Забава
Измамничката за која „Нетфликс“ сними серија стана хит на „Тик-ток“
Ана Сорокин, измамничката позната и како Ана Делви, продолжува да го привлекува вниманието на јавноста две години по објавувањето на серијата на „Нетфликс“, „Измислувајќи ја Ана“. Моментно е во домашен притвор, но од таму ниже успеси.
Во интервју за WWD во јуни таа рече дека се труди да биде зафатена и продуктивна.
„Не правам ништо доволно возбудливо во моментот. Би било полесно да создадам повеќе содржини ако можам да ја напуштам куќата. Никој не сака да ме види како седам на каучот и пишувам книга. Сѐ зависи од тоа кога ќе бидам слободна. Потоа ќе правам интересни работи што луѓето што сакаат да ги гледаат“, додаде Ана.
Зошто е позната?
Ана е родена во Русија и е позната по тоа што ги измамила банките и њујоршката социјална служба за илјадници долари меѓу 2013 и 2017 година. Тогаш таа живееше на Менхетн, а сите мислеа дека е германска наследничка со богатство од 67 милиони долари во Европа.
Ана изјави за „Ен-би-си њуз“ дека никогаш не сакала да биде позната како измамничка.
„Тоа е целосно наметнато од обвинителството и медиумите, како и од сериите на „Нетфликс“, но, дефинитивно, се обидувам да побегнам од тоа“, рече таа.
„Едноставно мразам да ги гледам сите тие наслови за измами и лажно наследство. Би сакала да добијам шанса луѓето да не ме гледаат само како наводна измама“, вели Ана.
За прикажувањето на нејзината приказна во серијата на „Нетфликс“, Сорокин добила речиси 200 илјади долари.
Која е, всушност, Ана Делви?
Делви е родена како Ана Сорокин во предградијата на Москва во 1991 година, а подоцна се преселила во Германија со своето семејство. Таа стажирала во парискиот магазин „Прпл“ . Таму се спријателила со главниот уредник Оливие Зам и тој бил првиот што го вовлекла во својата мрежа од лаги и манипулации, а во 2014 година се преселила во Њујорк.
Ана направила огромни сметки за ресторани и хотели и се извлекла со плаќањето. Во еден случај на пријателка ѝ оставила долг од 62 илјади долари. Имено, таа ја поканила на луксузен одмор во Маракеш, а кога требало да плати, Ана побарала од нејзината пријателка тоа да го направи таа со нејзината кредитна картичка.
Во април 2019 година Ана беше осудена на минимум четири години затвор за измама, но беше ослободена поради добро однесување во февруари 2021 година.
Каде е сега Ана Делви?
Во јуни Ана беше видена како пристигнува на сослушување за имиграција во Њујорк. Имено, кога излегла од затворот, во март 2021 година повторно била приведена од Имиграциската и царинската служба поради престан на визата. Таа беше во притвор една година.
Таа требаше да биде депортирана во Германија во 2022 година, но депортацијата не успеа бидејќи одби да го напушти притворот и да оди на аеродром. Нејзиниот адвокат потоа изјави за „Њујорк пост“ дека е поднесено барање за задржување на депортацијата. Подоцна истата година таа беше ослободена од притвор под два услова. Мораше да плати кауција од 10.000 долари и да остане во домашен притвор.
Стана хит на „Тик-ток“
На Ана ѝ е забрането да ги користи сите форми на социјални мрежи. Таа често се фотографира и снима додека оди на суд, а овие појавувања редовно ги користи како можност за нејзините модни моменти носејќи луксузни брендови и интересни комбинации. На „Тик-ток“ многумина со нетрпение ги следат нејзините појави и споделуваат видеа.
„Подобро е да ја поканат на Мет гала в година“, „Таа е модна икона“, „Ја обожавам“, „Овој нов нејзин изглед ме воодушевува“, „Леле, таа изгледа неверојатно“, се само некои од коментарите под видеото, кои имаат стотици илјади прегледи на „Тик-ток“.
Што друго прави Ана Делви?
Таа потпиша договор за нова документарна серија за животот по затворот, која ќе продолжи таму каде што застана серијата на „Нетфликс“.
Во јануари 2023 година излезе вест дека Ана ќе го снима реалното шоу Delvey’s Dinner Club во својот стан во Ист Вилиџ во Њујорк, каде што е во домашен притвор. За време на домашниот притвор Ана го почна и поткастот The Anna Delvey Show со цел да го промени својот имиџ.
Во јули 2023 година таа го издаде својот деби-сингл What the Hell? со ѕвездата на „Тик-ток“, Брук Батлер.
Таа ја организира и првата модна ревија во својот стан со познатиот дизајнер Шао Јанг.
