Забава
Елтон Џон открива незгодни детали од дворот, Гир и Сталоне физички се пресметале заради принцезата
Легендарниот пејач Елтон Џон за неколку дена ја објавува својата автобиографија со име „Јас, Елтон Џон“, а судејќи според содржината објавена од британскиот „Дејли мејл“, целиот свет ќе зборува за скандалозните моменти што ги опиша пејачот во книгата.
Одредени делови од книгата што се веќе објавени ја возбудија јавноста од британското кралско семејство до Холивуд! Книгата веќе е прогласена за рок-мемоари на векот, што не е ни чудо ако се земе предвид дека е напишана во добро познатиот ексцентричен стил на Елтон со доза на неговиот специфичен хумор.
Во 1981 година, малку пред Дијана да се омажи за принцот Чарлс, тој присуствувал на роденденска забава на кралското семејство во Англија и вечерта ја опиша како најтивката диско-забава во светот.
„И тогаш Дијана влезе во салата. Веднаш кликнавме и го поминавме остатокот од вечерта заедно танцувајќи“, пишува Џон во книгата.
„Уште откога ја познавав, таа беше феноменално друштво, најдобра гостинка на секоја вечера, неверојатно индискретна, вистинска озборувачка: можевте да ја прашате што било и таа веднаш ќе ви кажеше. Јас ѝ бев пријателски наклонет на Дајана и таа ме воодушевуваше, но тоа не беше ништо во споредба со влијанието што го имаше врз мажите што не беа геј. Мажите во нејзино присуство се чинеше дека целосно го губеа умот: тие беа целосно маѓепсани. Додека работев на The Lion King, Џефри Каценберг, шеф на ‘Дизни’, дојде во Англија. Дејвид Фурниш – мојот сопруг денес – и јас приредивме вечера за него и неговата сопруга и ги прашав дали има некој што би сакале да го запознат. Рекоа како од топ: ‘Принцезата Дијана’“, пишува Елтон Џон.
Покрај принцезата Дијана, тој на вечера ги поканил пејачот Џорџ Мајкл и актерите Ричард Гир и Силвестер Сталоне.
„Се разви необична сцена. Ричард Гир и Дијана веднаш воскликнаа. Во тој момент Дијана и Чарлс веќе беа разделени, а Ричард ја прекина врската со Синди Крафорд. Заедно седеа пред огништето, се фокусираа еден на друг во разговорот“, се сеќава Елтон во книгата.
Сепак, како што објасни тој понатаму, нивното пријателство не му се допаднало на Сталоне, кој се разбеснел. Според книгата, вечерата се служела и Гир и Сталоне ги немало на повидок.
„Го замолив Давид да ги најде. Тој се врати со двајцата, но премногу пребледен и ми рече дека речиси физички се пресметале. Се покажа дека ги најде Сталоне и Ричард во ходникот како се туркаат, очигледно беше дека тие решиле да се борат за Дијана со тупаници. Тој успеа да ја смири ситуацијата затоа што се преправаше дека не знае што се случува“.
По вечерата, Дајана и Гир го продолжиле разговорот пред огништето, а Сталоне одлучил да си оди дома.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) „Златниот пресек“ го кажа своето: ова се топ 10 најатрактивни познати личности
Британскиот актер Џонатан Бејли е прогласен за најсекси маж на светот за 2025 година од списанието „Пипл“.
Тој рече дека тоа е „чест на целиот живот“ – особено знаејќи дека бил избран пред милијарди мажи на планетата и притоа влегол во историјата.
Сепак, ако го погледнете од пообјективен агол – таканаречениот златен сооднос, постојат десет познати личности чии црти на лицето математички повеќе се во согласност со совршените пропорции.
Што точно е „златниот пресек“?
