Забава
Крис Нот доби отказ од крими-серијата „Еквилајзер“ по обвинувањата за сексуален напад

Ѕвездата на „Сексот и градот“, Крис Нот, е отпуштен од криминалистичката драмска серија на Си-би-ес, „Еквилајзер“, откога против него беа изнесени обвинувања за сексуален напад.
„Крис Нот повеќе нема да снима дополнителни епизоди од ‘Еквилајзер’. Оваа одлука веднаш ќе стапи во сила“, се наведува во изјава на „Јуниверзал телевижн“ и на Си-би-ес до која дојде „Дедлајн“.
67-годишниот Нот ќе се појави во претстојната епизода од серијата, која е веќе седум епизоди во втората сезона. Тој е дел серијата од почетокот на 2021 година.
Минатата недела две жени го обвинија актерот за сексуална злоупотреба. Двете стапиле во контакт со „Холивуд репортер“ за да споделат детали за наводно силување.
Нот ги негира ваквите наводи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Борис Џонсон стана татко по деветти пат

Поранешниот премиер на Обединетото Кралство Борис Џонсон (60) добил дете со сопругата Кери (37).
Кери на Инстаграм ја сподели веста за раѓањето на нејзината ќерка, која го доби името Попи Елиза Џозефин Џонсон. Девојчето е родено на 21 мај.
„Не можам да поверувам колку си убава и минијатурна. Се чувствувам неверојатна среќа. Сите сме тотално заљубени. Не сум сигурна дали спиев ни минута откако си родена, бидејќи не можам да престанам да гледам колку си прекрасна“, напишала таа.
Двојката веќе има три деца.
„Вилф, Роми и Френк се исклучително воодушевени, особено Роми која очајно сакаше сестра“, напиша сопругата на Џонсон во објавата.
„Животот не може да биде подобар“, додаде таа.
Двојката се венча во мај 2021 година. Нивниот најстар син Вилф е роден во април 2020 година, Роми во декември 2021 година и Френк во јули 2023 година.
Нивната ќерка Попи, за која Кери рече дека е „последниот член на бандата“, е деветтото дете на Борис Џонсон. Со поранешната сопруга Марина Вилер има четири деца, а за време на аферата со уметничкиот консултант Хелен Мекинтајр доби дете во 2009 година.
Забава
Хороскопски знак во кој најчесто се раѓаат луѓе со благородно и љубезно срце

Некои луѓе само зрачат со добрина. Не затоа што сакаат да изгледаат подобри од другите, туку затоа што во нивната природа е да помагаат, разбираат и да бидат потпора кога сè друго ќе почне да се распаѓа.
Не бркаат пофалби, не ги објавуваат своите добри дела и не очекуваат ништо за возврат – најважно им е да знаат дека некому му го олесниле денот.
Ако им веруваме на ѕвездите, постои еден хороскопски знак во кој најчесто се раѓаат луѓе со такво срце. Луѓе кои ве прегрнуваат со поглед, лекуваат со зборови и секогаш имаат простор за уште едно пријателство, уште еден убав гест, уште едно: „Тука сум ако ти требам“.
Риби: Тивките херои на зодијакот
Рибите можеби не се најгласни, најхрабри или најорганизирани, но кога станува збор за топлината на срцето – ретко кој може да им парира. Нивната емпатија е безгранична, а нивната способност да се стават во туѓа кожа е речиси нереална. Рибите сакаат да помагаат, не поради чувство на должност, туку затоа што се искрено исполнети со туѓа среќа.
Ќе ви пратат порака во два часот наутро ако почувствуваат дека сте тажни, ќе купат ситница што ги потсетува на вас, ќе ги слушаат вашите проблеми дури и кога ви е досадно – и никогаш нема да ве обвинат. Во нивниот свет, луѓето не се бројки или случајни минувачи – секој има приказна и секоја приказна им е важна.
Рибите понекогаш можат да заборават на себе затоа што многу се трудат да бидат тука за другите, но токму во оваа несебичност лежи нивната вистинска сила. Тие не потсетуваат дека добрината не е слабост, туку најтивката форма на храброст. И тоа благородништво не бара сцена – туку само отворено срце.
Забава
Eвропски град во кој туристите масовно крадат камени коцки од улиците

Во белгискиот Бриж, еден од најживописните градови во Европа, туристите се предупредени да не земаат камења од неговите историски улици како сувенири.
Градските власти известија дека секој месец исчезнуваат меѓу 50 и 70 коцки од камен од средновековното јадро заштитено од УНЕСКО, а тој број се зголемува за време на шпицот на сезоната. Замената и санирањето на штетата чини околу 200 евра по метар квадратен, изјави локалниот политичар Френки Демон за Си-Ен-Ен.
„Иако некому може да изгледа безопасно или симпатично, последиците се сериозни“, предупреди Демон.
„Отстранувањето на калдрмата претставува јасен безбедносен ризик за жителите и посетителите. Недостасувањето или распуштената калдрма може да предизвика пад, а градските служби мора често да интервенираат за да се поправат.
Тој додаде дека еден насилник дури и засадил цвет на местото каде што го отстранил каменот.
„Имагинативен потег, но покажува недостаток на почит кон нашето заедничко наследство“, рече тој.
„Ние едноставно бараме почит. Шетањето во Бриж значи одење низ вековите на историјата. Тие калдрми не се само камења – тие се дел од душата на нашиот град“, рече Демон.
„Ги покануваме посетителите да уживаат во Бриж, но да ја остават неговата убавина недопрена за другите“.
Како и многу други историски градови, како што се Венеција или Барселона, Бриж со години се обидува да се справи со притисокот на масовниот туризам. Уште во 2019 година, градските власти одлучија да го ограничат бројот на бродови за крстарење што се закотвуваат на блиското пристаниште.
За оние кои сè уште сакаат сувенир од одморот во Белгија, можеби кутија чоколади е подобра идеја од камен од улица.