Забава
Крис Рок повторно ги исмеа Вил Смит и неговата сопруга
Комичарот Крис Рок одржа стендапж-шоу во живо преку „Нетфликс“, а иако не ги воодушеви премногу гледачите со шеги, многу луѓе беа навлечени на еден сегмент од настапот, а тоа е делот кога тој повторно се исмева со Вил Смит и неговата сопруга Џеда Пинкет Смит.
Во еден момент од програмата на „Нетфликс“, со наслов Selective Outrage – прва од претстојните ‘лајф спешл’ емисии во продукција на стримерот – нагласи дека Џеда Пинкет Смит го интервјуирала својот сопруг откако имала секс со пријателот на својот син.
„Секој од нас е изневерен барем еднаш, сите сме доживеале изневерување. Но, никој од нас не бил јавно интервјуиран на телевизија од страна на сопругата по изневерувањето со пријател на нашиот син. Никој од нас“, рече Рок, а потоа продолжи со уште поинтензивен тон.
„Еј, му дадов орален секс на некој друг. Како се чувствуваш со тоа… Мислам дека таа реченица повеќе го боли отколку неговата шлаканица мене“, се пошегува Рок.
Поради ваквите зборови, Рок беше цел на многу корисници на „Твитер“ и повеќето нагласија дека Вил треба повторно да му удри шлаканица.

„’Нетфликс’ повторно се шегува со своите клиенти. Ги откажуваат нашите хит-серии и му плаќаат на Крис Рок само сите да добијат уште еден доказ дека Смит бил во право што му удрил шлаканица“, твитнаа неколку корисници на оваа социјална мрежа.
„Вил Смит ти удира шлаканица пред 16 милиони луѓе, а ти настапуваш во шоу една година подоцна и единствено што можеш да помислиш е да продолжиш да го нарекуваш кучка. Вил Смит – Крис Рок 2:0“, напиша друг.
Десетици други твитнаа: „Тој навистина сака Вил Смит повторно да му удри шлаканица“, „Смит треба повторно да му удри шлаканица на овој човек. Тоа е единственото решение“.

За потсетување, Крис ја спомена Џејда на минатогодишното доделување на „Оскарите“. Вил првично се насмеа од коментарот, но кога ја виде лутата реакција на својата сопруга, тој збесна, излета на сцената и му удри шлаканица на Крис. Кога се врати на своето место, Вил извика: „Не спомнувај го името на мојата сопруга“. Таа шлаканица му донесе десетгодишна забрана да се појави на доделување на златните статуетки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
„Ми делуваше како некој дедо“: Сара Фостер за состанокот со Џорџ Клуни кога имала 19 години
Сара Фостер откри дека во 1990-тите, кога имала 19 години, била на состанок со Џорџ Клуни, но искуството за неа било „многу непријатно“. Состанокот ѝ го договориле Синди Крафорд и нејзиниот сопруг Ренди Гербер.
Во подкастот The World’s First Podcast, Фостер раскажа дека веднаш почувствувала дека состанокот е „тотално не“, додавајќи дека Клуни ѝ изгледал „како дедо“ и дека разликата во години ѝ била многу чудна. Таа истакна дека никогаш не ги разбирала врските меѓу 19-годишни девојки и многу постари мажи.
„Сигурна сум дека Џорџ Клуни е супер човек, но се сеќавам дека сите четворица седевме на маса, а јас во главата си мислев: ‘Сакам да пропаднам во земја.’ Тој ми делуваше како некој ‘дедо’. Навистина ми беше многу непријатно. Бев тотално во лоша состојба“, раскажа таа.
Фостер смета дека ни Клуни не бил особено заинтересиран и дека состанокот бил резултат на добра намера на заедничките пријатели. Подоцна, таа беше во долга врска со тенисерот Томи Хас, со кого има две ќерки. Клуни, пак, е во брак со Амал Клуни од 2014 година и имаат близнаци.
Фото: ЕПА
Забава
Им треба секунда да се налутат: Најексплозивните хороскопски знаци
Според астролозите, постојат хороскопски знаци кои тешко ги контролираат емоциите и можат да „експлодираат“ за миг. Ова се трите најтемпераментни:
Овен
Овните се исклучително импулсивни и често реагираат без многу размислување, особено кога чувствуваат притисок или провокација. Не сакаат чекање и ограничувања, па нивните испади знаат да бидат нагли и бурни. Лутината им е силна, но краткотрајна – брзо се смируваат, како ништо да не се случило.
Лав
Лавовите најсилно реагираат кога се чувствуваат потценети или игнорирани. Нивниот темперамент е тесно поврзан со гордоста и потребата за почит. Лутината ја покажуваат отворено – со глас, гестикулации или директна конфронтација – но доколку добијат признание или извинување, брзо се смируваат.
Шкорпија
Шкорпиите не „експлодираат“ гласно, но нивните реакции се длабоки и интензивни. Најмногу ги погодуваат предавство и неискреност. За разлика од Овенот и Лавот, ним им треба повеќе време да се смират, а нарушената доверба тешко се обновува.
Забава
Кучер со пофалби за поранешната сопруга: Горд сум на неа, растури
Актерот Ештон Кучер ретко зборува јавно за својата поранешна сопруга Деми Мур, но овојпат направи исклучок и јавно ја пофали нејзината работа.
Промовирајќи ја својата нова серија The Beauty, Кучер во интервју за Entertainment Tonight се осврна на филмот The Substance („Супстанца“) од 2024 година, во кој глуми Мур.
„Нејзината улога во Супстанца доби исклучителни пофалби и навистина сум многу горд на неа – растури“, изјави Кучер.
Мур и Кучер започнаа врска во 2003 година, се венчаа во 2005, а за разделбата информираа во 2011 година. Разводот беше финализиран околу две години подоцна. Иако Мур во мемоарите Inside Out наведе дека Кучер ѝ бил неверен, актерот во 2020 година изјави дека меѓу нив „нема зла крв“.
Кучер додаде дека не се дружат, но дека останал во контакт со ќерките на Мур од бракот со Брус Вилис, нагласувајќи дека има голема љубов и почит кон нив.

