Забава
Колин Фарел вели дека „досадниот“ филм од 2012 година е еден од попредизвикувачките во неговата кариера

Актерот Колин Фарел играше многу ликови во својата кариера, но досега само кажа дека еден му е здодевен и предизвикувачки во исто време.
Како што објави магазинот Far Out, славниот актер глумеше во римејкот од 2012 година на филмот Total Recall од 1990 година. Во римејкот наречен Total Recall, Фарел ја презеде улогата на Даглас Даг Квејд, кој го игра Арнолд Шварценегер во филмот од 90-тите.
Меѓутоа, кога во едно интервју зборуваше за искуството со снимањето, истакна дека тоа е поразлично од се што правел претходно.
„На многу начини Total Recall беше попредизвикувачки бидејќи беше многу подосаден. Беа потребни околу пет месеци за да се снима, а имам можеби пет страници дијалог во целиот филм. Тоа беше повеќе физичка изведба работејќи на акробации и такви работи да имам многу повеќе сцени“, коментира тој во тоа време во интервју за „Мувис“, пренесува Far Out.
Филмот го следи работникот Квејд, кој почнува да се сомнева дека е шпион по посетата на Рекал, компанија која на клиентите им имплантира лажни сеќавања за животот што би сакале да го водат, тргнува наопаку и Квејд се наоѓа во бегство.
Во филмот на Лена Вајсман глумеа и Кејт Бекинсејл, Боким Вудбајн, Брајан Кренстон, Џесика Бил, Бил Наји и други ѕвезди.
Римејкот од 2012 година ја следи приказната за оригиналот, кој се базира на расказ од Филип К. Дик од 1966 година. Сепак, направени се некои промени. Во верзијата со Арнолд Шварценегер дејството е сместено на Марс, кој во блиска иднина е колонизиран од луѓето. Верзијата на приказната за Колин Фарел се одвива на Земјата, која е уништена со хемиска војна и поделена на две суперсили, пренесува Far Out.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Џастин Бибер објави нова снимка, фановите загрижени: „Некој нека му помогне“

Познатиот пејач Џастин Бибер објави видео на социјалните мрежи, на кое е полугол, во состојба за која многумина се загрижени.
Бибер на „Инстаграм“ сподели видео од својата нова песна. Сепак, песната остана во сенка, а неговиот изглед дојде до израз.
I wonder why @BuzzingPop @PopBase @PopCrave and other pop accounts don’t post this ??? Like hellooo?? https://t.co/tfi7E7lQv6
— asi (@purpleforth) March 30, 2025
„Ова е загрижувачко. Се надевам дека ќе добие професионална помош“, „Ова е многу тажно“, „Не е добро и тоа е толку очигледно“, „Се надевам дека ќе добие помош… Ова не е во ред“, гласат некои од коментарите.
Забава
Кечап, мајонез или тартар: кој сос е најмалку здрав?