Иако шармот, држењето на телото и личноста исто така влијаат на привлечноста, соодветните црти на лицето играат важна улога. „Златниот пресек“ е древен математички сооднос познат уште од античка Грција – идеалните пропорции се во сооднос 1: 1,618. Кога овој принцип се применува на човечкото лице, идеалното лице треба да биде 1,618 пати подолго отколку што е широко, а истиот сооднос важи и за растојанијата помеѓу носот, усните, очите и брадата. Пропорциите помеѓу линијата на косата и веѓите, како и горните и долните усни, исто така се земаат предвид.
Иако изгледа апстрактно, многу познати лица се изненадувачки блиску до овој идеал. Еве ги топ 10 најубави луѓе според „златниот пресек“:
1. Џоди Комер – 94,52%
Британската актерка Џоди Комер со години е прогласена за жена со „најсовршено лице на светот“. Според д-р Џулијан де Силва од Центарот за естетска и реконструктивна фацијална хирургија, нејзините пропорции се најблиску до идеалните. Таа добила највисоки поени за обликот и положбата на носот и усните, додека веѓите биле единствениот сегмент со понизок резултат – „само“ 88%.
2. Зендаја – 94,37%
Веднаш зад неа е актерката и пејачка Зендаја, позната по улогата во филмот Спајдермен. Нејзините усни се оценети со речиси совршени 99,5%, а челото со 98%, што ја прави една од најхармонично убавите жени денес. Таа е во врска со нејзиниот колега Том Холанд, со кого често споделува слатки моменти зад камерата.
3. Бела Хадид – 94,35%
Моделот Бела Хадид се најде на третото место. Анализата покажува дека таа има совршена рамнотежа на очите и брадата, што ѝ дава на лицето експресивна симетрија и препознатлива елеганција.
4. Марго Роби – 93,43%
Австралиската актерка Марго Роби, ѕвездата од филмот Барби, исто така се најде на листата. Не е изненадување – нејзиното лице е пример за пропорции кои се блиску до идеални, па дури и се пошегува за својата убавина во самиот филм преку нарацијата на Хелен Мирен.
5. Арон Тејлор-Џонсон – 93,04%
Највисоко рангираниот маж на листата е актерот Арон Тејлор-Џонсон. Тој долго време се споменува како еден од главните кандидати за улогата на новиот Џејмс Бонд – и со оглед на неговиот резултат, овој избор не би бил случаен.
6. Сонг Хје-кјо – 92,67%
На шестото место е јужнокорејската ѕвезда Сонг Хје-кјо, која потврдува дека идеалите за убавина ги надминуваат културите и континентите.
7. Лусиен Лависконте – 92,41%
Актерот познат по улогата во серијата „Емили во Париз“ го зазема седмото место. Неговиот впечатлив изглед го привлече вниманието на јавноста минатата година, особено кога се појави во кампања со пејачката Шакира.
8. Бијонсе – 92,40%
Поп-иконата Бијонсе не само што доминира со својот глас и сценско присуство – туку и со совршената хармонија на цртите на лицето. Според златниот сооднос, пејачката има исклучително хармонични пропорции.
9. Пол Мескал – 92,38%
Актерот Пол Мескал, кој ќе се појави во филмот „Гладијатор II“, го зазеде деветтото место. Неговите правилни и симетрични црти на лицето придонесоа за ова високо рангирање.
10. Роберт Патинсон – 92,15%
На листата се наоѓа Роберт Патинсон, поранешниот носител на титулата најатрактивен маж на светот. Актерот кој го играше Бетмен сè уште останува симбол на класичната машка убавина, иако неколку колеги го надминаа во однос на „златниот пресек“.
фото: принтскрин
Забава
Вечер кога легендите оживуваат – Трибјут Фест во МКЦ
Оваа есен Скопје ќе пулсира во ритамот на легендите! На 8 ноември, во култниот Младински културен центар, ќе се одржи Трибјут Фест – музичка вечер посветена на бесмртните хитови и магијата на живите свирки што ги обележале генерациите.
