Забава
Колекционерите на кокичиња за еден примерок даваат и до 1.390 фунти

Ова хоби има своја „дијагноза” – галантофилија. Тоа е зависност од собирање кокичиња, од кои некои воопшто не се евтини. Рекордната цена на овој цвет беше 1.390 фунти, толку некој плати за една луковица од видот златно руно во 2015 година, според plantlife.org.uk.
Продадена е од колекционерот Џо Шерман на Ибеј, кој, освен со собирање се занимава и со вкрстување на кокичиња.
Joe Sharman at Myddleton House
Gepostet von Evolution Plants am Samstag, 25. Januar 2014
„Првото кокиче го добив кога имав 23 години и студирав хортикултура на Writtle College во Челмсфорд. Растението ми го даде Бил Бејкер, кој го собра на Пелопонез. Сега во мојата колекција имам 1.700 различни видови“, вели Британецот Џо Шерман.
Тој додаде дека бил поканет и на „кокичиња забава” каде што се собрале љубителите на овој цвет и разменувале искуства. Многумина се собираат во групи на социјални мрежи, имаат фестивали, организираат разгледување на нивните колекции …
Joe Sharman
Gepostet von Decoy Nursery am Sonntag, 21. Februar 2016
Тој кажа дека некои луѓе се прашуваат како нивните луковици може да бидат толку скапи, но понекогаш се потребни години и години на вкрстување, обиди и неуспеси за да се создаде нов вид кој колекционерите како него сакаат да го имаат.
Во старата традиционална медицина, кокичињата се користат за лекување главоболки и како лек против болки. Тие исто така се користеле за ублажување на симптомите на Алцхајмеровата болест. Сепак, специјалистите за растенија предупредуваат дека се отровни за луѓето ако ги јадат и може да предизвикаат повраќање, гадење и дијареја.
Тие се симбол на чесност, утеха, пријателство во неволја, надеж и чистота.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.