„Само се трудам да го направам најдоброто што можам. Не размислувам што ќе мислат луѓето за мене“, изјави таа за WWD. Освен во модата, тој се обидува да се докаже и во светот на уметноста. Имено, додека чекала вести за својата депортација, на Менхетн била отворена нејзината прва уметничка изложба наречена Free Anna Delvey. Изложбата содржеше дела на 33 уметници инспирирани од нејзиното искуство.
Втората изложба, нејзината прва самостојна изложба наречена „Наводно“, беше претставена со 20 цртежи што ги нацртала додека била во притвор. Според „Вараети“, нејзиниот трговец со уметнички дела ја проценува вредноста на колекцијата помеѓу 400.000 и 500.000 долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Децата на кои им недостасува дисциплина ги кажуваат овие шест фрази
Дисциплината им помага на децата да пораснат во успешни, добро прилагодени поединци кои практикуваат самоконтрола и не се сметаат себеси за супериорни. Од друга страна, недостатокот на дисциплина може да создаде кај децата чувство дека секогаш се во право, што им го отежнува справувањето со отфрлање или неуспех.
Кога таквите поединци се наоѓаат во ситуација каде што не го добиваат она што го сакаат, тие често реагираат со кажување специфични фрази што го одразуваат нивниот внатрешен свет. Еве неколку примери.
1. „Тоа не е фер“
Луѓето кои не биле дисциплинирани како деца честопати ќе кажат дека нешто не е фер кога работите не одат по нивно. Бидејќи не се соочиле со последици за своите постапки, тие развиле силно чувство дека заслужуваат сè што сакаат.
2. „Зошто да го правам тоа“
Недостатокот на дисциплина во детството може да доведе до недостаток на одговорност во зрелоста. На таквите луѓе им е тешко да се справат со последиците од своите постапки и честопати чувствуваат дека одредени задачи не треба да се извршуваат. Тимот експерти на Arise Society наведува: „Без доследност во спроведувањето на правилата и последиците, младите возрасни лица можат да се борат да ја разберат врската помеѓу нивните постапки и нивните резултати, што доведува до конфузија и општ недостаток на насока“.
3. „Ваша е вината“
Лице кое не било дисциплинирано како дете честопати не развива чувство на одговорност. Како резултат на тоа, ќе ги обвинува другите за своите неуспеси и проблеми. Обвинувањето е одбранбен механизам за избегнување на непријатни чувства. Советничката Кејти Кандарис-Вајнер забележува: „Обвинувањето на другите е всушност „избегнување на вина“. Како и сите одбранбени механизми што се користат за избегнување на непријатни чувства, вината се смета за форма на емоционално избегнување.“
4. „Претеруваш“
Обидот да се дискредитираат чувствата на другите луѓе е честа тактика на луѓето кои не научиле да ги регулираат сопствените емоции. Бидејќи имаат тешкотии да се справат со сопствените чувства, тие ги перцепираат реакциите на другите луѓе како претерани. Дисциплината е клучна за учење да се почитуваат границите и чувствата на другите луѓе, а нејзиниот недостаток го прави тоа исклучително тешко.
5. „Кој си ти да ми кажуваш што да правам“
Оваа реакција произлегува од чувство на самоправедност и проблеми со почитувањето на авторитетот и границите. Таквите луѓе никогаш немале можност да научат како да преземат одговорност и здраво да ги решаваат конфликтите, што им отежнува да прифатат совет или критика.
6. „Не ми е гајле како се чувствуваш“
Оваа изјава јасно покажува недостаток на емпатија и чувство дека сè им припаѓа. Ова им создава големи тешкотии во градењето здрави односи. Децата без дисциплина честопати никогаш не учат како да се справат со фрустрацијата и сè им изгледа премногу. Тие се борат во пријателствата затоа што никогаш не научиле да ги следат правилата или границите, што често ги следи во зрелоста.
Забава
Ова е најхаризматичниот знак во хороскопот
Овој хороскопски знак ги привлекува луѓето со својата дипломатија, шарм, естетика, смиреност и способност секогаш да ги гледа двете страни на медалот.
Хороскопските знаци управувани од елементот воздух – Близнаци, Вага и Водолија – се познати по нивната дружељубивост, комуникација и отвореност кон нови идеи. Тие се владетели на разговорот, дипломатијата и оригиналните мисли, а нивната енергија често ја освежува секоја ситуација.
Воздушните знаци ја сакаат слободата, истражувањето и размената на идеи, поради што многумина ги сметаат за привлечни и возбудливи разговорници. Сепак, меѓу нив, еден знак особено се издвојува како оној со најсилна харизма.
