Забава
Емили Ратајковски: Привлекувам најлоши мажи
Супермоделот Емили Ратајковски јавно ги изнесе своите поплаки за другиот пол.
Во последното издание на поткастoт High Low with EmRata 31-годишната манекенка, актерка и успешна деловна жена фрли малку светлина врз своите неодамнешни врски по разделбата од сопругот Себастијан Бер-Меклард.
„Се чувствувам како да ги привлекувам најлошите мажи“, изјави Емили, автор на „Мое тело“.
Емили, чии поранешни момчиња беа Бред Пит и Пит Дејвидсон, го сподели својот став за појаката половина.
„Сакам самоуверен маж. Не сакам премногу самоуверен, кој треба нешто да докаже и се обидува да го докаже тоа преку мене. Тоа не е она што го сакам“.
Ратајковски исто така откри дека динамиката е нешто што придонесува за нејзините амбивалентни чувства кон додворувањето четири месеци по поднесеното барање за развод од продуцентот на Uncut Gems, со кој го има 22-месечниот син Силвестер Аполо.
„Тоа е она што го мразам кај средбите… особено средбите со мажи“, рече ѕвездата на Gone Girl.
„Тие велат: ти си посебна, успешна си. И на почетокот тоа им одговора, а потоа се чувствуваат омаловажени и не знаат што да прават со тие чувства и почнуваат да те презираат. Почнуваат да те рушат, а потоа се враќаш на почеток“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Победникот на Евровизија ја повика Швајцарија да воведе трет пол во официјалните документи
Победникот на Евровизија, Немо Метлер, ја повика швајцарската влада да признае трет пол во официјалните документи.
Метлер истакна дека е апсолутно неприфатливо таква можност веќе да не постои во Швајцарија, пишува „Гардијан“.
„Треба да бидеме застапени и во политиката. Многу е важно луѓето да се чувствуваат видени“, рече Метлер, кој на прашањето по победата со кого првин би сакал да разговара, без размислување, го именува швајцарскиот министер за правда, Бит Јанс.
Во средата, според неговиот портпарол, министерот му испратил СМС-порака на Метлер, во која му ја честитал победата на Евровизија и го поканил да се видат.
Пред 18 месеци швајцарската влада го отфрли токму овој предлог.
Забава
Џенифер Лопез и Бен Афлек вторпат се соочуваат со развод
Американскиот актер, режисер и продуцент Бен Афлек и пејачката и актерка Џенифер Лопез се на работ на развод вторпат, а според американскиот магазин In Touch Weekly, Афлек веќе се иселил од нивниот заеднички дом.
Обожавателите забележаа дека Бен и Џенифер поминуваат сѐ повеќе време разделени во последните неколку недели.
„Тие имаат намера да се разведат – и овој пат не е виновен Бен“, рекол изворот.
Забава
По 20 години, Аврил Лавињ проговори за теоријата на заговор дека ангажирала двојничка: „Тоа ми е многу глупаво“
Аврил Лавињ неодамна зборуваше за митот што ја следи со години, а се работи за тоа дека на врвот на кариерата решила да ангажира двојничка по име Мелиса.
Во средината на 2003 година се појавија шпекулации дека панкерката решила да ја ангажира Мелиса по албумот Let Go и од оваа гледна точка ѝ е смешно.
„Мислам, едноставно, смешно ми е. Од една страна, некои велат: „О, боже, изгледаш потполно исто. Не си остарела ни ден“, а потоа други луѓе велат дека постои теорија на заговор дека тоа не сум јас“, рече Аврил додавајќи дека тоа е глупост.
View this post on Instagram
Сепак, таа не сакаше да прави драма за ова, а на сѐ гледаше од попозитивна страна.
„Искрено, не е толку лошо. Можеше да биде и полошо, нели? Мислам дека добив добра реклама. Не го гледам како нешто негативно. Не е ништо страшно“, рече таа во поткастот Call Her Daddy.
Оваа бизарна теорија се појавила на почетокот на овој век, а причината била наведена дека Аврил била исцрпена поради славата и популарноста. Некои отидоа и чекор подалеку и мислат дека пејачката починала меѓу албумите Let Go од 2002 година и Under My Skin од 2004 година, а потоа ја замениле со Мелиса.
Теоретичарите на заговор повторно ја почнаа оваа тема пред неколку години на „Твитер“ во тоа време (сега X) и сакаа да ја поддржат оваа тема со докази засновани на промената во нејзиниот изглед со текот на годините, како и тетоважата, која изгледаше како да пишува Мелиса.