Забава
Еден хороскопски знак влегува во фаза на финансиски просперитет од Нова година
Некои луѓе се раѓаат со тоа познато „чувство за можност“, а за некои едноставно доаѓа нивниот момент. И Новата година ќе го донесе тој момент – токму за Јарците.
Да, токму за нив! Оние кои премногу пати го стегнале ременот, си ги одзеле малите задоволства и работеле повеќе отколку што би работеле било кој нормален човек, конечно влегуваат во фаза на финансиска благосостојба.
Јарците се познати по тоа што не се расипници, за разлика од другите хороскопски знаци. Но, кога конечно ќе добијат поголеми приливи, тие знаат како да управуваат со нив како вистински генерали на среќата.
Од првите денови од јануари, планетите им се смешкаат – бизнисите кои долго време стагнираа конечно се движат напред, можностите што претходно изгледаа нереални ќе бидат многу остварливи.
Можеби вие, ако сте Јарец, едно утро ќе ја погледнете вашата сметка и ќе сфатите дека бројките повеќе не се сведуваат само на преживување, туку на живеење на животот до максимум.
Секако, не е сè до хороскопот. Судбината им е наклонета на храбрите – а Јарците веќе го докажаа ова. Се сеќавате на оние ноќи кога работевте додека другите спиеја?
Или на оние моменти кога гризнавте нешто кисело за утре да биде слатко? Токму тоа ви се враќа. Енергијата што ја вложивте сега прераснува во стабилност, безбедност и, што да не се каже – уживање.
А каде сте вие во целата оваа приказна? Ако ги познавате Јарците, можеби е време да ги „разгалите“, бидејќи наскоро тие ќе бидат најбараните луѓе во општеството – луѓе кои имаат и знаат како да заработат повеќе.
А ако сте тој среќен знак, имаме практичен совет: никогаш не инвестирајте го целиот ваш профит во еуфорија. Направете еден план, па друг – и оставете простор за раст. Парите најмногу ја сакаат дисциплината.
Уживајте во вашиот подем, заблагодарете се себеси и на универзумот… и да, проверете – можеби судбината ве гледа токму сега.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Вратата ја удри Ријана, нејзината реакција стана хит
Поп-ѕвездата Ријана доживеа мала незгода при излегување од хотел во Њујорк, кога вратата ја удри бидејќи телохранителот не ја придржал. Ситуацијата е снимена и видеото брзо се прошири на социјалните мрежи.
Ријана реагираше во свој стил – се насмеа и му дофрли на телохранителот: „Баш сте џентлмен“. На интернет се отвори дебата – некои сметаат дека тој требало да ѝ помогне, други дека тоа не е негова работа. Сепак, повеќето се согласија дека пејачката само се пошегувала.
Rihanna reacts to being hit by a door after her bodyguard fails to hold it:
“Such a gentleman you are.”
— Buzzing Pop (@BuzzingPop) January 17, 2026
Забава
(Видео) Хурем и Сулејман повторно заедно – по 12 години од серијата, блеснаа на црвениот тепих
По 12 години од крајот на снимањето на популарната серија Сулејман Величествениот, актерите Мерјем Узерли (Хурем) и Халит Ергенч (Сулејман) се појавија на ист настан — доделувањето на наградите Joy Awards во Ријад, Саудиска Арабија.
Мерјем блескаше во долга, богато украсена креација на Khaled & Marwan, наликувајќи на вистинска султана. Со изборот на облека таа ги испочитува културните норми на земјата-домаќин.
View this post on Instagram
На настанот присуствуваа и светски ѕвезди како Мили Боби Браун (која доби признание за личност на годината) и пејачката Кејти Пери, која ја отвори церемонијата.
Мерјем и Халит се најдоа во исти кадри и на видеото кое актерката го објави на стори на „Инстаграм“, што дополнително ги разгоре шпекулациите за нивната блискост.

Халит Ергенч се појави на настанот со својата сопруга, актерката Бергузар Корел, со која денес имаат три деца и заедно ја надминале брачната криза од минатото.
Фото насловна: „Сулејман величествениот“ – промотивен материјал
Забава
Директорот на „Рајанер“ и Илон Маск си разменија навреди: „Тој е идиот – многу богат, но сепак идиот“
Јавна расправија со навреди изби меѓу Илон Маск и извршниот директор на „Рајанер“, Мајкл О’Лири, откако О’Лири во интервју за ирското радио „Њусток“ го нарече Маск идиот и ја нарече неговата социјална мрежа „Икс“ – септичка јама. Причина за конфликтот е одлуката на „Рајанер“ да не ја користи ви-фи услугата „Старлинк“ во своите авиони.
„Тој е идиот – многу богат, но сепак идиот“, рече О’Лири.
Маск реагираше на „Икс“, нарекувајќи го О’Лири целосен идиот и побара да биде отпуштен. Во друга објава додаде: „Отпуштете го овој имбецил“, обвинувајќи го дека погрешно ги проценил ефектите на „Старлинк“ врз потрошувачката на гориво.
Во расправијата се вклучи и официјалниот профил на „Рајанер“ на „Икс“, кој го исмеа Маск поради прекин на платформата: „Можеби вам ви треба ви-фи, @elonmusk?“
perhaps you need Wi-Fi @elonmusk? https://t.co/eq82qcLqKv
— Ryanair (@Ryanair) January 16, 2026
О’Лири изјави дека „Старлинк“ не е практичен за нискобуџетните летови на кратки релации, бидејќи надворешните антени ја зголемуваат аеродинамичната отпорност и трошат повеќе гориво – до 2 проценти повеќе, што би чинело стотици милиони долари годишно.
Маск ги оспорува овие податоци, тврдејќи дека веќе постојат авиокомпании кои летаат со авиони опремени со „Старлинк“ и дека високобрзинскиот интернет ќе стане пресуден за изборот на патниците.

