Забава
Кинеската диета го освои светот: како да ослабете 5 килограми за 7 дена

Диетата измислена во Кина брзо се прошири низ целиот свет поради нејзината ефикасност и прилично разновидно мени. Оваа диета ви овозможува да изгубите 5 килограми за една недела и да го исчистите телото од токсини и нечистотии.
Карактеристики на кинеската диета
Кинеската диета го поттикнува губењето на тежината поради фактот што го намалува дневниот внес на калории од 2.500 на 800-1.000.
Покрај тоа, менито вклучува многу течности: минерална вода, зелен чај и свежи овошни сокови. Овие пијалоци ќе го исчистат телото од насобраните штетни материи и ќе го заситат со есенцијални витамини и антиоксиданси.
Друга карактеристика на кинеската диета е тоа што се состои од познати производи: нема егзотични јадења. Во рок од една недела, вашата исхрана ќе вклучува свеж зеленчук, овошје, ориз, ‘ржан леб и риба. Менито е изградено во согласност со принципите на балансирана исхрана.
Како да се подготви телото за кинеската диета?
Овој процес на подготовка ќе трае 5 дена. Секое утро, во овој период, треба да пиете 400 мл ладна вода пред појадок. Оваа техника ви овозможува да ги исчистите цревата, да ги забрзате метаболичките процеси и да го нормализирате варењето на храната.
За време на диетата, треба да ги елиминирате слатките и производите од брашно, животинските масти, алкохолот и кафето од вашата исхрана. Исто така, потребно е да го намалите внесот на сол и зачини.
На почетокот, јадењата ќе ви изгледаат премногу свежи, но до средината на неделата ќе се навикнете на новиот вкус на храната.
Предности и недостатоци на кинеската диета
Главните предности на кинескиот систем на исхрана се ефикасноста и рамнотежата, што ќе ви овозможи да ослабете без да му наштетите на вашето тело.
Сепак, оваа диета има значајни недостатоци: дневниот внес на калории е пренизок за одржување на таква диета подолг временски период.
Ако ја следите оваа диета долго време, ќе чувствувате замор, намалени перформанси и промени во расположението. Затоа оваа диета се препорачува на секои шест месеци.
Исто така, запомнете дека оваа диета е погодна само за целосно здрави луѓе. Пред да ја промените вашата редовна исхрана, консултирајте се со вашиот лекар, само тогаш можете да бидете сигурни дека кинеската диета нема да ви наштети на вашето здравје.
Подолу ќе најдете седумдневно мени кое ќе ви помогне полесно да ја постигнете посакуваната цел…
Понеделник:
Појадок: 150 грама свежа зелка, 200 мл минерална вода,
Ручек: 4 лажици варен ориз, 150 грама салата од рендан морков со маслиново масло, 200 мл кисела вода
Вечера: 150 грама варена риба, мало парче ‘ржан леб, неколку листови зелена салата, 200 мл зелен чај.
Вторник:
Појадок: 150 грама салата од морков со маслиново масло, 1 тост ‘ржан леб, 200 мл кисела вода,
Ручек: 200 грама салата од морков, зелка, зелена салата, целер, парче ‘ржан леб, 200 мл свежо исцеден сок од јаболко без шеќер.
Вечера: 100 грама варен ориз, листови зелена салата, половина грејпфрут, 200 мл минерална вода
Среда:
Појадок: 200 грама салата од јаболка, круши, портокали, банани, 200 мл свежо исцеден сок од портокал без шеќер
Ручек: 250 грама варен аспарагус, 150 грама салата од зелка со сок од лимон, парче ‘ржан леб, 200 мл минерална вода
Вечера: 250 гр. зготвени печурки (без масло) 1 мал варен компир, 200 мл минерална вода
Четврток:
Појадок: јаболка, портокали, тост од ‘ржан леб, 200 мл свежо цеден сок од портокал без шеќер
Ручек: 300 грама варен аспарагус со ориз и босилек, 1 јаболко, парче ‘ржан леб, 200 мл минерална вода
Вечера: 200 грама варена риба, 2 мали варени компири, парче ‘ржан леб, 200 мл зелен чај
Петок:
Појадок: 150 грама оризова каша варена во вода, 200 мл кисела вода
Ручек: 200 грама салата од бела зелка, парче ‘ржан леб, 200 мл кисела вода
Вечера: 200 грама салата од зелка, моркови, зелена салата и маслиново масло, парче ‘ржан леб, 200 мл минерална вода
Сабота:
Појадок: 150 грама оризова каша сварена во вода, 200 мл свежо исцеден сок од јаболка без шеќер,
Ручек: 200 грама варена морска риба, салата од јаболка, портокал, киви, 200 мл свежо исцеден сок од портокал без шеќер
Вечера: 100 грама посно месо на скара, парче ‘ржан леб, 4 листа зелена салата, 1 портокал, 200 мл зелен чај
Недела:
Појадок: 250 грама салата од јаболка, кајсии и сливи, 200 мл кисела вода
Ручек: 150 грама варен ориз со суви сливи и мед, 200 мл кисела вода
Вечера: 150 грама варена морска риба, 200 грама салата од зелка, парче ‘ржан леб, 200 мл минерална вода
Ако чувствувате глад помеѓу оброците, испијте чаша минерална вода или зелен чај: време е да го намалите апетитот.
фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Руската вакцина против рак може да го промени животот на милиони пациенти

