Забава
Еминем најверојатно нема да биде спомнат во мемоарите на Мараја Кери
Мемоарите на поп-ѕвездата, со наслов „Значењето на Мараја Кери“, треба да излезат на 29 септември 2020 година.
И неколку недели пред очекуваниот датум, Мараја Кери даде криптичен одговор кога беше прашана да ги коментира наводите во некои таблоиди дека Еминем, наводно, е „под стрес“ за она што може да се појави во книгата, односно некои интимни детали од спалната соба кога биле во врска речиси пред две децении.
50-годишната добитничка на „Греми“ се наврати на ваквите шпекулации, велејќи: „Има неколку песни што можам да ги отпеам како одговор, но нема да го сторам тоа“, рече таа во интервју за Vulture.
Мараја продолжи: „Ако некој или нешто не се однесува на вистинското значење на Мараја Кери, како што е насловот на книгата, тие не се во книгата“.
Нејзините коментари доаѓаат откако извор на „Њусвикли“ рече дека Мараја и Еминем имале многу токсична врска. Изворот откри дека таа отсекогаш била Ахиловата петица на Еминем.
„Раперот од Детроит стравува дека Мараја ќе каже негативни работи за него…дека бил лош во кревет или дека бил себичен љубовник. Тој секогаш се чувствуваше многу несигурен во врска со ова“, рекол инсајдерот.
Кери се здружи со писателката Анџела Дејвис за да ја сподели својата приказна во мемоари со наслов „Значењето на Мараја Кери“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Селена Гомез ги поттикна гласините дека е верена, на Еми наградите се појави со дијамантски прстен
Селена Гомез пристигна на доделувањето на Еми наградите облечена во долг црн фустан на Ралф Лорен и неколку забележливи дијамантски прстени, меѓу кои и еден кој ги поттикна гласините за можна свршувачка со музичкиот продуцент Бени Бланко.
Селена и Бени беа многу блиски за време на доделувањето на наградите, а како што претходно објави TMZ, Селена започнала да следи популарен планер за свадби на TikTok.
Да потсетиме, Селена на почетокот на август ги подгреа гласините за нејзината свршувачка со момчето Бени Бланко, кога објави фотографија на која заедно позираат пред огледало, а на прстот стави емотикон со срце.
Сепак, пејачката и нејзиното момче се уште официјално не ја потврдија веста за свршувачката или за можна венчавка, но Бланко во неодамнешното гостување во шоуто „The Howard Stern Show“ потврди дека нивната врска е сериозна и дека сака да започне брак и семејство со Селена.
Забава
(Видео) Шакира се симна од сцената откако забележа дека некој ја снима под фустанот
На социјалните мрежи се прошири видео од Шакира од ноќен клуб. Пејачката била во еден клуб во Мајами кога го отсвириле нејзиниот нов сингл Soltera, кој се очекува да излезе на крајот на годината. Кога песната свирела, Шакира се качила на сцената и танцувала во краток фустан.
Луѓето во клубот веднаш ги вклучиле мобилните телефони за да ја снимат познатата пејачка. Меѓутоа, Шакира на сред танц забележала дека некој ја снима премногу ниско, односно дека камерата е вперена под нејзиниот фустан.
Шакира почнала да го спушта фустанот и набргу нерасположена се симна од сцената.
That’s just beyond gross. Shakira had every right to walk off, no one should have to deal with that kind of disrespect, especially when she’s just out there performing her music. People need to learn how to act with basic decency! 🤔
— SHAVA (@SHAVA787) September 15, 2024
Бројни обожаватели на пејачката го критикуваа човекот кој се однесувал вака.
shakira cant even enjoy and dance to her OWN song like?? 😢
— 🔞Rayne-Arts (@ArtsRayne) September 15, 2024
„Луѓето се одвратни“, „Шакира не може ниту да ужива, ниту да танцува на нејзината песна“, „Кој и да ја снимал вака, треба да биде уапсен“, „Ова е повеќе од одвратно. Шакира е апсолутно во право што си замина“, се дел од коментарите.
Забава
Црвен отпечаток од дланка на устата: што се крие зад потегот на актерот
Вун-А-Таи позира во црн костум, со црвен отпечаток на дланка преку устата, симбол на солидарност за исчезнатите и убиените домородни жени.
Актерот Д’Фараон Вун-А-Таи (22) привлече внимание на доделувањето на наградите „Еми“. Ѕвездата на Reservation Dogs, која беше номинирана во категоријата за најдобар актер, го искористи своето појавување на црвениот тепих за да испрати силна порака.
Вун-А-Таи позира во црн костум, со црвен отпечаток од дланка на устата, со што испрати порака на солидарност за исчезнатите и убиени домородни жени, односно ги „означува сите исчезнати сестри, чии гласови не се слушаат, молкот на медиумите и законот“.
На годинешната церемонија Вун-А-Таи беше номиниран за својата прва награда „Еми“ за улогата во Reservation Dogs, но наградата му припадна на Џереми Ален Вајт за неговата улога во „Мечката“.
Сепак, Вун-А-Таи влезе во историјата како првиот домороден актер што бил номиниран во која било категорија за главна улога.
Reservation Dogs ја следи приказната за домородните американски тинејџери во Оклахома, кои сакаат да се пробијат до Калифорнија. Попатно, тие се подготвени на сè за да добијат пари, па дури и да ги украдат. Серијата е достапна за гледање на платформата „Хулу“.
Вун-А-Таи изјави за списанието „Варајати“ во април дека шоуто го научило на важноста да ја раскаже сопствената приказна.
„Никој не треба да ги кажува нашите приказни во наше име. Тоа трае предолго. Имавме доволно лажни претставувања“, рече Вун-А-Таи.