Џенифер Лопез беше домаќин на доделувањето на Американските музички награди 2025 во Лас Вегас во понеделникот. Пејачката и актерката смени осум облеки вечерта, секоја внимателно изработена во соработка со нејзиното долгогодишно стилистичко дуо Роб Зангарди и Мариел Хен.

Еден фустан се издвои особено, полупроѕирен фустан од Defaïence, со длабоко деколте, што ги остави обожавателите воодушевени. Лопез го надополни изгледот со златни сандали и накит MARLI, а фустанот го носеше не само на црвениот тепих туку и на сцената за време на нејзиниот настап со Род Стјуарт, кој ја прими наградата за животно дело.

„Овој фустан е совршенство!“, „Таа е неверојатна и изгледа беспрекорно“, „Како има 55 години?? Изгледа неверојатно!“, „Тој фустан, таа боја, таа кожа, тоа тело, таа коса – сè е врвно!“, „Изгледа неверојатно“, „Зелениот фустан од ‘Версаче’, дури и денес не изгледа толку скандалозно“, „Тоа е вистински фустан за одмазда“, „Мојата единствена надеж е дека ќе изгледам вака добро на 56 години!“, се само дел од коментарите на нејзината објава на социјалните мрежи.

Таа одржуваше гламурозен и блескав тон во текот на целата вечер. Меѓу комбинациите беше фустан од „Мис Сохи“ украсен со кристали, со висок шлиц, кој го носеше со светлотиркизно сако со цветен вез и надуени ракави.

Во една од комбинациите таа му оддаде почит на својот роден Бронкс носејќи фустан од „Бронкс и Банко“ со скапоцени камења и сложени деколтеа, со дијамантски обетки и проѕирни потпетици. Потоа носеше црн комбинезон со светки, со многу исечоци, како и впечатлив златен фустан со двојни шлицови и големи обетки.

Понатаму, за време на најавата за настапот на Џенет Џексон, која ја доби наградата за музичка икона, Лопез блескаше во син фустан без прерамки, со акцентирани детали на колковите, од брендот David Koma London. Изгледот го комплетира со дијамантски ѓердан и белезица.

Во интервју за „Пипл“ пред доделувањето на наградите Лопез објасни како пристапува кон изборот на облека: „Работам со моите стилисти и заедно развиваме идеи: ‘Што сакаме за шоуто, што сакаме за водителката, каква е атмосферата?’“, рече таа.

„Се движиме според чувството затоа што мислам дека се менува. За мене, чувствата се менуваат од месец на месец, како, на пример, ‘Која сакам да бидам денес?’ затоа што чувствувам дека има толку многу страни од мене кога станува збор за модата“.

Таа додаде дека нејзината цел е да ги задржи вниманието и интересот на публиката во текот на целото шоу. По сите овие години на сцената и во јавноста, таа вели дека менувањето на брзината станало вистинска наука. „Научивме да го правиме тоа навистина брзо“, објасни таа. „Мора да имаме светски рекорд некаде или нешто слично“.