Забава
Кои беа најпребаруваните 18+ прашања на „Гугл“ во 2024 година

Крајот на годината вообичаено е време за објавување на различни статистички резултати, а „Гугл“ објави интересни податоци за прашањата што луѓето најмногу ги пребарувале поврзани со сексот во текот на 2024 година.
Овие шест прашања се најдоа на врвот на листата:
Што е автосексуалност?
Дали е нормално да се крвари после секс?
Дали мастурбацијата е грев?
Што е оргазам?
Колку долго после царски рез можете да имате секс?
Колку често брачните парови имаат секс?
Дали сте љубопитни што е автосексуалност?
Концептот на автосексуалност првпат се појави во медиумите кога Кортни Кардашијан го спомна на својот блог во 2020 година.
“Дали сте автосексуални? Накратко – да, најверојатно. Всушност, сите сме, барем малку“, напишала таа.
Терапевтот и автор Кејси Танер зборуваше за автосексуалноста за страницата на Кортни и откри дека тоа е особина каде што личноста е привлечена од сопственото тело.
„Иакао мастурбацијата е пример, автосексуалноста може да се прошири подалеку од сексуалното однесување, вклучително чувство на копнеж или желба за себе. Тоа може да биде и способност да се почувствува сексуална желба преку визуелизирање, допирање или мирис на себеси“, рече Танер.
Таа додаде дека автосексуалноста е широк спектар и дека повеќето луѓе се некаде на тој спектар.
„Некои се исклучиво автосексуални и тоа е нивната сексуална ориентација, додека повеќето ја комбинираат со секс со партнерот“, објаснила таа тогаш.
„Тоа би можело да значи да носите секси долна облека. Тоа може да значи дека ќе ја направите вашата коса и шминка само за да се чувствувате добро, дури и кога сте во долготрајна моногамна врска и другата личност едвај забележува“, објасни таа.
„Многу луѓе се спротивставуваат на автосексуалноста, плашејќи се дека таа е нарцисоидна или дека може да го наруши партнерскиот секс. Во реалноста, автосексуалноста може да биде здрав, дури и вреден дел од вашиот сексуален живот“, нагласи таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Сите се воодушевени од изданието на Меган Маркл од 5.000 евра: „Совршено е, а таа е прекрасна“

Меган Маркл уште еднаш нè убеди во нејзината љубов кон едноставен, но софистициран стил, што го покажа и за време на едно појавување во Њујорк на кое присуствуваше со својот сопруг, принцот Хари.
Таа носеше трендовски беж костум; широки панталони и соодветна јакна изработена од свиленкаст материјал, дизајнирана од модната куќа „Ралф Лорен“. Интересно е да се напомене дека убаво и модерно одело чини дури 5.000 евра, а софистицираните парчиња се продаваат одделно.
Уште еден хит со кој никогаш не можете да погрешите е белата кошула што Меган вешто ја одбра за својата модна магија. Сето тоа го заокружи со модерни, кожни чевли, како и впечатлив, скап накит.
@ellegermany
И како што сме навикнати, Меган овој пат носеше блага, природна шминка, како и пуштена, малку брановидна коса.
Нејзиниот сопруг, принцот Хари, исто така беше во својот препознатлив стил; во елегантно темно син костум, па изгледаа многу координирано заедно, а Меган доби бројни комплименти на социјалните мрежи.
@accesshollywood #MeghanMarkle ♬ original sound – Access Hollywood
„Изгледа навистина убаво“, „Облеката е одлична“, „Го обожавам овој стил, секогаш изгледа елегантно“, „Облеката е совршена, а таа е прекрасна жена“, се само неколку од нив.
Забава
(Фото) Трендовски детаљ што ќе привлече внимание оваа сезона, а не чини многу

„Впечатливите“ обетки, нараквици и ѓердани беспрекорно се вклопија во актуелните трендови, добивајќи мноштво различни форми, така што има по нешто за секого во овој сегмент. Дури и ако сте страствен љубител на суптилните детали, веруваме дека ќе ви биде тешко да им одолеете на некои од шарените парчиња накит од новите колекции.
Минатата година бевме сведоци на подемот на трендот „фудкор“ и сè беше преполно со шарен накит со овошни мотиви – помислете само на хит обетките – цреши.
Оваа година, романтиката е во преден план, а безвременскиот мотив на цвеќето блескаше во посмели силуети и бои од кога било досега. Опсесијата со тропските цвеќиња продолжува, а преголемите обетки украсени со шарени егзотични „ливчиња“ се детаљ кој повеќе не е резервиран исклучиво за плажа и „afterbeach“ забави.
Обетките во облик на големи тродимензионални цвеќиња се побројни од кога било на главната улица, и станаа омилен избор на трендсетерките за малку поубави пригоди во топлите денови.
Заедно со обетките од смола во светли бои, вниманието го привлекуваат и моделите со неправилни форми и неочекувани текстури – бисерен сјај, варијанти од мрежест метал и материјали што имитираат злато или сребро се многу добредојдени.
Не се сомневаме дека овој вид „впечатлив“ детаљ е навистина одлична инвестиција – не чини многу, а навистина прави разлика, додавајќи допир на актуелност и карактер на малку поедноставни комбинации.
Забава
Нови трагични детали за смртта на Џин Хекман откриени со најновата обдукција

Конечните резултати од обдукцијата на легендарниот добитник на Оскар, Џин Хекман, открија сериозни здравствени проблеми што ги имал актерот пред неговата смрт, два месеци откако тој и неговата сопруга Бетси Аракава беа пронајдени мртви во нивниот дом во Ново Мексико.
Како што објавува „Фокс њуз“, повикувајќи се на извештај од Канцеларијата на медицинскиот испитувач, Хекман (95) со години страдал од конгестивна срцева слабост и имал изразени хронични хипертензивни промени во бубрезите. Во 2019 година, му беше вграден бивентрикуларен пејсмејкер, а обдукцијата дополнително покажа присуство на невродегенеративни промени поврзани со Алцхајмеровата болест.
„Беа откриени сериозни атеросклеротични и хипертензивни промени во кардиоваскуларниот систем, беа поставени стентови во коронарните артерии, беше направен бајпас, а аортната валвула претходно беше заменета“, се наведува во извештајот. Исто така, биле пронајдени траги од стари срцеви удари, додека анализата на мозокот открила микроскопски знаци на напредна Алцхајмерова болест.
Иако некои се сомневаа, обдукцијата покажа дека Хекман не бил заразен со хантавирус – ретка, но опасна инфекција што ја пренесуваат глодари, а која предизвикала смрт на неговата сопруга.
Полицијата потврди дека Бетси Аракава починала околу 12 февруари од респираторни компликации предизвикани од хантавирус, на 65-годишна возраст. Според извештајот добиен од „Дејли меил“, пребарувањето на нејзиниот компјутер открило пребарувања на интернет за симптоми слични на грип и Ковид-19.
Вештакот, исто така, изјави дека тестовите не покажале труење со јаглерод моноксид, а во крвта на Хекман биле откриени траги од ацетон, што веројатно е резултат на дијабетична кетоацидоза или гладување.
Се претпоставува дека Хекман, поради прогресијата на Алцхајмеровата болест, талкал низ куќата неколку дена по смртта на неговата сопруга, несвесен што се случило. Тој почина речиси една недела подоцна, околу 18 февруари, од последиците на тешка срцева болест, дополнително влошена од Алцхајмерова болест и заболување на бубрезите.