Забава
Карди Би прогласена за инфлуенсерка за обувки за 2020 година

Раперката Карди Би никогаш не бил срамежлива кога станува збор за обувки и мода, што резултира во уште една награда за неа.
28-годишната Карди, чие вистинско име е Белкалис Марленис Алманзар, во вторникот беше прогласена за амбасадорка на годината на јутјуб-каналот кој објавува вести за обувки.
Добитничката на „Греми“ ја објасни визијата што стои зад нејзините најуникатни изгледи додека ја прифаќаше наградата преку јутјуб-каналот Footwear News YouTube.
„Ви благодарам многу. Јас сум почестена со оваа награда стилски инфлуенср на годината“, рече Карди.
„Се обидував да ви дадам поинаква разновидност. Може да направам ‘биркин’ со костим за бебиња“, додаде таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Десет навики што прават да изгледате помладо

Не е само изгледот на нашата кожа или тело што не прави постари. Начинот на кој се шминкаме, држењето на телото, па дури и нашиот ентузијазам за живот може да додаде години на нашиот изглед.
Некои веднаш посегнуваат по ботокс или козметички зафати за да ја зачуваат својата младост, но забораваат дека младоста доаѓа од внатре колку и однадвор. Малите промени во животниот стил можат да направат голема разлика во тоа како изгледаме и се чувствуваме.
Навики кои прават да изгледате помладо
1. Да се биде љубопитен
Како и со малите деца, кои поставуваат бескрајни прашања, останувањето љубопитен за секакви работи помага да останете млади. Освен што го прави животот позабавен и интересен, учењето е и одличен начин да го одржите вашиот мозок здрав и да спречите деменција.
2. Редовно вежбање
Докажано е дека премногу седење додава осум години во вашиот живот. Од друга страна, вежбањето ве одржува млади со тоа што ви помага да одржите здрава телесна тежина и да ја подобрите циркулацијата, што ги исфрла токсините и ја остава кожата со блескав тен.
3. Одржување на добра рутина за нега на кожата
Конзистентна рутина за нега на кожата и помага на кожата да ја задржи својата младост. Отстранете ги нечистотиите со благо средство за чистење, а потоа нанесете тонер, навлажнувач и крема за сончање за да и ја дадете на вашата кожа потребната храна и заштита.
4. Добра хидратација
Една од најдобрите работи што можете да ги направите за да изгледате младо и свежо е едноставно да пиете доволно вода. Соодветниот внес на течности им помага на бубрезите да излачуваат токсини и и овозможува на кожата да ја задржи влагата.
5. Медитирање
Редовната медитација го зголемува производството на хормонот против стареење DHEA. Ги штити и вашите хромозоми, што ја зголемува отпорноста на клетките на вашата кожа на стареење.
6. Страст за живот
Пронаоѓањето работи или луѓе за кои сте страстни и посветувањето време на нив ви дава ентузијазам за работите што го прават животот повозбудлив. Исто така, ви дава енергија што ве одржува млади.
7. Консумирање доволно антиоксиданси
Антиоксидансите се борат со слободните радикали во вашето тело кои предизвикуваат оштетување на клетките и предвремено стареење. Храната богата со антиоксиданси вклучува консумација на калинки, боровинки, брокула, зеленило и билки.
8. Спијте доволно
Ако се разбудите освежени, ќе изгледате исто. Спиењето е време кога телото се обновува, вклучувајќи ги и клетките на кожата, така што оние кои спијат доволно генерално изгледаат помладо.
9. Друштвеност
Учеството во социјални активности го одржува умот остар. Исто така, ви носи многу радост, што придонесува за вашето ментално здравје и ви помага да останете позитивни – особина која често се поврзува со младоста.
10. Забавување
Еден од најдобрите начини да останете млади (ако тоа не вклучува премногу пороци) е да ја одржите страста за животот. Никогаш не ја потценувајте важноста да се забавувате и обидете се да одржите лесен став кон животот.
Забава
Познати актерите што ќе ги глумат „битлсите“ на филм

