Организторите на Канскиот филмски фестивал годинава воведоа строги кодекси на облекување до кои славните мора да се придржуваат.

Забрането е носење фустани со голем волумен, фустан што се влече по земја зад грбот, како и  разголени фустани за да се обезбеди поголема пристојност.

Кинеската актерка Ван Ќенхуи ги прекрши правилата со излегувањето на црвениот тепих, но актерката Хали Бери не препушти ништо на случајноста и откри дека поради новите правила во последен момент се одлучила за поинаков фустан.

„Имав одличен фустан за вечерва, но не можев да го облечам бидејќи задниот шлеп е преголем. Морав да го сменам. Но делот за голотија е веројатно добро правило”, рече таа на прес-конференцијата.

58-годишната Бери оваа година е член на жирито на фестивалот, а за разлика од неодамнешното предизвикувачко издание со кое го привлече вниманието, таа во Кан се појави во долг фустан со црно-бели риги, а со тоа ги избегна строгите казни кои ги најавија организаторите.

„Целта не е нужно да се регулира облеката, туку да се забрани целосната голотија на црвениот тепих, во согласност со институционалната рамка на настанот и француските закони“, велат организаторите.

„Фестивалот го задржува правото да го оневозможи пристапот на лица чија облека може да го попречи движењето на другите гости или да го отежне распоредот на седење во салите за прикажување“, додаваат тие.

Албанија ги воодушеви гледачите на Евровизија со својот настап во првата полуфинална вечер, што се одржа синоќа во Базел.

Дуото „Шкодра електронике“ ја изведе песната „Зерм“ и се пласира во финалето. Тие моментно се на деветтото место за победа во обложувачниците за Евровизија.

Видеото од нивниот настап собра 144.000 прегледи на „Јутјуб“ за 10 часа од објавувањето, со позитивни коментари подолу.

„Шкодра електронике“ е италијанско-албанско фолктроничко дуо формирано во 2019 година во Скадар, град во северозападна Албанија, и го сочинуваат членовите Коле Лаца и Беатриче Ѓерѓи. Тие се албански имигранти, кои пораснале во Италија.

Музиката на „Шкодра електроник“ се карактеризира со фузија на жанрови, како што се електронска музика, поп и традиционална албанска музика. Нивните текстови често се занимаваат со теми, како што се љубовта и секојдневниот живот.

Се појави вознемирувачко видео од безбедносна камера на хотел во Лос Анџелес, на кое јасно се гледа како музичкиот могул Шон (Диди) Комбс брутално физички ја напаѓа својата тогашна девојка Кеси Вентура.

Снимката, која беше прикажана во целост пред поротата на судењето, ги прикажува морничавите моменти на насилство од 2016 година во хотелот „Интерконтинентал“ во Сенчури Сити.

Во видеото Комбс бесно ја брка Кеси по ходникот, ја зграпчува за главата, ја турка на подот и ја клоца додека таа лежи неподвижна. Потоа ја влече по подот, а подоцна во видеото се појавува обезбедување, кое се обидува да интервенира. Видеото нема звук, но визуелната содржина е толку вознемирувачка, што ја остави судницата во целосна тишина.

Warning – disturbing video: This is the video where Diddy is seen physically assaulting Cassie Ventura in 2016 surveillance video obtained by CNN.

Exclusive reporting from @EWagmeister: pic.twitter.com/08UIcYgec1

— Omar Jimenez (@OmarJimenez) May 17, 2024

Обезбедувачот Израел Флорез, кој сега е полицаец, беше првиот сведок на судењето и сведочеше дека Комбс потоа се обидел да му понуди поткуп за да го прикрие инцидентот.

Кеси Вентура дала детален опис на годините физичко и психолошко малтретирање што ги претрпела за време на десетгодишната врска со Комбс. Таа тврди дека тој целосно ја контролирал, честопати ѝ упатувал закани и оставал оружје во куќата за да ја заплаши.

Најшокантните обвинувања се однесуваат на таканаречените забави Freak Off – повеќедневни сексуални оргии, во кои Комбс ја принудувал да учествува со платени мажи додека тој гледал и снимал.

„Во првата година од нашата врска тој ми предложи брак под изговор на воајеризам. На почетокот сакав да му угодам затоа што бев заљубена, но бргу сфатив дека тоа е нешто што не сакав да го правам. Немав избор. Се плашев – од него, од последиците, од уцената“, рече Кеси низ солзи.

Таа рече дека забавите траеле од 36 до 72 часа, понекогаш и подолго, и дека десетици шишиња бебешко масло биле користени во една сеанса.

Таа исто така откри дека Комбс редовно бил физички насилник.

„Ме удираше во главата, ме шутираше додека бев на подот, ме влечеше низ станот. Ме удираше толку силно што белките од очите ми поцрвенуваа“.

И покрај сè, Кеси стоеше со Комбс на црвениот тепих држејќи го за рака на премиерата на „Совршениот пар“ два дена по нападот во 2016 година. Кога ја прашале зошто останала, таа рекла дека се плашела – не само физички туку и психолошки.

„Ме увери дека може да ме уништи ако некогаш си заминам“.

Обвинителите тврдат дека Комбс водел криминална организација, која сексуално експлоатирала и заплашувала жени со децении, користејќи моќ, пари и слава за да ги контролира и замолчи.

Доколку биде осуден, тој се соочува со доживотен затвор.