Забава
Ким Катрал одговори на шпекулациите дека ќе биде во новите епизоди на „Сексот и градот“

Ким Катрал, најпозната по улогата на Саманта Џонс во легендарната серија „Сексот и градот“, одговори на шпекулациите дека ќе се појави во новата сезона на спинофот Just Like That.
Таа имаше мала улога во втората сезона од серијата, па многу фанови се надеваа дека ќе видат повеќе од Саманта во третата. Магазинот Life&Style на 10 јули објави дека Катрал се согласила да глуми во третата сезона. Но, таа сега јасно стави до знаење дека тоа не е вистина.
„Толку сте мили, но јас не се враќам“, рече таа.
Патем, извор изјави за Life&Style рекоа: „Бидејќи ѝ го отворија патот на Саманта да се врати, се претпоставува дека склучиле договор со Ким и само го чекаат вистинското време да го објават тоа. Шпекулациите велат дека ќе може да ги снима сите свои сцени во Лондон. Ќе се обидат да ѝ платат многу, а сѐ да биде под нејзини услови“.
Ким се појави во последната епизода од втората сезона, во која Саманта е на телефон со Кери Бредшо, која ја игра Сара Џесика Паркер. Таа наводно имала два услова.
„Ким имаше два услова, да не дејствува со ниеден од нејзините поранешни колеги и да не се гледа со Мајкл Патрик Кинг“, изјави извор за „Пејџ сикс“.
Пред две години Сара Џесика Паркер зборуваше во поткастот на „Холивид рипортер“ за релацијата со актерката Ким Катрал.
„Многу е тешко да се зборува за ситуацијата со Ким бидејќи многу внимавам да не кажам нешто непријатно затоа што не сакам да зборувам за толку комплицирани теми. Снимањето на третиот филм пропадна поради нејзините договорни барања. Имено, не ни беше удобно да се сретнеме онаму каде што таа сакаше, па се откажавме од филмот бидејќи не сакавме да го снимаме без неа“, изјави Сара.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
На Џенифер Лопез не ѝ било дозволено да влезе во продавница во Истанбул, обезбедувањето ѝ го блокирало патот

Џенифер Лопез доживеала непријатен момент за време на турнејата во Турција. 56-годишната пејачка и актерка сакала да ја посети продавницата на „Шанел“ во Истанбул, но обезбедувањето ја спречило бидејќи веќе имало многу луѓе внатре, пишува „Турција тудеј“.
Пејачката не направила драма, туку само рекла: „Добро, нема проблем“ и си заминала.
Вработените во продавницата наводно подоцна ја поканиле назад кога ја препознале, но наместо тоа, таа отишла во други продавници за луксузна мода.
Посетата на продавницата на „Шанел“ во Истанбул се случила непосредно пред нејзиниот настап во тој град. Таа моментно е на крајот од турнејата Up All Night: Live in 2025, која завршува на 12 август на Сардинија, Италија.
Посетата на Истанбул беше нејзина втора посета на Турција за време на турнејата. На 23 јули таа настапи во хотелот „Регнум Карја ризорт“, а денот по концертот, таму го прослави својот роденден, пишува медиумот.
Кога Џенифер ќе се врати во САД, веројатно ќе биде зафатена со подготовки за објавувањето на Kiss of the Spider Woman. Мјузиклот, напишан и режиран од Бил Кондон, премиерно беше прикажан на филмскиот фестивал „Санденс“ во јануари, а во кината ќе се прикажува од 10 октомври.
Новиот филм е базиран на мјузиклот од Теренс Мекнали, Џон Кандер и Фред Еб, кој е инспириран од романот на Мануел Пуиг од 1976 година. Диего Луна и Тонатиух Елизарарас ги играат затворениците Валентин и Молина, а Лопез ја игра Ингрид Луна, филмската дива, која Молина ја обожава.
Фото: принтскрин
Забава
(Видео) Ја реновирале куќата и откриле нацистички бункер со морничава порака

