Забава
Евросонг 2022 без Русија

Русија доби забрана за учесто на овогодинешниот Избор за песна на Евровизија.
Европската радиодифузна унија, која го организира панконтиненталниот музички настан, отстапи од претходната одлука и ја исфрли Русија од овогодинешниот натпревар по нејзината инвазија на Украина и во услови на широко распространета осуда, објавија светските медиуми.
„Одлуката ја одразува загриженоста дека, во услови на криза без преседан во Украина, вклучувањето на руската пријава за учество во овогодинешниот натпревар ќе ја доведе конкуренцијата на лош глас “, се наведува во соопштението на организаторите.
„ЕБУ е аполитична организација членка на радиодифузери посветени на одржување на вредностите на јавниот сервис. Остануваме посветени на заштитата на вредностите на културниот натпревар кој промовира меѓународна размена и разбирање, ја зближува публиката, ја слави различноста преку музика и ја обединува Европа на една сцена“.
Овој потег означува значителен пресврт за ЕБУ откако во петокот украинската државна телевизија, UA: PBC, побара да не ѝ дозволат на Русија да учествува.
„ЕБУ“ првично соопшти дека Русија и Украина би биле добредојдени да се натпреваруваат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Објавен датумот на погребот и комеморацијата за Саша Поповиќ

Гранд продукција објави дека погребот и комеморацијата за продуцентот Саша Поповиќ ќе се одржат во четврток на 6 март.
„Би сакале да ја информираме јавноста дека во четврток, на 6 март, во 10 часот, во главната конгресна сала на Центарот Сава ќе се одржи комеморација на основачот и креативен директор на Гранд продукција, Саша Поповиќ. Истиот ден во 12:00 часот семејството ќе прима сочувство на Бежаниските гробишта во црквата Свети апостол Тома каде во 13:45 часот ќе се одржи миса. Погребот ќе се изврши во 14 часот и 30 минути“, пишува Гранд продукција.
Саша Поповиќ беше еден од најмоќните луѓе во српската естрада. Најмногу е познат преку неговата работа како продуцент, телевизиски водител и поранешен музичар. Почина на 70-годишна возраст, по кратко и тешко боледување.
Забава
(Видео) Актерот беше прашан зошто гледал во телефонот на Оскарите, неговиот одговор е тотален хит

Актерот Џеф Голдблум стана вирален откако беше снимен како гледа во телефонот пред да започнат Оскарите, а работите да бидат уште полоши – тој бараше фотографии од црвениот тепих.
Актерот и неговата сопруга Емили Ливингстон го поддржаа филмот Wicked, во кој тој глуми, на Оскарите. Фотографиите од него пред да започне доделувањето на наградите насмеаа многумина. По церемонијата, Голдблум беше прашан за коментар во врска со виралните реакции на неговите фотографии, а неговиот одговор стана хит.
Jeff Goldblum reacts to getting caught looking at his own red carpet photos. 🤣
(📷: Carlos Barria/Reuters) pic.twitter.com/1ra1oC7lxE
— Entertainment Tonight (@etnow) March 3, 2025
„О, Боже, види го тоа, дај да видам!“, рече додека репортер на Ројтерс му ја покажа фотографијата, а неговата сопруга веднаш излезе во негова одбрана.
„Не, всушност, стигнавме на нашите места еден час порано. Што би правеле вие додека се обидувате да го убиете времето?“, праша таа додека Голдблум се слуша во позадина како вели: „Ова е смешно. Леле. Фатен сум“. Новинарот додал дека веројатно и тој би го направил истото, на што Голдблум на шега праша: „Каде има повеќе фотографии од мене, тоа е моето прашање“.
Забава
(Видео) Американската актерка доби овации на Оскарите за поддршката на Украина

Американската актерка Дерил Хана (64) изрази поддршка за Украина за време на Оскарите. Актерката излезе на сцената за да ја додели наградата за категоријата Достигнувања во филмска монтажа.
„Слава на Украина“, рече актерката и подигна два прста во знак на мир, а нејзината кратка порака ги воодушеви присутните која беше пропратена со стоечки овации од публиката и громогласен аплауз.
Ова не е првпат Дерил Хана да ја поддржува Украина. Набргу откако Русија ја започна својата инвазија на Украина во 2022 година, таа напиша: „Ние стоиме со вас и со сите жртви на бруталните диктатори и бесмислените војни“.