Забава
Лекарите предупредуваат за вистинската состојба на Брус Вилис: „Повеќе не покажува емоции“

Поранешната сопруга на Брус Вилис, Деми Мур, минатата недела објави нови фотографии од актерот за неговиот роденден. Но, се чини дека тие предизвикаа загриженост кај неколку лекари, кои веруваат дека фотографиите не ја одразуваат неговата вистинска состојба.
„Трагично за мене е тоа што овие фотографии на Инстаграм се само навидум нормални. Тоа е вистинската трагедија на ситуацијата на Брус. Оваа болест, не влијае на надворешниот изглед. Таа е предизвикана од она што се случува внатре во телото”, истакна д-р. Стјуарт Фишер за Дејли Меил.
Уште неколку лекари, кои не се во медицинскиот тим на Брус, веруваат дека актерот има „маскиран израз на лицето“ на фотографиите и дека повеќе „не покажува емоции“. Тие исто така изјавија дека Брус гледа на страна на речиси секоја фотографија и сето тоа го поврзаа со фронтотемпоралната деменција која му беше дијагностицирана во 2023 година.
За потсетување, Брус Вилис ретко се појавуваше во јавноста од 2022 година. Тогаш прво му беше дијагностицирана афазија, нарушување на говорот, кое подоцна премина во фронтотемпорална деменција. Неговата сопруга Ема често зборува за оваа дијагноза на својот Инстаграм.
Неговата ќерка Талула Вилис еднаш рече дека Брус „се чувствува на ист начин, што е добро во неговата ситуација“. „Нашите посети имаат толку многу љубов и мислам дека тоа надминува сè“, додаде таа.
Иако состојбата на Брус е тешка за целото семејство, Талула вели дека „создаде можност за повеќе љубов“ меѓу нив.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.