Овој фестивал носи вистинска рок и поп носталгија преку настапи на одбрани трибјут бендови, кои со неверојатна енергија и почит ги оживуваат големите имиња од светската сцена. Подготвени сте за музичко патување низ времето?
Три бендови, три легендарни музички универзуми, една незаборавна ноќ! Вратите се отвораат во 19:15, затоа стигнете навреме и подгответе се за вечер исполнета со трепет, емоции и звук што ќе ве врати во златните години на рок сцената.
Програма:
· 20:00 – THE DOORS трибјут од Eruption
· 21:45 – PEARL JAM трибјут од Epidemik
· 23:30 – PARAMORE трибјут од Red18
Забава
(Фото) Која е мистериозната љубов на градоначалникот на Њујорк?
Зохран Мамдани извојува историска победа на изборите во Њујорк, станувајќи првиот муслиман кој го предводи најголемиот град во Америка.
Веднаш по објавувањето на победата, Зохран одржа говор и упати посебни зборови до својата сопруга, Рама Дуваџи.
„До мојата неверојатна сопруга, Рама, хајати“, рече тој, користејќи го арапскиот збор за „мојот живот“.
„Нема никој кого би сакал да го имам покрај мене во овој и во секој момент“, рече тој.
Зохран и Рама се венчаа во февруари, а се запознаа преку апликацијата за запознавање Hinge во 2021 година, објавува Independent.
Која е Рама Дуваџи?
Рама е сириско-американска уметница која ги користи своите дела за да прикаже политика од Блискиот Исток до имиграциски прашања. Родена во 1997 година и израсната во Дубаи, таа се пресели во Њујорк во 2021 година за да ја продолжи својата кариера откако дипломираше на колеџ во Вирџинија.
Немаше поим дека ќе го запознае Мамдани истата година.
„Сè уште има надеж во тие апликации за запознавање“, рече Мамдани во едно интервју.
Тие организираа раскошна свадба на Менхетен, но и во Уганда, каде што е роден Мамдани.
И покрај нејзиниот познат сопруг, Рама го искова својот пат. Таа работеше илустрации за The New Yorker и Vogue, а исто така изработува и керамика. За време на кампањата на Мамдани, многумина ја критикуваа дека не се рекламира многу себеси и дека е „спореден лик“.
Ова го принуди сегашниот градоначалник да ја брани својата сопруга.
„Пред три месеци се оженив со љубовта на мојот живот, Рама. Сега, десничарските тролови се обидуваат да ја претворат приказната што треба да биде за сите вас во приказна за неа. Рама не е само моја сопруга, таа е неверојатна уметница која заслужува да биде позната според свои услови. Можете да ме критикувате, но не и моите ставови“, напиша Мамдани.
фото: принтскрин
Пронајдено безживотно тело на млада жена во Тетово, Обвинителството изврши увид
Дежурен јавен обвинител од Основното јавно обвинителство Тетово вчера изврши увид на лице место на локацијата каде беше пронајдено безживотно...
(Видео) Украина нападна клучна рафинерија длабоко во Русија, се шират снимки
Украинските војници наводно нападнале и оштетиле руска рафинерија за нафта во Волгоград преку ноќ, додека експлозии потресле неколку други енергетски...
Израелски заложник за држењето во Газа: Бев гол, само се молите на Бога да престане
Ром Браславски, неодамна ослободен израелски заложник, тврди дека бил подложен на „ужасна“ и понижувачка сексуална злоупотреба додека бил во заробеништво...
Итен состанок во Белгија за беспилотните летала: „Тие се видени над воени бази“
Советот за национална безбедност на Белгија денес ќе одржи итен состанок откако мистериозни дронови предизвикаа хаос во воздушниот сообраќај и...
САД во ОН ја претстави нацрт-резолуцијата за планот на Трамп за Газа
САД им претставија на своите партнери во Советот за безбедност на ОН нацрт-резолуција со која се обидуваат да го поддржат...
