„Со Љубов, Меган“, новото лајфстајл шоу на Меган Маркл, дојде на Нетфликс на 4-ти март и веќе доби еден тон забелешки. Бројни медиуми веќе ги објавија своите критики за новиот потфат на Меган и нејзиниот сопруг принцот Хари.

Сите осум епизоди на „Со љубов, Меган“ се објавени на Нетфликс, откако премиерата беше одложена поради пожарите во Лос Анџелес во јануари. Во секоја епизода, Маркл ги поканува познатите пријатели во нејзиниот дом. Во емисиите дава совети за готвење и домашни и градинарски работи. Некои од гостите во нејзиното шоу се актерката и писателка Минди Калинг, актерката Абигејл Спенсер и спортистката и инфлуенсер Делфина Блакиер.

Оценките засега се дост лоши. Серијата е оценета со 2,4 од 10 на „ИМДБ“, а има оценка од 33 отсто на „Ротен Томатос“. Британските медиуми особено го критикуваа шоуто. Независната критичарка Кејти Росеински му даде на шоуто една ѕвезда од можни пет. Таа го нарече шоуто „измачувачко и исцрпувачко“.

Критичарот на Гардијан, Стјуарт Херитиџ, го нарече шоуто невкусно и „трето последователно разочарување“ што Меган и Хари го продуцираа за Нетфликс.

Британскиот весник „Тајмс“ во рецензија со две ѕвезди објави дека Маркл е талентирана за креативно претставување, но го критикуваше „очајниот оптимизам“ на серијата и ја критикуваше Маркл што „го претставува своето екстремно богатство и неверојатно ексклузивен начин на живот како да е достапен за секого“.

Телеграф, кој го оцени шоуто со 2/5 ѕвезди, во својата рецензија споменува нарцизам.

„Меган ги кани луѓето во својата лажна куќа и тие и кажуваат колку е неверојатно. Ова се случува во сите осум епизоди“, напишала критичарката Анита Синг. Инаку, Меган за снимањето изнајмила куќа вредна осум милиони долари.

Некои публикации беа помалку остри во нивните критики, вклучувајќи го и „Вог“, кој рече дека аранжирањето и готвењето на Меган биле интересни и ја покажале нејзината страст.

Харперс Базар соопшти дека шоуто покажува како Маркл се враќа „на своите корени“, мислејќи на нејзиниот блог за начин на живот The Tig, кој го водеше од 2014 до 2017 година.

Сепак, има и позитивни коментари од некои следачи.

„Со љубов, Меган е совршеното мало бегство од превирањата што се случуваат во светот. Браво, Меган“,

„Го гледам шоуто, каков прекрасен живот има“,

„Таа е толку шармантна и елегантна“,

„За сите негативни критики од медиумите: Ова е шоу за готвење и стил на живеење, зошто сте толку глупави?“.

The review from The Guardian about #WithLoveMeghan, was made by a guy who thought she would make revelations about the Royal Family? It’s a lifestyle and cooking show, why are “journalists” in the 🇬🇧 so dumb? If you don’t know what that means, don’t review it. pic.twitter.com/ZSvr0EhWPi

— the blue (@thebluestshade) March 4, 2025

Not Meghan telling us she’s no longer a Markle 😩🫣

she’s so freaking charming and elegant💁🏾‍♀️ I can’t 🥺 and Mindy Kaling seems so kind as well.

Meghan Sussex has surrounded herself with amazing people 🥺👏🏾#WithLoveMeghan #AsEverMeghan pic.twitter.com/GAzQgrCl6g

— DejaHudson( Sussex squad)(H&M) 🇧🇸🇧🇸🇧🇸 (@ChanteHudson4) March 4, 2025

I just watched all eight episodes of #WithLoveMeghanOnNetflix I give it ⭐️⭐️⭐️⭐️⭐️ 10 out of 10. By the way, I only got two hours of sleep and now I am off to work. No regrets. I am even more in love with Rachel Meghan Sussex #AsEver pic.twitter.com/A6MvRNab0t

— sussexopulence (@sussexopulence) March 4, 2025

Дилан Даглас, 24-годишниот син на Мајкл Даглас (80) и Кетрин Зета-Џонс (55), напредува во својата актерска кариера по стапките на своите славни родители. Со желба да сними што е можно повеќе проекти, Даглас го прифатил и дипломскиот филм на студентите од Њујорк наречен Truths of a Corporate Sellout и на својот „Инстаграм“ сподели како изгледаат работите зад сцената на претстојниот проект.

Дипломиран на Универзитетот „Браун“, тој го имаше своето филмско деби во 2003 година појавувајќи се покрај својот татко Мајкл, братот Камерон и дедо му Кирк Даглас во комедијата со соодветен наслов It Runs in the Family и со текот на годините продолжи да гради име за себе во светот на шоу-бизнисот.

Во 2011 година тој синхронизира епизода од „Финес и Ферб“, која се емитуваше на каналот „Дизни“, а се испроба и на театарските штици.

Покрај актерството, тој покажа интерес и за политички теми, а во септември 2024 година почна неделен политички поткаст наречен Young American. Поткастот се емитува во сабота во 11 часот и има цел да ја информира и мотивира неговата генерација за политичките прашања што влијаат на нивната иднина.

„Од почетокот на вечните војни, првиот црн претседател, културните војни и сега втората шанса за првата жена претседател, мојата генерација доживеа некои од најтрансформативните и најбурни времиња во нашата историја – и само ќе стане полудо“, рече Дилан објавувајќи го поткастот.

Покрај синот Дилан, Кетрин Зета-Џонс и Мајкл Даглас ја имаат и ќерката Керис (23).

Оваа година парот слави 25 години успешен брак. Нивната љубовна приказна почна на филмски фестивал во Франција. Тие се венчаа во ноември 2000 година во хотелот „Плаза“ во Њујорк. Нивната раскошна венчавка, на која присуствуваа многу познати актери, политичари, па дури и членови на британското благородништво, беше прогласена за свадба на годината.

Лили Роуз Деп, 25-годишната ќерка на Џони Деп и Ванеса Паради, стана тема на коментари на социјалните мрежи поради изборот на облеката што ја носеше на забавата на „Венити фер“ организирана по „Оскарите“.

Младата актерка се појави во краток шарен топ украсен со црна машна и долго здолниште со ниска половина. Таа со овој избор на облека ја истакна својата вита фигура, како и тесната половина, некои ѝ даваа комплименти за изгледот, други сметаа дека не е соодветно облечена за ваков настан.

Инаку, хорор-филмот Nosferatu, во кој Лили Роуз ја играше главната улога, беше номиниран за „Оскар“ во четири категории.

Филмот е римејк на германскиот експресионистички класик од 1922 година, инспириран од романот „Дракула“ на Брам Стокер. Сместен во Германија од 1830 година, ја следи младата жена Елен Хантер, која ја игра Лили Роуз, додека се свртува кон натприродно суштество за да ја ублажи својата осаменост, што ја наведува да даде злокобен завет за вечност. Хоророт има 84 проценти на Rotten Tomatoes.

„Ова изгледа страшно“, „Можеше и да облече нешто. Изгледа како да отишла на плажа“, „Убава е, но не ми се допаѓа оваа облека за ‘Оскарите’“, „Изгледа како стомачна танчарка“, „Малку насмевка, малку руменило и сјај за усни и ќе изгледаше подобро“, „Не разбирам зошто ја осудуваш, млада е и изгледа модерно“, се само некои од коментарите.

Неодамна Лили Роуз откри дека таа со овој филм сигурно ќе освои поени кај помладиот брат Џек, кој како и таа како дете бил опседнат со Дракула.