Забава
Кевин Костнер им кажал на децата за разводот преку „Зум“, тврди поранешната сопруга

Кевин Костнер им соопштил на своите три деца за разводот од нивната мајка во текот на 10-минутен повик преку апликацијата „Зум“, тврди неговата отуѓена сопруга Кристин Баумгартнер во новите судски документи.
Ѕвездата на „Телохранител“ (68) е среде правна битка со Кристин (49), откако таа поднесе барање за развод во мај по 18 години брак.
Судските документи, наводно, покажуваат дека тој сам ги известил нивните деца за разделбата преку „Зум“, и покрај надежите на Кристин дека ќе ја пренесат веста заедно.
Парот заедно има три деца, Кејден (16), Хејс (14) и Грејс (13). Костнер има и четири возрасни деца од претходните врски.
Според „Пипл“, Кристин во документите наведува дека Кевин бил на локација во Лас Вегас кога на нивните деца им кажал за разделбата: „По 24 години врска, од неговата хотелска соба во Лас Вегас, Кевин им кажал на нашите три деца дека ние се разведуваме, и тоа го сторил во текот на 10-минутен разговор на Зум без мое присуство.“
„Сè уште сум збунета од неговиот мотив да го стори тоа на таков начин, особено затоа што планираше да биде дома пет дена подоцна.“
„Тој можеше лесно да се врати дома од Лас Вегас за да разговара лично,“ вели таа и додава дека сакала да биде присутна кога ќе им ја соопштат веста за разводот.
Ова доаѓа откако „Пипл“ објави дека Кристин барала тој да плаќа месечна издршка од 248.000 долари за да покрие дел од трошоците за подигање и развој на нивните три малолетни деца.
Според документите до кои дојде „Пипл“, Кристин тврди дека готовината што се бара за грижа за децата е помалку од износот потребен за одржување на нивниот вообичаен начин на живот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.