Забава
Жената која на лажниот Бред Пит му дала 800.000 евра ги покажа пораките што ѝ ги праќал
Француската дизајнерка на ентериери, Ан Деноушател (53), дојде на насловни страници низ целиот свет откако откри дека на измамници кои се претставувале како Бред Пит им дала повеќе од 800.000 евра. Во својата нова книга Je ne serai plus une proie („Нема повеќе да бидам плен“) открива детали за измамата, но и шокантен заклучок – ѝ е драго што сè се случило бидејќи тоа довело до нејзиниот развод од сопругот.
Почеток на онлајн романса
Деноушател раскажала дека била осамена и заробена во несреќен брак со „себичен и манипулативен милионер“ кога на Инстаграм добила порака од личност која се претставила како мајка на Бред Пит. Наскоро започнала разговор и со „лажниот глумец“ преку Телеграм, а таа, како што вели, станала „зависна“ од тие разговори и живеела во „целосна илузија“.
Кога измамникот почнал да бара пари, таа се чувствувала сакана, нешто што ѝ недостасувало во бракот.
„Мојот сопруг ме доведе во непријатна ситуација. Ми рече дека треба да бидам задоволна што сум негов трофеј. Повеќе немав никаква независност. Во еден момент, изгледаше полесно да му помогнам на ‘Бред’ отколку да си помогнам себеси“, изјавила за францускиот „Ле Монд“.
Љубовни пораки и понуда за брак
Со месеци разменувале интимни пораки. Тој наводно ѝ се доверувал за својата зависност од алкохол, за осаменоста и разводот од Анџелина Џоли, а таа му раскажувала за проблемите со сопругот. Деноушател вели дека се чувствувала како на „продолжен меден месец“ додека лажниот глумец ја опсипувал со романтични пораки, љубовни песни, па дури и понуда за брак.
„Моја кралице“, ѝ пишувал. „Ти си сè што имам. Те обожавам. Душо, толку многу те сакам.“ Поради интензивната врска што се развила, таа вели дека се одвоила од реалноста. „Се одвоив од својата вообичаена реалност за да живеам целосна фантазија. Се чувствував како да сум конечно своја.“
Како изгубила повеќе од 800.000 евра
Во текот на 14 месеци, од април 2023 до јуни 2024 година, му префрлила повеќе од 800.000 евра. На почетокот парите биле за наводни царински трошоци за подароци кои тој ѝ ги купил, а кои никогаш не стигнале. Подоцна плаќала огромни болнички трошоци, бидејќи ја убедил дека боледува од рак на бубрезите и дека му е потребна трансплантација.
Тој тврдеше дека неговата банкарска сметка е замрзната поради бракоразводна постапка. Испраќал и фотографии создадени со помош на вештачка интелигенција, на кои наводно се гледа како лежи во болнички кревет. Во еден момент „Бред“ паднал и во кома, поради што таа морала да плаќа и пенали на холивудско студио, бидејќи било одложено снимањето на неговиот нов филм.
Развод од сопругот
Измамената жена конечно престанала со уплатите откако добила барање за речиси 15.000 евра за приватен авион. Емоционално исцрпена и изолирана од семејството и пријателите, случајот го пријавила во полиција. Истрагата открила дека зад измамата стојат тројца мажи од Нигерија.
Откако нејзината приказна излегла во јавност, измамниците последен пат ѝ се јавиле. „Љубов, мојата сметка на Телеграм ја хакирале измамници. Сега ќе направам сè за да ја обезбедам нашата безбедност.“
„Искрено ми е жал ако моето невнимание ја предизвика оваа ситуација“, стоело во пораката.
Иако останала без пари и завршила на психијатриско лекување, Деноушател вели дека разводот од сопругот е „единствената позитивна работа“ што произлегла од оваа болна измама.