Најхаризматичниот воздушен знак на хороскопот е Вага. Позната како знак на рамнотежа, убавина и дипломатија, Вагата има речиси магнетен ефект врз луѓето. Таа секогаш знае како да го пронајде вистинскиот збор, како да ја разубави атмосферата и како да поврзе различни луѓе во хармонична целина. Токму оваа способност да шири мир и хармонија ја прави особено привлечна.
Вагите се природно шармантни и имаат вродено чувство за естетика. Луѓето често ги перцепираат како елегантни, не само по изглед, туку и во однесувањето. Тие се одлични естети, сакаат убава околина, а нивниот вкус за мода, уметност или дизајн на ентериер ретко остава некого рамнодушен.
Вагата ги привлекува луѓето со својата дипломатија, шарм, естетика, смиреност и способност секогаш да ги гледаат двете страни на медалот. Во друштво на овој знак, секој се чувствува добредојден и достоен за внимание. Токму затоа Вагата ја носи титулата најхаризматичен воздушен знак во хороскопот.
Забава
Храна која природно има заштитен ефект врз забите
Грижата за забите не завршува со миење на забите и користење на конец за заби. И тоа што го јадеме и пиеме има големо влијание врз здравјето на забите.
Иако млекото најчесто се поврзува со силни заби, постојат и други намирници богати со хранливи материи кои можат да ја зајакнат глеѓта, да го намалат присуството на бактерии и да го одржат здравјето на непцата, пишува Real simple.
Експертите истакнуваат неколку намирници кои природно имаат заштитен ефект врз забите и околното ткиво.
Сирење
Сирењето е одличен извор на калциум и фосфор, минерали кои се клучни за цврстината и отпорноста на забната глеѓ. Покрај тоа, помага во одржувањето на неутрална pH вредност во устата и го стимулира лачењето на плунка, која природно ги мие остатоците од храна и бактериите. Благодарение на ова, може да биде едноставна и здрава ужина која ги штити и забите.
Гума за џвакање без шеќер
Иако гумата за џвакање често се поврзува со проблеми со забите, оние што не содржат шеќер можат да имаат спротивен ефект. Редовното џвакање по оброците го зголемува протокот на плунка, што ги мие честичките од храна и ги намалува киселините што предизвикуваат кариес. Освен што помага во спречување на кариес, оваа навика го освежува здивот и го намалува појавувањето на дамки на забите.
Ѓумбир
Овој ароматичен корен не е само додаток во исхраната, туку може да го подобри и оралното здравје. Ѓумбирот има природни својства што помагаат во намалувањето на бактериите одговорни за лошиот здив и може да се додаде во разни јадења, како што се кари или во комбинација со риба, но и во пијалоци како што се цедени сокови и чаеви.
Лиснат зелен зеленчук
Покрај нивните бројни здравствени придобивки, зелениот зеленчук како што се спанаќот и кељот се исто така исклучително пријатни за забите. Нивната фиброзна структура делува како природна четка за заби што го отстранува плакот, додека калциумот го зајакнува емајлот, а фолната киселина придонесува за здравјето на непцата, па затоа редовното консумирање на овие намирници има долгорочни позитивни ефекти врз усната шуплина.
Овесна каша
Овесната каша за појадок ни дава повеќе од енергија – оваа храна е богата со витамини од групата Б, железо и магнезиум, кои влијаат на здравјето на непцата. Исто така, високата содржина на влакна го стимулира лачењето на плунка за време на џвакањето, што природно ја одржува устата чиста. Се препорачува да се комбинира со овошје или јогурт.
Моркови
Крцкавиот зеленчук како моркови или јаболка природно ги чисти забите. Нивната текстура помага во отстранувањето на плакот и промовира здрав проток на плунка, а морковите се практична опција за ужина, особено кога се комбинираат со вкусен сос или зачин по ваш избор.
Киноа
Ова жито е одлично за одржување на здравјето на забите, бидејќи е богато со минерали како калциум, магнезиум и фосфор, кои ја зајакнуваат вашата емајл. Исто така, е богато со протеини и не се лепи за забите како другите скробни намирници, што го прави идеален избор за одржување на добра орална хигиена.
ВМРО-ДПМНЕ освои 550 советнички места, повеќе за 82 од минатите локални избори, а СДСМ 230 советника, што е помалку за 166
„ВМРО-ДПМНЕ е апсолутен победник на овие избори. Со 50% подобар резултат од 2021 година каде што имавме 22 градоначалници во...
Прва жена премиерка на Јапонија – сака хеви-метал, свири на тапани, се спротивставува на истополовите бракови
Конзервативката Санае Такаичи ќе стане првата жена премиерка на Јапонија откако вчера беше изгласана во парламентот. Ова е историски момент...
Хили: Од крајот на Втората светска војна, европската безбедност не била во ваков ризик од конфликт
Велика Британија е подготвена да потроши „значително повеќе“ од 100 милиони фунти (115 милиони евра) за евентуално распоредување на британски...