Сосовите како кечап, мајонез и тартар често се неопходен додаток на многу јадења. Иако сите тие се вкусни и популарни, важно е да се земе предвид нивниот нутритивен состав и можното влијание врз здравјето.
Кечап
Иако доматите имаат многу здравствени предности, како што се витамин Ц и ликопен, кечапот што најчесто се продава во продавниците содржи големи количини на шеќер и сол.
Кечапот може да содржи до 20 до 30 проценти шеќер на 100 грама производ. Прекумерното внесување на шеќер е поврзано со зголемен ризик од дијабетес, дебелина, зголемување на лошиот холестерол и срцеви заболувања. Покрај тоа, високата содржина на сол може да го зголеми ризикот од висок крвен притисок.
Мајонез
Мајонезот е сос базиран на јајца, масло, оцет и сенф. Богат е со незаситени масти, но исто така е многу калоричен, поради што многу луѓе се внимателни за количината што ја консумираат. Мајонезот често содржи големи количини на рафинирани растителни масла, кои можат да содржат транс масти – видови на масти кои се поврзани со зголемен ризик од срцеви заболувања.
Овој популарен сос е многу калоричен со 600 до 700 калории на 100 грама, а неговата висока содржина на масти може да придонесе за зголемување на тежината и лошо кардиоваскуларно здравје. Иако незаситените масти можат да бидат корисни, рафинираните масла во комерцијалниот мајонез често содржат транс масти, кои негативно влијаат на здравјето, зголемувајќи го ризикот од срцеви и крвни заболувања.
Ако сакате мајонез, побарајте помалку калорични варијанти кои содржат здрави масла како маслиново масло. Исто така, можете да подготвите домашен мајонез со помалку масло и јајца, што ќе го намали бројот на калории и ќе ја подобри хранливата вредност.
Тартар сос
Тартар сосот обично се подготвува од мајонез, сенф, кисели краставички и зачини. Иако вкусот на тартарот е сличен на мајонезот, обично содржи помалку шеќер, но е побогат со масти и калории. Со оглед на тоа што се базира на мајонез, тартар сосот исто така ги носи сите предности и недостатоци поврзани со квалитетот на маслото и присуството на транс масти.
Овој сос често е богат со масти, особено заситени масти, и може да придонесе за проблеми со висок холестерол и зголемен ризик од срцеви заболувања. Не е толку богат со шеќер како кечапот, но е богат со калории и може негативно да влијае на дебелината ако се консумира во големи количини.
Кој сос е најмалку здрав?
Од трите сосови – кечап, мајонез и тартар, најнездрав сос е кечапот поради високата содржина на шеќер и сол.
Иако вкусен, кечапот е најнездрав поради високата содржина на шеќер и сол, што може да има негативно влијание врз здравјето ако се консумира во големи количини.
Треба да се земе предвид дека ова не значи дека мајонезот и тартарот се нужно здрави сосови, но тие се подобар избор од кечапот. Секој од овие сосови може да се јаде во умерени количини. Ако внимаваме за количината која ја консумираме, ниту еден од овие сосови не треба да предизвика здравствени проблеми.
Забава
(Видео) Адвокатите на Диди: На забавите сите се согласуваа на сè

Адвокатскиот тим за Шон Комбс, попознат како Диди, тврди дека сите негови озлогласени сексуални забави се одвивале со заедничка согласност на сите инволвирани, а некои истакнати адвокати веруваат дека стратегијата може да има тежина на суд.
Во новиот клип од документарниот филм на ТМЗ, The Downfall of Diddy: His Defense, неколку адвокати ја коментираа правната тактика на неговата одбрана. Меѓу нив е Џо Такопина кој го поддржува тимот на Диди.
„Главната правна битка овде ќе биде прашањето за согласност“, вели Такопина на снимката. „Искрено, звучи како луѓето во тоа време да се согласиле на се. Не е трговија со луѓе ако сите сакаат да бидат таму. Кога помислувате на трговија со луѓе, замислувате луѓе кои се продаваат за секс… А тоа нема да го најдете овде“.
Такопина исто така истакна дека, според информациите што ги има, одбраната на Диди има бројни писмени комуникации кои, како што тврди, ја докажуваат согласноста на сите инволвирани и негираат каква било принуда.
„Ќе биде тешко да се каже некому: ‘Да, го напишав тоа, но едноставно се исплашив и реков дека ми е мило што доаѓам… но не ми беше баш мило’. Ова не е случај кој е толку цврсто одреден како што мислат многу луѓе“, заклучи тој.
Како што се наближува датумот на судење – 5 мај 2025 година – Диди се соочува со уште повеќе обвиненија. Последната тужба доаѓа од неименуван маж, кој тврди дека Шон Комбс сексуално го нападнал на снимањето на реклама во 2022 или 2023 година.
Диди моментално е во притвор, каде ќе остане до почетокот на неговото судење во мај.