Забава
Емили Ратајковски: Нема луѓе што целосно се хетеросексуални
Емили Ратајковски проговори за својата сексуална ориентација во интервју за ноемвриското издание на „Харпер базар“.
„Мислам дека сексуалноста варира. Не верувам дека има само ‘стрејт’ луѓе“, изјави британскиот супермодел (31) коментирајќи го популарниот тренд на „Тик-ток“, во кој и таа учествува и сугерира дека е бисексуална.
За потсетување, Емили претходно објави видео од својата софа во зелено кадифе како одговор на прашањето на корисник на „Тик-ток“ дали е вистина оти жените што купуваат зелени каучи се бисексуални. Овој пат таа објасни што сакала да каже со видеото.
„Моја пријателка дојде кај мене дома и ме праша дали ја следам темата со зелениот кауч. И двете почнавме да се смееме кога сфативме дека имам огромен зелен кауч“, објасни таа додавајќи дека, без разлика на шегата, таа сè уште не верува дека има исклучиво хетеросексуални луѓе.
Британската манекенка, која има и сопствен бренд костими за капење, „Инамората“, нагласи дека нејзин моментен приоритет се благосостојбата и среќата на едногодишниот син Силвестер Аполо кого го има со филмскиот продуцент Себастијан Бер-Меклард.

„Никогаш не сум имала толку јасни приоритети во мојот живот. Моето дете е на прво место и тоа е така. Мајчинството ме натера да се запрашам што е навистина важно во животот и што можам да го научам мојот син“, открива таа.

Ратајковски сè повеќе влегува во светот на поткастите. Нејзиниот најнов поткаст, High Low with EmRata, почнува денес и ќе објавува две епизоди неделно бесплатно и уште една за претплатниците.
Таа откри и со какви теми ќе се занимава.
„Сакам да зборувам за секс, а во исто време да ги имам елоквентноста и стилот на интервју на Тери Грос. Многу теми ќе бидат поврзани со жените, тоа е она што најмногу ме интересира и тоа е она што го правам“, изјави Ратајковски за весникот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) „Ај кју“ со Pay the Price го продолжуваат музичкиот континуитет
Дуото составено од Бојан и Марија го продолжуваат својот музички пат со песни испеани на англиски јазик, а најнова во низата е песната „Pay the Price“. Музиката и аранжманот е целосно дело на Бојан, а текстот го напишаа заедно со Марија и уште една нивна редовна соработничка од Лондон.
Песната опишува едно типично секојдневие на партнери кои живеат заедно и низ шармантен и духовит начин ги доловува ситуациите кои се предизвици на партнерите.
Песната е снимена во Лондон во студиото во кое творат последните неколку години и на оваа песна ја продолжија соработката со ко-продуцентите од Шведска и Италија.
Забава
(Видео) Враќање во иднината со Јован Јованов и Елвир Мекиќ
Јован Јованов и Елвир Мекиќ повторно ги споија своите гласови и енергија, 16 години откако ја испеаја „Слаба точка“.
Музички позрели од претходно, а сепак со истата страст, тие ја снимија песната „Адреналин“, која ќе биде вистински хит, а ќе почнете да си ја пеете и да играте во нејзин ритам уште на првото слушање.
Премиерата на песната е закажана за 01.11.2025 (сабота) во 15:00 часот.
Забава
Заборавете на црното: овој капут е хит за зимата и тешко е да се победи
Оваа сезона ќе се оддалечиме од вечниот класик – црниот капут, кој е неопходен дел од зимскиот гардеробер, и ќе носиме таков што е малку потежок за одржување, но ја воздигнува секоја комбинација во студените денови.
Постигнувањето елегантен зимски изглед често се сведува на едно клучно парче облека – совршениот капут. Бидејќи ја дефинира целата силуета, добриот капут ви овозможува да носите речиси сè под него, а сепак да изгледате беспрекорно. Токму затоа модните експерти посветуваат посебно внимание на изборот на идеалниот модел секоја сезона.
Оваа зима еден стил и една боја особено се издвојуваат и привлекуваат внимание со својата ненаметлива софистицираност, а тоа е кремастиот капут.

Фактот дека капутите во оваа боја се вистински хит го потврдија многу познати личности, вклучувајќи ги Селена Гомез, Ема Вотсон и други, кои избраа вакви капути за разни пригоди во изминатите неколку недели, а истиот тренд го прифатија и многубројни инфлуенсери.
Одлична алтернатива на белата
За разлика од чисто белата, кремастите нијанси нудат помек и потопол изглед и создаваат посуптилен контраст на потемните бои внесувајќи доза елеганција, што е тешко да се победи.

Секако, клучниот предизвик со овој тренд е одржувањето. Бидејќи кремастите палта се чувствителни на нечистотија, се препорачува да се чуваат за суви денови и за посебни пригоди, а за дождливи и ветровити денови потемните модели се сепак попрактичен избор.
Свежо, елегантно и несомнено софистицирано, кремастото палто е парче што веднаш го воздигнува секој зимски гардеробер. Од популарни брендови до дизајнерски класици – понудата е побогата од кога било досега оваа сезона.
фото: принтскрин

