Забава
Дедомразовска трка в недела во Скопје

Оваа недела, на 29 декември, Скопје ќе блесне во празничен дух со јубилејното 10-то издание на традиционалната трка на Дедо Мразовци што ќе се одржи на Плоштад Македонија.
Стотици учесници облечени во дедомразовски костуми ќе трчаат низ главниот град, внесувајќи радост и забава за сите генерации.
Трката, освен натпреварувачкиот карактер, нуди и многу забава и е отворена за сите – од најмладите до највозрасните. Со должина од само 2 километри, патеката е совршена за целото семејство, вклучувајќи ги и децата во придружба на нивните родители.
Како да се пријавите?
Пријавувањето е во тек преку веб страницата https://prvdovrv.mk/dedomrazovska и трае до 25 декември! Со пријавувањето, добивате целосен дедомразовски костум – палто, панталони, капа, ремен и брада, или пак женски комплет со фустан и капа со плетенки.
Што ве очекува?
· Награди за најбрзите Дедомразовци, Бабамразици и Мразулчиња.
· Лотарија со новогодишни желби за најсреќните учесници.
· Новогодишно пакетче за секое дете под 10 години.
· Музичка програма, фитнес загревање и свечена церемонија за победниците.
Стартот на трката е закажан на 29 декември, недела во 12 часот, а подигнувањето на стартните пакети започнува од 10 часот на денот на трката на Плоштад Македонија.
Организатор на трката е здружението за спорт и рекреација „Прв до врв“, со поддршка од Пивара Скопје и Град Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) На 50 години таа има лице и тело како девојка: во што е тајната?

Актерката Елса Патаки неодамна присуствуваше на настан за лансирање на брендот Biotherm во Мадрид. Сопругата на Крис Хемсворт е амбасадор на гореспоменатиот бренд, па затоа не е изненадување што таа беше заштитно лице на настанот.
За таа пригода, таа избра едноставна бела креација која ласкаше на нејзината завидна фигура, со асиметричен крој, длабоко деколте и отворени рамена.
За да го разбие монохроматскиот изглед, таа додаде потпетици со отворени прсти во боја на праска кои ги истакнуваа нејзините витки нозе.
Бидејќи е природно убава, немаше потреба од многу шминка, па актерката се одлучи за земјени тонови кои само малку ги истакнуваа нејзините црти.
Косата ја стилизираше на наједноставен начин – ја остави слободно да паѓа по грбот, а како додатоци додаде едвај забележливи обетки и нараквици.
Покрај нејзината модна комбинација, најголемо внимание на јавноста привлече младешкото лице, што го поставува прашањето – како го прави тоа?
Во интервју за „Harper’s Bazaar“, шпанската убавица еднаш призна дека клучот за нејзиниот успех е: физичка активност, правилна исхрана и „ментална кондиција“.
Што се однесува до нејзината рутина за убавина, Елса се труди да ја одржува едноставна и минимална, а да не вклучува многу производи за нега на кожата.
Еве што таа практикува:
- Соодветно чистење и миење со ладна вода
- Хидратација на кожата проследена со масажа на лицето
- И на крај, зелен чај
фото: принтскрин
Забава
(Фото) Серена Вилијамс никогаш не изгледала послабо: се појави во проѕирен фустан во Милано

Поранешната тенисерка Серена Вилијамс ги потсети сите на својот нов изглед со нејзиното појавување на Неделата на модата во Милано, а благодарение на проѕирниот фустан, многумина не можеа да ги тргнат очите од неа.
Серена неколку пати беше главна тема поради својот изглед, а многумина коментираа за потенцијалните начини на кои ослабела.
Овој пат, таа се одлучи за драматичен изглед. Се појави во сив тесен фустан кој има пердуви на рабовите, а е проѕирен поради што јасно се видливи нејзините облини и мускули.
Гламурозна и драматична, тоа е најдобриот опис на нејзиниот изглед.
Серена никогаш не криела дека се мачи со килограмите, особено по породувањето, а потоа, меѓу другото, користеше и Оземпик, за што отворено зборуваше.
фото: принтскрин
Забава
(Фото) Трендовски маникир што мора да го пробате оваа есен

По лето полно со светли нијанси, време е да додадете нежни кафеави тонови во вашата колекција лакови за нокти и да им дозволите на потемните бои да заблескаат.
Прва се појави лате-шминката, која стана вирална на „Тик-ток“ и собра над 220 милиони прегледи во последните неколку недели.
View this post on Instagram
Таквата шминка подразбира користење топли кафеави тонови, како карамела и какао, на нашите очи, јаболкца и усни за заводлив ефект, кој е еднакво погоден и за сончевото летно време и за топлата есенска клима. Накратко, тоа е совршена идеја за нашиот транзициски изглед на шминка.
View this post on Instagram
Следно се лате-ноктите, кои го носат трендот во чоколадни тонови еден чекор понатаму.
View this post on Instagram
Топлите лате-тонови зрачат со чувство на удобност и елеганција, а совршено го надополнуваат секој есенски изглед.
фото: принтскрин