Кога Шон Талиер (35) и неговата сопруга Каролина (32) почнале да ја реновираат куќата во октомври 2021 година, не можеле да замислат какво изненадување ги чека.
Под нивниот дом на островот Гернзи, близу брегот на Нормандија, се криел огромен нацистички бункер од Втората светска војна!
Парот го открил масивниот комплекс со две големи простории, пренесува „Дејли стар“.
Талиер знаел дека островот бил под германска окупација во периодот 1940-1945 година, кога нацистите ги претвориле Каналските острови во воени тврдини. Сепак, не очекувал да најде бункер токму под својот дневен престој.
„Знаев за бункерите по островот, но никогаш не би помислил дека еден се наоѓа под мојата дневна соба“, изјавил тој за локалните медиуми.
Претходната сопственичка, гледајќи фотографии од куќата на Фејсбук, го прашала парот дали ги пронашле просториите под темелите, откривајќи дека како деца се играле таму пред нивниот татко да ги затрупа со земја.
Парот ангажирал багер и отстранил десетици тони земја, по што откриле бетонски влез во бункерот.
Кога слегле внатре, останале без здив. Внатре имало две простории со димензии 5×3 и 5×6 метри, поврзани со коридор долг девет метри. Бункерот се наоѓал на осум метри длабочина.
Внатре пронашле стари шишиња, излез во случај на опасност, но и застрашувачки пораки испишани од нацистите за време на Втората светска војна. Особено внимание им привлекла пораката: „Внимание, непријателот слуша“ (Achtung, Feind hört mit).
„Ова не се само неколку простории, ова е историја. Студено, влажно и застрашувачко сведоштво за она што луѓето го поминувале тогаш“, рекол Шон.
Парот планира да го претвори бункерот во просторија за забави — со билјард сала и мини-теретана, при што ќе вградат 80 тони бетон за да ги обезбедат ѕидовите и скалите. Пораките на германски јазик планираат да ги зачуваат и реставрираат со калиграфија.
„Каролина сака да ја завршиме куќата, но јас ветив забавa за Ноќта на вештерките во бункерот“, се пошегувал Шон. „Морам да го исполнам тоа ветување“.
Забава
Британската монархија во нов проблем: пронајден документ што го зголемува притисокот врз кралот Чарлс

Британскиот крал Џорџ IV лично профитирал од работата на робови на плантажите во Гренада, покажува најновото истражување, што дополнително ја зголемува јавната критика кон монархијата да се соочи со својата улога во времето на ропството.
Дезири Баптист, независен истражувач, пронашла документ од 1823/24 година во Националниот архив во Лондон, кој сведочи за уплата од 1.000 фунти (што денес изнесува речиси 103.000 фунти или приближно 120.000 евра) од две кралски плантажи во Гренада на кои работеле стотици поробени луѓе.
Парите биле наменети за приватната каса на кралот Џорџ IV и, според Баптист, придонеле за неговиот раскошен начин на живеење“.
Баптист истакнува дека досега никој британски монарх јавно не признал дека Круната поседувала и профитирала од поробени луѓе.
Нејзиното истражување е дел од поширока студија наречена „Робови, сопственост на Неговото Величество: Џорџ IV и Гренада“.
Професорот Едмон Смит од Универзитетот во Манчестер, кој ја води студијата за улогата на кралската фамилија во ропството, изјави дека оваа уплата може да биде само врвот на ледениот брег.
Тој заедно со Ник Дрејпер од Универзитетскиот колеџ во Лондон ги потврдил наодите на Баптист.
Смит додаде дека доказите укажуваат на поширок образец на колонијална експлоатација во потрага по приходи од карипските колонии.
Бакингемската палата не дала коментар на извештајот.
Крал Чарлс претходно изразил жалење поради ропството во говор пред лидерите на Комонвелтот во 2022 година и ја поддржал академската студија за историската улога на монархијата, но засега не ја признал директната вмешаност на Круната во робовласништвото, пренесе „Ројтерс“.