Забава
Колин Хувер се врати на „Инстаграм“ и ги избриша сите фотографии со Блејк Лајвли

Авторката на бестселерот „Завршува со нас“ Колин Хувер се врати на Инстаграм откако минатиот месец го деактивираше профилот, но без фотографии со актерката Блејк Лајвли. Хувер, забележа Дејли Мејл, ги отстрани сите траги од нејзината врска со Лајвли, вклучувајќи ја и фотографијата на која актерката ја означи.
Хувер (45) напиша роман во 2016 година кој беше адаптиран во истоимениот филм од 2024 година, кој сега е во центарот на правната битка помеѓу Лајвли (37) и режисерот и актер Џастин Балдони (41). Балдони тврди дека Лајвли ја искористила својата слава за да ја придобие Хувер на своја страна, откако актерката поднела тужба за сексуално вознемирување во декември.
Пред таа драма, Хувер и Балдони имаа срдечни односи, како што покажуваат мејловите од контра тужбата на Балдони од 400 милиони долари. Во еден од нив, Хувер напиша дека нема подобар кандидат за проектот и му предложи да ја преземе главната машка улога.
Меѓутоа, како што се зголемуваа тензиите, Хувер го избриша својот профил и изјавата во декември во која таа ја опиша Лајвли како „чесна, љубезна и трпелива“. Сега нејзиниот профил е повторно активиран, но без никакви фотографии со Балдони (кои ги немаше и претходно) или Лајвли, вклучувајќи ги и оние од премиерата на филмот во август.
Се чини дека Хувер сега се фокусира на новата филмска адаптација на нејзиниот трилер Verity од 2018 година, во кој ќе глуми Ен Хатавеј.
Одлуката за враќање на социјалните мрежи доаѓа откако Лајвли претрпе мал правен удар пред судот во Њујорк минатата недела. Нејзиниот адвокатски тим побара одложување од две недели за да поднесе изменета жалба, но судијата им одобри само уште еден ден. Крајниот рок за поднесување документи сега е 18 февруари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.