Забава
Кирк Даглас го прослави 102. роденден и откри дека има само една желба

Американскиот филмски институт во 1999 година издаде листа на 50 легенди од златното доба на Холивуд. Од нив денеска се живи само тројца: Софија Лорен (84), Сидни Поатје (91) и Кирк Даглас, кој денеска наполни 102 години.
„Ќе имаме забава за семејството и најблиските пријатели. Ќе дојдат моите момци и полно внуци. И добри пријатели како Џефри Каџберг, Стивен Спилберг и Рон Мајер“ изјавил Даглас за агенцијата ДПА.
Барт Ланкастер го издвоил како колега од златното доба на Холивуд кој најмногу му недостасува.
„Ми недостасуваат моите стари пријатели како што е Барт Ланкастер. Го викав Боит, а тој мене Коик. Беше прекрасен пријател, многу ми недостасува“ вели Даглас.
Најголема желба за 102 роденден му е светот да стане подобро место за живот.
„Има толку многу нетрпеливост….Сакам луѓето да бидат љубезни едни кон други и да покажуваат повеќе почит“ изјавил холивудскиот легендарен актер.
Даглас своевремено предупреди на изборот на Трамп за претседател и на говорот за омраза кон мигрантите.
„Тоа се уште ме загрижува. Светот е во голем неред и наше е тоа да го поправиме, поради нашите деца и внуци. Пукањето е секојдневно, од училиште до синагога.
Луѓето на улица се тепаат и убиваат. Светот е толку поделен и тоа мора да престане“ нагласил актерот.
На прашањето што преостанало од неговата листа на желби, Кирк рекол дека помалку или повеќе ги исполнил сите негови соништа.
„Имав прекрасен живот и имам фантастично семејство. Благодарен сум на се што ми пружи животот“ заклучил холивудскиот актер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Незгодниот момент на Кијану Ривс на доделувањето на наградите „Тони“ стана хит

Непријатниот момент на Кијану Ривс (60) стана вирален откако бродвејската ѕвезда за време на својот настап на доделувањето на наградите Тони во 2025 година скокна на столот на актерот. Ривс без да се сомнева седеше во Radio City Music Hall во Њујорк додека Џонатан Гроф изведуваше енергична верзија на „Mack The Knife“ од мјузиклот „Just In Time“.
Гроф, кој глумеше со Ривс во филмот „The Matrix Resurrections“ од 2021 година, потоа скокна на столот на Ривс, со нозете од двете страни на лицето, и продолжи да пее. Изненадениот Ривс врескаше и го погледна Гроф, кој буквално беше над неговата глава, а потоа го зграпчи за градите и скокна од столот.
@tv_line Jonathan Groff gets up close and personal with Keanu Reeves at the #TonyAwards #keanureeves #jonathangroff #tonys #2025 #cbs ♬ original sound – TVLine
Воодушевените обожаватели ги преплавија социјалните мрежи со коментари, а еден напиша: „Џонатан Гроф се искачи на Кијану Ривс среде публиката и го јаваше за време на неговиот настап на Тони“.
Други коментираа: „Кијану Ривс веќе го освои Тони со овој момент“, „Џонатан Гроф одлучи да ја искористи својата шанса со Кијану Ривс и јас го почитувам тоа“, „Флертувањето на Џонатан Гроф со Ривс беше неочекувано, но јас сум возбуден“.
Забава
(Фото) Џорџ Клуни ја врати својата природна боја на косата: „Изгледав како дилер на дрога“

Џорџ Клуни ги привлече погледите на црвениот тепих на 78-мото доделување на наградите „Тони“ во својот препознатлив стил – со својата природна, седа коса што реши да ја врати по долго време.
Познатиот актер ја доби својата прва номинација за наградата „Тони“ оваа година, благодарение на улогата во бродвејската претстава Good Night, and Good Luck.
Претходно тој ја обои косата во темна боја за да личи на новинарот Едвард Р. Мароу што го играше, но по завршувањето на претставата, реши да се врати на својата природна боја – што особено ја израдува неговата сопруга Амал.
„Мојата сопруга беше најсреќната личност кога се вратив дома и сè ишишав“, рече 64-годишниот Клуни на црвениот тепих.
„Изгледав како дилер на дрога со таа лоша црна боја за коса“, додаде тој.
Забава
Софија Вергара со заводлива фотографија ги воодушеви обожавателите: „Пристигна летото“

Софија Вергара (52) објави заводлива фотографија од себе како се сонча покрај базен на Инстаграм. Таа на шпански во описот напиша „Летото е тука“.
Нејзината објава привлече илјадници обожаватели кои лајкнаа и коментираа, вклучувајќи ја и колешката судијка на „Америка има талент“, Хајди Клум.
„Дојди… и јас го правам истото. Се сончам“, коментираше Клум, на задоволство на нејзините бројни обожаватели.
Софија неодамна беше во центарот на вниманието на медиумите поради нејзината наводна врска со возачот на Формула 1, Луис Хамилтон. Иако беа видени заедно неколку пати, нивната романса, според странските медиуми, не траела долго. Се вели дека Луис го изгубил интересот, а актерката наводно после тоа се чувствувала „напуштено“.