Забава
Доделени „Златните глобуси“: најдобрата драма доби овации
![](https://makfax.com.mk/wp-content/uploads/2024/01/Screenshot-2024-01-08-095418.jpg)
Доделувањето на „Златните глобуси“ се одржа во неделата навечер во Лос Анџелес, а триумфираа филмовите „Опенхајмер“ и „Сиромашните работи“.
Златен глобус за најдобар филм на годината во жанрот комедија или мјузикл го освои филмот „Poor Things“, додека во категоријата драма ова признание го освои „Опенхајмер“.
Ема Стоун ја доби наградата за најдобра актерка во комедија или музички жанр за улогата во филмот „Poor Things“, а Златен глобус за најдобар актер во истата категорија му припадна на Пол Џамати за улогата во филмот „”The Holdovers”“.
Килијан Марфи доби Златен глобус за најдобар актер во драма за улогата во филмот „Опенхајмер“, а Лили Гладстон беше прогласена за најдобра актерка во драма оваа година за улогата во филмот „Killers Of The Flower Moon“.
„Опенхајмер“ дефинитивно е шампион на вечерта, со оглед на тоа што Златниот глобус за најдобар режисер на годината му припадна на Кристофер Нолан поради ова достигнување.
Филмот „Барби“ го освои Златниот глобус за филм со најголема заработка во 2023 година, што е нова категорија на оваа престижна награда. „Барби“ заработи 1,33 милијарди евра од продажбата на билети за кино ширум светот.
Златен глобус за најдобра телевизиска серија на годината во драмски жанр го освои серијата “Succession”, а во комедија или музички жанр “The Bear„ .
Останатите добитници се:
Најдобра споредна женска улога: Двејн Џој Рендолф во „The Holdovers“
Најдобра споредна машка улога: Роберт Дауни Џуниор во „Опенхајмер“
Најдобра музика за филм: Били Ајлиш и Финиос О’Конел за филмот “Барби” и песната “What Was I Made For?”
Најдобра актерка во телевизиска серија: Сара Снук во серијата „Succession“
Најдобар актер во телевизиска серија: Киран Калкин во „Succession“
Најдобра актерка во мјузикл или хумористична телевизиска серија: Ajo Edebiri во “The Bear”
Најдобра актерка во мјузикл или комедија телевизиска серија: Џереми Ален Вајт во “The Bear”
Најдобра актерка во споредна улога во телевизиска серија: Елизабет Дебицки во „The Crown“
Најдобар актер во споредна улога во телевизиска серија: Метју Мекфадиен во „Succession“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Влатко Стефановски слави 50 години кариера
![](https://makfax.com.mk/wp-content/uploads/2017/09/vlatko-stefanovski.jpg)
Влатко Стефановски, композитор, текстописец, пејач, автор на применета музика за филмови и театарски претстави, годинава прославува јубилеј – 50 години успешна кариера.
Во сабота на 6 јули ќе има целовечерен концерт во Ниш, во недела првпат ќе настапи во Белград како дуо со Васил Хаџиманов, во Ботаничката градина на фестивалот „Џез во градината“, а на 16 декември во новореновираниот Сава Центар.
Влатко е роден во типично театарско семејство. Неговите родители, како уметници, често патувале, па така набрзо Стефановски се преселил во Скопје, во населбата Тафталиџе. Влатко Стефановски живее со своето семејство (која ја сочинуваат сопруга Гордана, ќерката Ана и синот Јан) во Скопје. Во рамките на неговиот дом, Стефановски го сместил неговото тонско студио „Езотерија“.
Забава
Бекамови ја рекреираа својата позната виолетова свадбена облека: Изгледав како од филмот „Глуп и поглуп“
![](https://makfax.com.mk/wp-content/uploads/2024/07/6bb4bcf4-b5db-4e4b-b41b-f78f707e3777.jpg)
Викторија и Дејвид Бекам објавија фотографија на Инстаграм пред 25-годишнината од бракот.
Со оваа фотографија тие ја рекреираа својата многу позната виолетова свадбена облека. И двајцата се во виолетова боја и седат на златен трон.
„Погледнете што најдовме“, гласи описот на објавата која има речиси милион лајкови на Инстаграм.
Дејвид претходно се пошегува на сметка на модната комбинација на „Desert Island Discs“ на Радио 4 во 2017 година: „Имав дури и виолетова капа, што мислев? Изгледав како момците од „Dumb and Dumber“.
Во коментарите на Инстаграм, мајката на Дејвид, Сандра напиша: „25 години и сè уште изгледате неверојатно, посебни спомени“. Неговата помлада сестра Џоан напиша: „Сега изгледаш исто толку добро како тогаш“. „Ќе им кажам на моите деца дека ова се кралот и кралицата на Англија“, „Ова е моето кралско семејство“, гласеше коментарот.
Една година по средбата, парот се сврши, а медиумите ги нарекоа Пош и Бекс. Дејвид ја запросил во хотелот по натпреварот со Манчестер Јунајтед. Двојката се венча во замокот Лутрелстаун во Ирска во 1999 година на раскошна церемонија, која чинеше речиси 1 милион фунти. Викторија и Дејвид имаат четири деца, синовите Бруклин, Ромео и Круз и ќерката Харпер.
Двојката помина романтичен викенд на Сардинија пред 25-годишнината од бракот. Инаку, во 2022 година, годишнината ја прославија во Хрватска, каде веќе традиционално секоја година се со семејството на островот Лопуд.
Забава
Актерката Тори Спелинг е снимена како ужива на плажа во бикини, фановите останаа шокирани од тоа колку ослабела
![](https://makfax.com.mk/wp-content/uploads/2024/07/64cc9fb5-5073-45fc-b2dc-51c357e255a2.jpg)
Актерката Тори Спелинг е фотографирана како ужива на плажа во Лос Анџелес.
51-годишната ѕвезда од серијата Беверли Хилс 90210 осамна во ситно зелено бикини, а обожавателите беа изненадени од тоа колку килограми изгубила.
Актерката со години се бори со вишокот килограми, а во својот подкаст призна дека користела лек за дијабетес кој многу познати личности го земаат за да ослабат.
Медиумите потсетуваат дека актерката годинава се разведе од сопругот Дин Мекдермот, а минатата година беше снимена како живее со своите пет деца во мотели и кампер поради финансиските проблеми со кои се соочуваше.