Забава
Европски град прогласен за најсреќно место во светот за посета
Патувањето понекогаш може да биде стресно. Иако вреди да се поминат неколку дена истражувајќи место што може да ви го промени животот, не секогаш бараме таков вид трансформација. Понекогаш само сакаме одмор што ќе ни помогне да се опуштиме и да се вратиме дома со насмевка на лицето.
За ваквите патници агенцијата за јога-патувања BookRetreats го разви Индексот на среќа за време на одмор. Студијата спореди 47 популарни дестинации од целиот свет врз основа на пет клучни критериуми: сончеви часови, квалитет на спиење, здрава исхрана, пристап до природа и можности за вежбање, објавува “Тајм аут“.
Најсреќниот град за посета
По детаљна анализа на податоците, португалската престолнина Лисабон го освои првото место како најсреќен град за посета. Според BookRetreats, Лисабон „се издвојува по неколку фактори што придонесуваат за добро чувство“, а неговата храна се наведува како посебен адут. Гастрономската понуда на португалската престолнина, богата со здрави ресторани, ја смести на високото второ место во таа категорија.
Градот е опишан и како „компактен и лесен за прошетка“, а стрмните улици, иако можеби предизвикувачки по обилен оброк, ви помагаат да останете во форма.
Покрај тоа, Лисабон нуди многу зелени површини – речиси четирипати повеќе од Мадрид – и импресивни 2.828 часа сончеви зраци годишно. Накратко, градот постигнува високи резултати во сите аспекти на Индексот на среќа, што го прави јасен победник.

Хелсинки нуди природно бегство
На второто место е Хелсинки, кој особено се истакна во категоријата „поврзување со природата“. Финска е позната како среќна земја, па затоа не е изненадување што нејзиниот главен град се рангира високо. BookRetreats ги истакнува „бујните паркови и булевари со дрвја“, кои „беспрекорно се вклопуваат со шумските патеки“. Исто така, се вели дека „мирното темпо на живеење“ на Хелсинки е идеално за патници што бараат релаксирачко бегство.
На третото место е Орландо, Флорида. Ако можете да ги избегнете толпите, овој град може да понуди изненадувачки релаксирачко искуство. Иако е познат по своите тематски паркови, Орландо се гордее и со многу зелени површини, плажи и целогодишно сонце.
Топ-5 најсреќни дестинации за одмор
1. Лисабон, Португалија
2. Хелсинки, Финска
3. Орландо, Флорида
4. Атина, Грција
5. Единбург, Шкотска
фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Меланија Трамп воодушеви во гламурозна креација во боја на смарагд
Меланија Трамп важи за дама со стил и вкус. Деловната елеганција е нејзин заштитен знак и ретко избира раскошни креации за средби со официјални претставници на земјите. Сепак, таа знае и како да направи исклучок…
Претседателот на САД, Доналд Трамп, го прими саудискиот престолонаследник Мохамед бин Салман, неофицијалниот лидер на Саудиска Арабија, во Белата куќа.
На церемонијалниот пречек се придружи и Меланија Трамп, првата дама на САД, но и жена која ја знае добитната модна комбинација кога станува збор за официјални посети.

Иако деловната елеганција е нејзин заштитен знак, Меланија овој пат одлучи да направи исклучок и избра гламурозна креација за да го пречека саудискиот принц.
Станува збор за макси фустан во смарагдна боја кој ја нагласува фигурата. Со оглед на тоа што првата дама на САД ја краси тело на модел, таа немаше проблем со леснотија да ја носи оваа креација од либанскиот дизајнер Ели Саб.

Својот стил го комплетираше со дискретни додатоци, впечатлива шминка и едноставна фризура која слободно паѓаше по нејзините рамена.
фото: принтскрин
Забава
(Видео) Емина Јаховиќ ги расплака посетителите на нејзиниот концерт, а потоа му порача на Ковачевиќ: Ќе мораш да ми го кажеш тоа во лице
Пејачката Емина Јаховиќ синоќа, 18 ноември, го одржа својот втор концерт по ред во Сава Центар во Белград, на кој расплака многумина.
Најемотивниот момент од концертот беше кога Емина на сцената се сети на својот покоен колега Халид Бешлиќ.
Таа го отпеа неговиот хит „Први полљубац“, кој публиката го поздрави со аплауз, а многумина се расплакаа.
По концертот, Емина Јаховиќ даде изјава за медиумите, а новинарите ја прашаа за Саша Ковачевиќ, на што таа рече:
– Никогаш не сум имала ништо лошо во животот со ниту еден од моите колеги, никакви негативни вибрации. Моите колеги се мои пријатели пред сè. Саша и јас имаме безвременска песна. Напишав безвременска песна за нас двајца. Никогаш немавме никакви проблеми, никакви караници, кажување лоши работи еден на друг… – ја започна приказната Емина Јаховиќ, откривајќи дека го поканила на својот прв концерт, но дека тој одбил.
На прашањето што има да одговори на неговиот коментар „дека не е џентлеменски да каже што е проблемот“, Емина му порача дека ќе мора тоа да и го каже во лице.
фото: принтскрин
Забава
Саша Ковачевиќ ја откри вистината за односот со Емина: „Проблемот трае со години“
Поп-пејачот Саша Ковачевиќ не се појави на концертот на Емина Јаховиќ, со која го има снимено еден од најубавите дуети.
Додека таа одржуваше концерт во Сава Центарот во Белград, Саша Ковачевиќ гостуваше во емисија. Водителот го праша за нивниот однос, а пејачот реши да ја открие вистината.
Како што вели, Емина Јаховиќ го повредила неколку пати.
– Ги почитувам сите мои колеги. Два или три пати се случија работи што не беа колегијални, пријателски. Тоа беше во минатото. Таа повеќе не се однесуваше пријателски, а јас ја сметав за пријателка – рече Саша Ковачевиќ и додаде:
– Морам да реагирам. Овој наш проблем датира одамна, години. Морам да се бранам, тоа се нормални работи во бизнисот – рече Саша Ковачевиќ во емисијата.
Пред 16 години, Емина Јаховиќ и Саша Ковачевиќ снимија дует кој стана еден од најпознатите српски хитови, а нивната соработка остави голем белег на музичката сцена, па отсуството на Саша од концертот на Емина предизвика интерес кај јавноста.
фото: принтскрин