Потврдено е дека Пол Мескал и Бери Киган ќе бидат дел од актерската екипа што ќе ги оживее членовите на „Битлси“ на филмското платно.
Мескал, кој e познат по улогите во „Нормални луѓе“ и „Гладијатор 2“, ќе го глуми Пол Макартни, а ѕвездата на „Солтбурн“, Киган, ќе го глуми Ринго Стар.
Џон Ленон ќе го глуми Харис Дикинсон, кој неодамна глумеше заедно со Никол Кидман во „Бејбигрл“. Џозеф Квин од филмот на „Марвел“, „Фантастична четворка“, ќе го глуми Џорџ Харисон во филмската тетралогија во режија на Сем Мендез.
Режисерот, кој e повеќекратен добитник на „Оскар“, се појави на „Синемакон“ во Лас Вегас заедно со четворицата актери. Тој објасни дека ќе има четири филма и секој од нив ќе се фокусира на еден член на легендарната група.
The Beatles – A Four-Film Cinematic Event, directed by Sam Mendes.
Harris Dickinson (John Lennon)
Paul Mescal (Paul McCartney)
Barry Keoghan (Ringo Starr)
Joseph Quinn (George Harrison)In theatres April 2028. #TheBeatlesFourFilmCinematicEvent pic.twitter.com/mREL0nPcfC
— Sony Pictures (@SonyPictures) April 1, 2025
„Секој филм е раскажан од личната перспектива на еден од членовите. Нивните патишта се вкрстуваат на разни начини – понекогаш се преклопуваат, понекогаш не. Тоа се четворица луѓе што многу се разликуваат. Можеби ова е можност да се разберат подлабоко. Сите четири филма заедно ќе ја раскажат приказната за најдобриот бенд во историјата“, рече Мендез на настанот.
Филмовите за „битлсите“ ќе бидат објавени во 2028 година.
Забава
Десет навики што прават да изгледате постаро

Не е само изгледот на нашата кожа или тело што нè прави постари. Начинот на кој се шминкаме, држењето на телото, па дури и нашиот ентузијазам за животот може да додаде години на нашиот изглед.
Некои веднаш посегнуваат по ботокс или козметички зафати за да ја зачуваат својата младост, но забораваат дека младоста доаѓа однатре колку и однадвор. Малите промени во животниот стил може да направат голема разлика во тоа како изгледаме и се чувствуваме.
Навики што прават да изгледате постаро
1. Прекумерна шминка
Шминката може да ги нагласи природните карактеристики и да ги скрие несовршеностите, но прекумерната употреба може да има спротивен ефект и да направи да изгледате постаро. Покрај тоа, може да ја исуши кожата и да ги затне порите, а со тоа да го забрза процесот на стареење.
2. Премногу парфем
Стереотипот на баби што се капат во силен парфем не е без причина. Кога станува збор за мириси, важи правилото – помалку е повеќе.
3. Игнорирање на заштитниот фактор
Сите дерматолози го велат истото – заштитата од сонце е клучна за младешки изглед. Ултравиолетовите зраци го забрзуваат стареењето на кожата, па секојдневното нанесување крем со заштитен фактор треба да стане рутина.
4. Лошо држење на телото
Спуштеното држење не само што додава години на вашиот изглед, туку долгорочно може да доведе до искривен ‘рбет и спуштени раменици – давајќи ви класичен стар изглед.
5. Премногу време на екранот
Сината светлина што ја емитуваат екраните на нашите уреди може да ѝ наштети на кожата, а часовите поминати со главата наведната над мобилниот телефон резултираат со збрчкан врат и уморен изглед.
6. Претерано пиење алкохол и кофеин
Алкохолот ја дехидрира кожата и ги разградува колагенот и еластинот, што доведува до предвремено стареење. Слично на тоа, премногу кофеин може да ја исуши кожата, да предизвика темни кругови и рани брчки.
7. Премногу шеќер во исхраната
Покрај тоа што го зголемува ризикот од дебелина и дијабетес, прекумерното внесување шеќер ги оштетува колагенот и еластинот, што ја прави кожата безживотна, сува и склона кон брчки.
8. Пушење
Пушењето прави да изгледате постаро на повеќе начини – освен што е застарена навика, го разградува колагенот, предизвикува опуштена кожа и сивкав тен.
9. Често хранење надвор од домот
Оброците од рестораните обично се богати со шеќер, сол и нездрави масти, што го зголемува бројот на слободните радикали во телото и го забрзува стареењето на кожата.
10. Премногу сериозен однос кон животот
Луѓето што се смеат, се забавуваат и пробуваат нови работи секогаш изгледаат помладо. Животот може да биде предизвик, но не заборавајте да се насмевнете и да го правите она што ве прави среќни.