Забава
Кучката на Обама касна гостинка во Белата куќа

Крв протекла во понеделникот во Белата куќа, кучката Сани на претседателското семејство Обама каснала млада гостинка која веројатно трајно ќе носи лузна којашто ќе ја потсетува на таа средба, објави во четвртокот порталот таблоид TMZ.
Осумнаесетгодишната девојка сакала да го погали песот, но Сани ја каснала за образот, објави таблоидот кој е специјализиран за скандалите и инцидентите од животите на славните и јавните личности.
Семејниот лекар Рони Џексон оценил дека раната од каснувањето треба да биде санирана се неколку шевови. Изворите на таблоидот рекле дека и по зараснувањето, на лицето на девојката сепак ќе остане мала лузна.
Семејството Обама има два песа кои припаѓаат на расата португалски водени кучиња, инаку многу неагресивна раса. Покрај четиригодишната Сани, во Белата куќа живее и Бо, којашто е со семејството по победата на Барак Обама изборите во 2008 година.
Белата куќа не соопшти дали Сани, можеби е вознемирена поради скорешното преселување, саркастично забележува порталот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Кревањето тегови игра голема улога во процесот на слабеење: ги согорува мастите и ги зајакнува коските

Популарноста на кревањето тегови се зголемува, а поради неговата ефикасност, овој вид на вежбање се смета за еден од најздравите кои придонесуваат за брзо слабеење.
Кревањето тегови ги согорува мастите, а исто така придонесува за намалување на крвниот притисок, холестеролот, стабилизирање на шеќерот во крвта, зајакнување на коските, силата и брзината, а помага и за намалување на поткожното масно ткиво и зголемување на мускулната маса.
Доколку сакате да ослабете додека правите вежби со тежина, корисно е движењата да ги изведувате од почеток до крај и да не ги прекинувате нагло.
Дополнително, треба да ги дефинирате вежбите и бројот на серии со кои со текот на времето ќе го зголемувате бројот на повторувања и тежината на теговите, а корисно е да правите кратки паузи помеѓу сериите.
Се советува да не претерувате со тежината.
Ако вашата цел е да го намалите вишокот килограми, корисно е да знаете дека континуитетот е поважен од тежината на тегови.
Кревањето тегови го забрзува метаболизмот и согорува калории, бидејќи мускулите бараат повеќе калории за одржување на нормалната телесна тежина отколку маснотиите.
За да ја изберете идеалната тежина за вашите тегови, препорачливо е да изберете тежина што можете да ја кренете 20 пати. Кога ја изведувате оваа вежба, важно е да го предизвикате вашето тело, но во рамките на вашите можности.
Според тоа, корисно е да се постават умерени, но остварливи цели.
Ако вашата цел е да изгубите тежина додека градите мускули, треба да ја прилагодите вашата исхрана.
Треба да се храните здраво, да јадете доволно протеини, зеленчук и овошје. Намалете го внесот на масна храна и висококалорична храна.
Се препорачува да пиете само вода или незасладени пијалоци, а избегнувајте енергетски пијалоци кои се богати со шеќер.
Забава
Шакира го коментираше раскинувањето со Пике: Тоа е рана која никогаш нема да зарасне

Колумбиската пејачка Шакира го коментираше раскинувањето со фудбалерот Жерар Пике во неодамнешното интервју за мексиканскиот канал N+.
„Процесите на заздравување траат многу години. Научив дека можете да чувствувате радост додека истовремено носите болка – додека живеете со рана што нема да зарасне. Тоа е како кога сте на забава и ве болат нозете, но сепак продолжувате да танцувате“, вели таа.
„Имаше моменти кога се чувствував мала и безвредна. Тогаш ви помагаат пријателите, семејството и вистинските луѓе – ве потсетуваат на вашата вредност и дека сте способни за повеќе отколку што мислите”, додала Шакира.
Пејачката и фудбалерот се запознале во 2010 година додека ја снимале нејзината песна Waka Waka, химна на тогашното Светско првенство. Тие ја потврдија врската една година подоцна. Првиот син го добија во 2013 година, а вториот во 2015 година.
Седум години подоцна ја изненадија јавноста објавувајќи го нивното раскинување, додека траеја гласините дека поранешниот фудбалер бил неверен.
Забава
(Видео) Наводната љубовница на Дејвид Бекам: Сакам да ја почувствува болката што ми ја предизвика

Ребека Лос повторно проговори за нејзината наводна афера со Дејвид Бекам. Таа во 60 Minutes Australia изјави дека отсекогаш ја кажувала вистината за наводната афера, за која се вели дека се случила на почетокот на 2000-тите.
„Мислам дека беше потребна голема храброст за да се спротивставам на нив (Дејвид и Викторија). Отсекогаш се држев до вистината, никогаш не сум претерувала, никогаш не сум лажела за ниту еден детал. Зошто? Затоа што се борам со најмоќната двојка во медиумите кои ги имаат сите пари на светот за најдобрите ПР експерти и адвокати, а единствено што јас имам е вистината“.
Таа истакна дека за сè првпат проговорила во 2004 година, бидејќи сметала дека е „подобро овие приказни да потекнуваат од неа“.
„Тоа беше речиси начин да му се одмаздам… начинот на кој се однесуваше со мене не беше воопшто фер, се извлекуваше со се, водеше двоен живот. Знаев колку му значи неговиот имиџ. Сакав и тој да почувствува малку болка“, додала таа, нагласувајќи дека и е жал за Викторија.
Аферата наводно се случила додека Бекам настапувал за шпанскиот клуб Реал Мадрид. Поранешниот модел во едно интервју во 2004 година тврдеше дека имале афера зад грбот на неговата сопруга Викторија, но фудбалерот негираше и продолжи со животот.