Хамас предаде уште едно тело на Црвениот крст во Појасот Газа
Хамас ги предаде останките на уште еден заложник на Меѓународниот комитет на Црвениот крст во Појасот Газа. Според Хамас, останките...
Летовите привремено запрени во Хановер по забележување дрон
Летовите на аеродромот во Хановер беа привремено прекинати синоќа откако беше забележан дрон во близина на аеродромот, потврди полицијата. Аеродромот...
Путин: Она што Трамп го објави е сериозно, принудени сме да реагираме
Русија ја има најсовремената нуклеарна тријада во светот, изјави во среда портпаролот на Кремљ, Дмитриј Песков. Тој нагласи дека е...
(Видео) Филипче: ВМРО-ДПМНЕ успеа за една и пол година да нѐ стави во групата со Косово, БиХ, Молдавија и со Украина
Претседателот на Социјалдемократскиот сојуз на Македонија, Венко Филипче, на денешната прес-конференција порача дека Извештајот на Европската комисија за напредокот на...
Со 205 милиони евра од Британците изградбата на болниците во Штип, Тетово и во Кичево ќе почне најдоцна на почетокот на следната година
Градежните активности за изградба на болниците во Штип, Тетово и во Кичево ќе почнат до крајот на оваа или најдоцна...
Загинатите во тешката сообраќајна незгода кај Плетвар се од Кавадарци, објавен идентитетот на учесниците во несреќата
МВР објави информации за лицата кои загинаа и повредените во сообраќајната несреќа на патот Градско-Прилеп, во близина на Плетвар. При судир...
До ДИК поднесени приговори за резултатите во Брвеница, Шуто Оризари и Карпош
До претпладнево, во Државната изборна комисија (ДИК) се поднесени вкупно 16 приговори во врска со постапката за сумирање и утврдување...
Еден кат подолу од пеколот: фотографот зборуваше за човекот покрај прозорецот во домот во Тузла
Eдинаесет лица загинаа во пожарот што го зафати пензионерскиот дом во Тузла, а дополнително 35 побарале медицинска помош во Универзитетскиот...
Силен земјотрес во Грција, почувствуван и во Бугарија: „На 5. кат сме, се тресевме 10-ина секунди“
Земјотрес со магнитуда од 4,7 степени според Рихтеровата скала ја погоди Грција во 8.16 часот наутро, а беше почувствуван и...
Две жени намамиле човек во мотел во Скопје, каде што го пречекале двајца мажи: го удирале со боксови додека не паднал, па го ограбиле
Истрага против четири лица – двајца мажи и две жени поведе Основното јавно обвинителство Скопје за кривично дело – Разбојништво...
Вучиќ сака да продава муниција на Европа, реагира Кремљ: Не сакаме оружјето од братска Србија да биде употребено против нас
Портпаролот на Кремљ, Дмитриј Песков, ја коментираше изјавата на српскиот претседател Александар Вучиќ дека Србија е подготвена да продава муниција...
(Видео) Бројот на загинати во Тузла се зголемува, 35 повредени, со месеци имало предупредувања за домот
Според најновите официјални информации, вкупно 11 лица загинаа во пожарот што синоќа зафати дел од зградата на Домот за стари...
(Видео) Мамдани: Трамп, знам дека ме гледаш, имам четири збора за тебе
Новиот градоначалник на Њујорк, Зохран Мамдани, одржа победнички говор во Бруклин, во кој на остар начин рече дека „градот што...
(Видео) Украинците нападнаа база на една од најнапредните руски единици, убиени офицери
Припадници на Главната разузнавачка управа (ХУР) на Украина извршија прецизен напад во окупираниот град Авдиивка во регионот Донецк, уништувајќи го...
Поради поголем пламен и отпаднати делови од приколка на возило делницата од автопат А1 Велес – Градско затворена
Поради поголем пламен и отпаднати делови од приколка на возило, во 01:20 часот делницата од Автопат А1 Велес – Градско...