Поранешен амбасадор на САД: Путин го изигра Трамп, самитот во Будимпешта е стапица
Поранешен американски дипломат изрази сериозни сомнежи во врска со најновите напори на Белата куќа да посредува за завршување на војната...
Саркози од денес во затвор
Поранешниот француски претседател Никола Саркози беше дискретно пречекан во Елисејската палата од страна на сегашниот претседател Емануел Макрон во петокот...
Најголема победа во првиот круг има Јане Мицевски во Сопиште со освоени 80,2% од гласовите, вети нов резервоар за вода
Кандидатот за градоначалник на Сопиште од ВМРО-ДПМНЕ, Јане Мицевски, извојува најголема победа во првиот круг на овие локални избори со...
Мециновиќ: Скопје се разбуди, надежта ќе ја претвориме во реалност во вториот круг
Амар Мециновиќ, кандидатот за градоначалник на Левица кој влезе во вториот круг на Локалните избори им се заблагодари на граѓаните...
Не сум фокусиран на противникот затоа што противник и немам, тука сум за народот, вели Ѓорѓиевски и најавува посилно темпо
Кандидатот за градоначалник на Скопје од ВМРО-ДПМНЕ, Орце Ѓорѓиевски, кој наспроти очекувањата, не победи во прв круг, вели дека уште...
(Видео) Николоски: Победа на ВМРО-ДПМНЕ во првиот круг во 33 општини, оставка од Филипче
Македонија е обoена во црвено. ВМРО-ДПМНЕ ја има убедливо најголемата победа на локални избори до сега, било кога видена во...
Втор круг во Аеродром, Центар, Карпош и Шуто Оризари, шест скопски општини добија градоначалници во првиот круг
Граѓаните во шест скопски општини веќе избраа градоначалници во првиот круг – Бутел, Чаир, Гази Баба, Кисела Вода, Ѓорче Петров...
Шукова: Резултатот не е оној што го посакувавме, сепак се гордеам со кампањата што ја водевме
Кандидатката за градоначалник на Град Скопје од СДСМ, Каја Шукова, се огласи на социјалните мрежи откако вчера не успеа да...
ВМРО-ДПМНЕ доминира во Советот на Град Скопје со 18 мандати, Левицата, „Влен“ и ДУИ имаат по 6
ВМРО-ДПМНЕ освои најголем број гласови во Советот на Град Скопје, вкупно 35,15 отсто, или 81.649 гласови. Со тоа, бројот на...
Го удирал со дрвена ногарка по главата, а потоа легнал да спие и го оставил брата си да лежи во крв: 37-годишник осомничен за обид за убиство
Јавен обвинител од Основното јавно обвинителство Скопје донесе Наредба за спроведување истражна постапка против лице за кое постои сомнение дека...
СДСМ по изборите: Oстануваме втора најсилна партија, ВМРО-ДПМНЕ и ЗНАМ имаат пад на поддршката
По обработени 99 отсто од гласовите, од СДСМ соопштија дека владејачката ВМРО-ДПМНЕ, заедно со коалицискиот партнер ЗНАМ, забележала голем пад...
ВМРО-ДПМНЕ добива 32 градоначалника во првиот круг, „Влен“ зад нив со победа во пет општини
ВМРО-ДПМНЕ е убедлив победник во првиот круг од локалните избори, со освоени 32 општини, покажуваат утрово податоците објавени на страната...
Зеленски: Украина нема ништо да му подари на агресорот и нема ништо да заборави
Украинскиот претседател Володимир Зеленски изјави дека Украина „ниту ќе ѝ даде ниту ќе ѝ заборави“ нешто на Русија најавувајќи зајакнување...
(Фото) Огромно парче запален отпад откриено во пустина во Австралија: најверојатно е вселенски отпад
Огромно парче запален отпад откриено во пустината Пилбара во Западна Австралија најверојатно е вселенски отпад што повторно влегол во атмосферата...
(Видео) Товарен авион „боинг 747“ се излизга од пистата во морето во Хонг Конг, двајца мртви
Товарен авион од Дубаи се излизга од пистата во морето при слетувањето на Меѓународниот аеродром во Хонг Конг рано утрово,...
(Видео) Трамп: Не му кажав на Зеленски дека мора да ѝ го предаде целиот Донбас на Русија
Американскиот претседател Доналд Трамп им потврди на новинарите во „Ер Форс Уан“ дека прекинот на огнот меѓу Израел и Хамас...
(Видео) Се појави снимка од ограбувачите на „Лувр“
Вчераутро, околу 9.30 часот, група од четири маскирани разбојници извршија брз и прецизен грабеж во музејот „Лувр“ во Париз, во...