Прочитај и: Се претставил како Бред Пит и побарал пари за лекување: му уплатила 830.000 евра
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Трендот од 80-тите е повторно хит: Ќе го носиме со задоволство
Фармерките „цигара“, препознатливи по нивната тесна силуета и прав крој од коленото до глуждот, повторно ја освоија модната сцена.
Како што сугерира нивното име, нивниот облик наликува на цигара, а нивната должина до глуждот буди носталгија за минатите децении што ги проткајуваат современите трендови. Овој модел, што го прославија некои од најголемите стилски икони, е совршена комбинација од популарни тесни и прави кроеви, пишува Vogue Arabia.
Модните трендови за пролет и лето 2026 година ја вратија ретро естетиката во фокусот, а меѓу најбараните парчиња се овие фармерки што и ласкаат на фигурата. Нивниот крој прецизно ја следи линијата на колковите, додека ногавиците остануваат малку опуштени, создавајќи силуета што е тешко да се игнорира.
Со нивната енигматична привлечност и атрактивен крој, фармерките „цигара“ ја потврдија својата релевантност и станаа омилен избор на модерните жени кои диктираат трендови.
Бунтовничкиот стил на кралицата на попот
Во 1980-тите, фармерките „цигара“ беа клучен дел од еден од највпечатливите изданија на Мадона, вистински пионер на многу трендови. Нејзината естетика и денеска одекнува во комбинациите на најдобро облечените жени, а формулата е едноставна и ефективна: фармерки со свиткани ногавици, бела маица со V-изрез и неизбежната кожна јакна.
Кралската лежерна природа на принцезата Дијана
Од друга страна, принцезата Дијана им даде на овие фармерки сосема поинаков тон. Во нејзината верзија, таа ги носеше со каубојски чизми, спортска кошула и пругасто сако. Тоа беше нејзиниот препознатлив лежерен стил кој вешто ги комбинираше формалните и неформалните парчиња и ги избриша границите на класичната облека, докажувајќи дека елегантната жена не мора да се откаже од удобноста.
Безвременска комбинација за градските улици
А што добивате кога ќе ги комбинирате обете формули? Резултатот е безвременски изглед со кој речиси секоја жена експериментирала барем еднаш. Фармерките во средно-сина нијанса и свиткани ногавици, едноставна бела маица, преголема јакна и чевли инспирирани од спортска елеганција создаваат впечаток на опуштеност што е целосно во согласност со актуелните трендови.
Едноставност за секој ден
Тајната на добриот стил на фармерки често лежи во едноставноста. Комбинацијата со основна маица или џемпер и класични патики е непогрешлив избор за секојдневни пригоди. Како и во осумдесеттите години, додатоците се тие што го подигнуваат целокупниот изглед – елегантен беж тренч мантил ѝ дава на комбинацијата поформален тон, додека кренатата коса и малата чанта ја нагласуваат женственоста.
Од канцеларија до вечерно излегување
Стиловите од минатото лесно се прилагодуваат на денешните потреби. Популарноста на овие фармерки ги направи идеален избор за секој ден, оставајќи простор за нови толкувања. За деловен или лежерен вечерен изглед, комбинирајте го стилот до глужд со едноставна маица, јакна со струк и елегантни сандали со тенки ремени – совршена рамнотежа помеѓу удобноста и современиот стил.
Забава
Припадниците на два хороскопски знаци водат двоен живот
Во астрологијата, постојат знаци кои се издвојуваат по нивната способност да водат двоен живот – не мора со лоши намери, туку затоа што се вешти во криењето на својата интимност, преференции и вистински желби.
Тие не лажат отворено, но честопати не откриваат сè. Нивните најблиски можат да живеат до нив со години без навистина да знаат што навистина чувствуваат, сакаат или прават кога вратата е затворена.
Шкорпија
Шкорпиите се познати по својата емоционална длабочина, но и по нивната вродена мистериозност. Тие не ги споделуваат своите мисли лесно, а многу од нив водат паралелни емоционални или професионални животи. Ова не мора да значи неверство или измама, но често укажува на внатрешен свет кој е толку богат и интензивен што им е тешко целосно да им го покажат на другите.
