станува збор за Хејли, некои веруваат дека станува збор за непозната жена.
View this post on Instagram
Со оглед на тоа што фотографиите се доста заматени, лицето на жената на фотографијата не е јасно видливо, што им остави простор на фановите на Џастин за сомнеж, а тој доби коментари: „Таа не личи на Хејли“, „Која е девојката на фотографијата?“, „Тоа не е Хејли“, „Дефинитивно, не е Хејли, отворете ги очите“…
Сепак, повеќето веруваат дека фотографиите се навистина од Џастин Бибер и неговата прекрасна сопруга Хејли, иако таа не беше означена во објавата ниту, пак, ги објави фотографиите на својот инстаграм-профил. Бибер го означи својот бренд, но тоа е сè…
Додека некои се скептични, други, кои сè уште се мнозинство, се согласуваат дека е убаво да ги видиме повторно заедно по долго време.
Спасовски: СДСМ ги повлекува сите амандмани, бараме средства за справување со пожарите и настраданите во Кочани
Координаторот на пратеничката група на СДСМ, Оливер Спасовски, на денешната прес-конференција најави дека СДСМ и коалицијата ќе ги повлечат сите...
МНР го осуди говорот на министерот Георг Георгиев, бугарскиот амбасадор повикан на разговор
Министерството за надворешни работи и надворешна трговија најостро ги осудува навредливите изјави упатени кон претседателот на Владата и институциите на...
Ангелов со апел до граѓаните: Пријавете на 112 ако видите сомнително однесување поврзано со пожарите
Директорот на Дирекцијата за заштита и спасување, Стојанче Ангелов, денеска упати силен апел до граѓаните да пријават какво било сомнително...
Не само што се сомневаме, туку имаме и докази дека пожарите се подметнати, рече Мицкоски
Не само што се сомневаме, туку имаме и докази, изјави премиерот, Христијан Мицкоски одговарајќи на новинарско прашање во однос на...
(Видео) Филипче: ВМРО-ДПМНЕ ветуваше подобра преговарачка позиција, донесе единствено понижувања на државата
По преземањето на власта, ВМРО-ДПМНЕ наследи стабилна и јасна позиција во евроинтегративниот процес со загарантиран македонски јазик во Европската Унија...
Зачуван статусот на Охридското Езеро како светско природно и културно наследство
Министерот за надворешни работи и надворешна трговија, Тимчо Муцунски, денеска на прес-конференција во Владата информира дека статусот на Охридското Езеро...
Се испитуваат причините за пожарот во Визбегово, побаран притвор за двете лица што нападнаа новинарска екипа
Постапувајќи во врска со вчерашниот пожар во Визбегово, скопското Обвинителство поведе итна постапка против две лица – маж и жена...
Димитриевски: Македонија мора да се обедини доколку сака да се зачува и да опстане
Претседтелот на Движењето ЗНАМ – За Наша Македонија, Максим Димитриевски на денешната прес-конференција рече дека вчерашниот ден, на прв поглед,...
Успеавме да спречиме ЕП да се користи за домашна политичка пропаганда на Мицкоски, вели бугарскиот шеф на дипломатијата
„Успеавме да спречиме Европскиот парламент да се користи за домашна политичка пропаганда на Мицкоски. Северномакедонскиот премиер очигледно не е возбуден...
СДС се сити на пожарите, постојано се подметнуваат, а тие шират политички хаос и прават политички маркетинг, велат од ВМРО-ДПМНЕ
Според партијата на власт, во СДС ништо не се менува и СДС продолжува со истата политичката матрица секогаш кога има...
„Вреди“ до ДУИ: Доста со лаги, Албанците не се бројки за манипулација, ниту нули за игнорирање
Секојдневно, ДУИ шири ниски и бесрамни лаги против владењето на „Вреди“, обидувајќи се да ја измами јавноста со празни тврдења...
Активни девет пожари во државата: сè уште гори во Чучер-Сандево, Визбегово, Дојран, Македонски Брод
Центарот за управување со кризи информира дека во моментов се активни девет пожари, меѓу нив и пожарот на депонијата во...
Вимблдонска приказна што треба да ја прочитаат Сиљановска и Мицкоски: Чилеанец со македонско потекло, кој се гордее со тоа
Од специјалниот известувач од Вимблдон По скандалите со доделувањето на македонски пасоши на белосветски криминалци и нарко-босови, вистински потег на...
Рубио денес ќе се сретне со Лавров
Американскиот државен секретар Марко Рубио ќе се сретне со рускиот министер за надворешни работи Сергеј Лавров на маргините на состанокот...
(Видео) Експлозии одекнуваат во Киев, во тек е масовен руски напад, има жртви
Русија изврши масовен воздушен напад врз Украина втора ноќ по ред, а Киев беше најтешко погоден, каде што експлозиите одекнуваа...
Сообраќајот од клучката Орман до клучката Мирковци е пуштен за редовен сообраќај
Сообраќајот на потегот од Клучка Орман до Клучка Мирковци е пуштен за редовен сообраќај, исто така и на потегот Скопје-ГП...
(Фотогалерија) Армијата вклучена во гаснењето на пожарите
Армијата согласно одлуката на претседателката Гордана Сиљановска-Давкова за учество на дел од припадниците на Армијата во гаснењето на пожарите и...
Тошковски: Пожарите можеби се дел од поинакво сценарио, истрагите за подметнувања се во тек
Министерот за внатрешни работи, Панче Тошковски, изјави дека денеска бил тежок ден со вкупно 20 пожари ставени под контрола, а...
Ангажирани 60 војници за пожарот кај Ѓорче Петров, грчките канадери упатени кај Дојран
По барање на Центарот за управување со кризи, грчки канадери веќе дејствуваат на пожарот кај селото Николиќ, во близина на...
Најдено починато лице во близина на пожар во Кривопаланечко
Едно лице е најдено починато во близина на пожар во сeлото Лозаново, Кривопаланечко, соопшти МВР. Во присуство на јавен обвинител...