Русија го заокружи развојот на својата вакцина против рак, која успешно ги помина претклиничките испитувања и е подготвена за клиничка употреба по добивањето на лиценца, објави Вероника Скворцова, раководителка на Федералната медицинска биолошка агенција (ФМБА).
„Кон крајот на летото 2025 година поднесовме документи до Министерството за здравство за добивање лиценца за клиничка употреба. Истражувањето траеше неколку години, а последните три години беа посветени на претклинички студии. Вакцината е подготвена, чекаме лиценца“, изјави Скворцова.
Истражувањата покажале дека вакцината е безбедна за повеќекратна употреба и ефикасна во намалувањето на големината на туморите и забавувањето на нивниот раст. Дополнително, резултатите укажуваат на продолжено преживување на пациентите.
„Прво ќе ја применуваме кај пациенти со колоректален карцином. Истовремено, во последната фаза од развој се вакцини за глиобластом – малигнен мозочен тумор, и одредени видови меланом, вклучувајќи и очни мембрани. Овие болести се многу агресивни и потребни се брзи решенија“, додаде Скворцова.
Таа потсети дека во ноември 2024 година најавила дека ФМБА планира персонализиран третман со вакцина против рак за пациенти од 2025 година, во присуство на претседателот на Русија.
Забава
Две причини зошто треба да го оставите детето да оди босо

Многу родители се плашат да го пуштат своето дете да оди босо поради можни повреди или бактерии, но мало дете има многу придобивки од одењето босо – од зајакнување на стапалата и нозете до развивање чувство за рамнотежа.
Двете најчести причини зошто родителите не им дозволуваат на своите деца да трчаат боси се стравот од повреда од стапнување на остар предмет и избегнување кожни заболувања што може да ги добијат.
Сепак, мали се шансите такво нешто да се случи на површините за играње бидејќи тие се транспарентни и лесно се забележуваат опасни предмети. Исто така, оние што често одат боси развиваат зголемена свест за тоа каде стапнуваат, а нивните стапала се стврднуваат и создаваат природна заштита.
Исто е и со бактериите. Нашата кожа е во состојба да ги држи подалеку. Рацете се многу повалкани бидејќи ги користиме за да зграбиме сè и сешто, а децата редовно ги ставаат во уста.
Всушност, чевлите се соодветна средина за раст на бактерии и габи бидејќи тие создаваат темна, топла и влажна средина, каде што најлесно е бактериите да растат на детските стапала.
Кевин Гири, наставник, гуру за родители и автор на блогот „Револуционерен родител“, верува дека обувките се лоши за децата бидејќи ги уништуваат стапалата и го попречуваат природниот развој на движењето кај децата. Поради ова, вели тој, децата се поподложни на повреди на нозете и на стапалата.
Тој истакнува дека одењето боси ги зајакнува стапалата и долниот дел од нозете правејќи го детето повешто и посвесно за положбата на своето тело. Стапалата имаат повеќе од 200.000 нервни завршоци, што е најголема густина на мрежата на нерви во целото тело, токму за да бидеме побезбедни и подобро да се приспособиме на земјата под нас.
„Најлесниот начин да се развие чувство за рамнотежа кај бебињата е да им дозволите да одат боси колку што е можно повеќе“, вели педијатарот д-р Кејси Флегал.
„Друга придобивка е зајакнувањето на свеста за околината во која се движат бидејќи босите нозе испраќаат информации до мозокот, што ја подобруваат рамнотежата“, додава таа.
Децата што често се боси учат да се движат подобро. Четири милиони години нашите стапала се развивале без чевли, а нивното затворање во чевли и патики сигурно не е добар начин природните процеси на развој на одењето да се одвиваат како што е предвидено со еволуцијата.
На крајот на краиштата, не е сè ни во медицинските причини. Одењето со боси нозе значи давање задоволство на сетилата, што најдобро го чувствуваат малите деца за кои ова е секогаш радост. Помислете на тоа прекрасно чувство кога одите боси по песок или трева или во плитките води…
Фото: ЕПА
Забава
Избрана бојата за 2026 година во уредувањето: носи мир, удобност и безвременски стил

„Валспар“, еден од најпознатите и трендовски производители на бои, ја објави бојата на годината за 2026.
Инспирирана од носталгијата и природата, таа е дизајнирана да донесе мир, удобност и безвременски стил во секој простор.
Дизајнерите предвидуваат дека ќе доминира во домовите и на социјалните мрежи во следните 12 месеци.
View this post on Instagram
По анализата на тони податоци што го земаат предвид однесувањето на потрошувачите и трендовите во декорирањето, открија дека победничката е топлата боја на евкалиптус, мека зелена.
Во соопштение за медиумите брендот сподели дека топлиот евкалиптус одразува колективна желба за смирен, приземјен дизајн, што се приспособува на брзото темпо на живеење во станбениот и во комерцијалниот дизајн.
„Топлиот евкалиптус е повеќе од само прекрасна нијанса на зелена боја, тој е одраз на удобноста по која копнееме во нашите домови“, вели Су Ким, директорка за маркетинг во боја во „Валспар“, за „Рил симпл“.
„Неговите топли нијанси создаваат приземјено, пријатно расположение и црпат инспирација од природата и од познатоста на ретро дизајнот – ова е боја што поттикнува обнова и отпорност“.
„Буквално ве опкружува каде и да живеете и е релевантна и позната. Ни треба стабилност и ни треба релаксација. А носталгијата е во тренд веќе некое време – се осврнуваме наназад за да планираме за иднината. Сакавме да ги истакнеме оние работи што ги опфаќаат спомените и вашиот дел од тоа наследство што се пренесува во вашето семејство. Самата боја навистина ја слави таа носталгична нота“.