Шкорпиите можат да имаат работа за која сите знаат и друга за која не се зборува, партнер со кој се секој ден и личност која никогаш не ја преболеле. Нивниот двоен живот е повеќе психолошки отколку конкретен – и затоа е уште поопасен.
Близнаци
Близнаците се познати по својата двојност и недостижност. Нивната љубопитност и потреба за разновидност честопати ги водат низ паралелни интереси, општества и идентитети. Тие можат да бидат сосема различни на работа отколку во приватниот живот, да имаат повеќе социјални кругови кои не се познаваат меѓусебно, па дури и да одржуваат различни верзии од себе во секоја од овие средини.
Кај нив, ова не е секогаш планирано, туку спонтано – тие се водени од внатрешна потреба да истражуваат и да пробаат сè. Сепак, резултатот е ист: многу е тешко целосно да се запознаат.
Забава
Ќерката на Михаел Шумахер објави фотографија со својот татко и растажи многумина
Поминаа повеќе од 12 години од тешката несреќа што му се случи на Михаел Шумахер. Имено, во декември 2013 година, шампионот во Формула 1 претрпе тешки повреди на мозокот кога ја удри главата во карпа додека скијаше во Франција.
Неговите лекари мораа да го стават во индуцирана кома и од тој момент, му се губи секоја трага во јавноста. Семејството и блиските пријатели ги кријат информациите за неговото здравје, а само повремено јавноста добива увид во некои мали детали од неговиот живот.
Сега неговата ќерка Џина објави носталгична фотографија на Инстаграм. Станува збор за семејна фотографија од детството на која се гледа нејзиниот брат Мик, мајката Корин, таа и секако, Михаел Шумахер.
Покрај фотографијата таа упати емотивна порака што растажи многумина.
„Најдоброто засекогаш. Среќен роденден, тато“, напиша Џина.
А потоа дојдоа коментарите на корисниците на мрежата:
„Шуми, се надеваме дека ќе те видиме повторно еден ден“, „Тој е сè уште нашиот најголем херој и легенда“, „Најдобриот возач на Ф1 досега во историјата. Ни недостигаш“, се само дел од коментарите…
Берни Сандерс: Шест причини зошто нападот на Трамп врз Венецуела е погрешен
Нападот на САД врз Венецуела во текот на викендот предизвика остри осуди од целиот свет, а критики беа упатени и...
(Видео) Маж избол до смрт кондуктер во Италија, па избегал со воз: во тек е масовна потрага по Хрват
34-годишниот кондуктер Алесандро Амброзио беше избоден до смрт синоќа на главната железничка станица во Болоња. Полицијата го идентификуваше осомничениот напаѓач...
Коалиција на волните во Париз: ЕУ нуди гаранции за Украина, САД се подготвени да интервенираат
Се очекува европските земји денес да ја изразат својата подготвеност да обезбедат правно обврзувачки безбедносни гаранции за Украина, додека од...
(Видео) Николоски: 40 километри од автопатот Охрид – Кичево се веќе во функција
Вицепремиерот и министер за транспорт Александар Николоски на својот фејсбук профил објави ноќно видео од автопатот Охрид-Кичево, каде истакнува дека...
(Фото) Мицкоски: Бадник не е само ден, туку порака дека заедништвото, љубовта и солидарноста нe прават посилни
„Во пресрет на Бадник, денеска поделивме пакети помош во Карпош, Гази Баба, Чаир, Аеродром, Ѓорче Петров, Кисела Вода, Бутел и...
Европа под мраз: Откажани летови, затворени патишта и жртви во сообраќајот
Смрзнувачки временски услови денес зафатија делови од Европа, а снегот и мразот предизвикаа откажување на стотици летови во Холандија, а...
Сиљановска-Давкова: Божиќните празници ќе ја зацврстат нашата вера и надеж и ќе нè потсетат на човековата насушна потреба од чинењето добри дела
Претседателката Гордана Сиљановска-Давкова, по повод големиот христијански празник Божиќ, упати честитка до граѓаните кои го прославуваат денот на Христовото раѓање,...
(Фото) Ѓорѓиевски: Овој свет празник да ни донесе мир во душите и слога меѓу луѓето, заедно, со љубов и радост, да го дочекаме светлото Христово раѓање
Градоначалникот Орце Ѓорѓиевски денес присуствуваше на традиционалното одбележување на големиот христијански празник Бадник во Соборниот храм, каде во духот на...
Изгубил контрола врз возилото и удрил во бетонски ѕид: во сообраќајната незгода повредени двајца малолетници од Тетово
Вчера во 19:15 часот во СВР Скопје е пријавено дека на улицата „Емин Бојана“ во село Бојане, скопско, 47-годишниот М.Ш....
(Видео) Барот во Швајцарија никој не го проверувал пет години: прскалките сега се забранети
Ски-барот кој изгоре на новогодишната ноќ не поминал низ безбедносни проверки пет години, открија швајцарските власти на прес-конференција. Во трагедијата...
(Фото) Градоначалникот Георгиевски им подари пакетчиња на коледарите од општина Илинден
По повод големиот христијански празник Бадник, коледарите од општина Илинден со традиционални бадникови и коледарски песни ја најавија радосната вест...
Уапсен возачот што удри пешак на ГП „Долно Блаце“, следува пријава
На 06.01.2026 околу 01:50 часот во СВР Скопје е пријавено дека на меѓупросторот помеѓу Граничен премин „Хани Елези“ и Граничен...
(Видео) Клучен човек на Трамп: Никој нема да војува за Гренланд, тој треба да биде дел од САД
Заменик-шефот на кабинетот на американскиот претседател Доналд Трамп и еден од неговите клучни советници, Стивен Милер, разговараше со Си-Ен-Ен за...
(Видео) Американскиот министер за одбрана се потсмеваше на руската воздушна одбрана во Венецуела
Американскиот министер за одбрана Пит Хегсет ја исмеа ефикасноста на руските системи за воздушна одбрана распоредени во Венецуела откако американските...
Трамп: Нема да има избори во Венецуела во следните 30 дена, мора да ја средиме земјата
Американскиот претседател Доналд Трамп изјави дека не очекува нови избори во Венецуела во следните 30 дена. „Ќе потрае некое време“...
Силен земјотрес со јачина од 6,2 степени ја погоди западна Јапонија
Земјотрес со јачина од 6,2 степени го погоди регионот Чугоку во западна Јапонија во вторник наутро, по што следеа низа...
Идентификувани сите жртви во пожарот во Швајцарија, повеќето од нив се помлади од 18 години
Швајцарските власти ги идентификуваа сите 40 жртви од ужасниот пожар што се случи во бар за време на новогодишната ноќ...
Директорката на УЈП не призна грешка во испратените решенија за данок од работа во странство, но повика секој што има доказ дека е платен, да го достави
Решенија за оданочување на доход од странство за 2020 година Управата за јавни приходи (УЈП) законски морала да ги испрати...
Ампутации, рани, изгореници, кај седум лица било интервенирано на новогодишната ноќ; Алиу со апел, петардите не се играчка, нивното користење е забрането
Со презентацијата на директорката на Универзитетската клиника за пластична и реконструктивна хирургија, Јасмина Ѓоргиевска Павловска ја заокруживме едукативната кампања за...
(Видео) Димитријевиќ: Цела структура на ВМРО во „Алта Банка“, Неделкова, баџанакот на Тошковски, Кадиевска-Војновиќ
Акциите на САД против корупцијата, како и специјалниот Закон на САД за Западен Балкан, се силен показател, се враќа фокусот...
