Поминаа речиси 30 години откога една од најголемите ѕвезди на латино-музичката сцена, Селена Кинтанила Перез, беше брутално убиена кога кон неа пукаше Јоландa Салдивар. Тоа се случи во март 1995 година кога таа имаше 23 години. Во тоа време ја носеше титулата кралица на тејано-музиката, имаше толпа обожаватели и серија закажани концерти со својот бенд „Лос Динос“.

Многумина ја нарекуваа мексиканската Мадона и уште од раното детство веруваа дека ќе има одлична кариера. На осум години го имаше првиот концерт, а поради многубројните настапи, не отиде во средно училиште, но успеа да го направи тоа попатно. На 18-годишна возраст го издаде својот деби-албум „Селена“, кој стана хит, а објави уште четири достигнувајќи го врвот на својата слава на 23-годишна возраст.

Неодамна на филмскиот фестивал „Санденс“ беше прикажан документарниот филм Selena Y Los Dinos, кој го истражува животот на Селена и ги пренесува приказните на најблиските, кои ја познавале најдобро – нејзиното семејство. Филмот го режира Изабел Кастро.

Филмот го следи претходно снимениот материјал за животот на Селена вклучувајќи го документарниот филм Selena Remembered од 1997 година, биографскиот филм „Селена“ од 1997 година, со Џенифер Лопез во главната улога, и драмата во два дела на „Нетфликс“ од 2020 годинa.

Исто така, филмот ги вклучува и нејзините музички и криминалистички емисии снимени за нејзиниот случај. Ова е првиот филм во кој учествувале членови на нејзиното семејство и содржи досега невиден архивски материјал. Особено трогателни моменти се старите интервјуа на Селена, во кои таа зборува за својата амбиција, кариера, а особено она во кое кажува како би сакала да ја паметат.

Приказната е хронолошки подредена и го прикажува подемот на пејачката родена во Тексас, од пеење на традиционалните роденденски забави во Латинска Америка до хит-песни и распродадени стадионски концерти. Прикажани се нејзините проби, раните свирки, зголемениот медиумски интерес за неа, договорот за снимање и настапите во живо.

Во филмот се појавуваат и татко ѝ Абрахам, братот Абрахам Јуниор, гитарист, текстописец и продуцент, и сестра ѝ Сузет, тапанар на бендот „Лос Динос“. Сите тие зборуваа за нивната блиска врска со Селена и за нејзиниот успех.

Сопругот на Селена и поранешен колега од бендот, Крис Перез, со кого таа беше во брак од 1992 до 1995 година, откри некои други страни на пејачката – импулсивна, романтична и тврдоглава, која постојано беше во судир со студената моќна жена, која ја имаше власта над публиката, музичките директори и новинари, пренесува „Холивуд репортер“.

Премиерата на филмот е закажана на 30 јануари, а ќе биде достапен на онлајн-платформата на „Санденс“ од 30 јануари до 2 февруари 2025 година.

Многумина ја сметаа за икона за убавина, а освен што заработуваше од музика и манекенство, Селена дизајнира и облека и отвораше бутици со сопствена линија на облека.

Јоланда Салдивар била една од нејзините пријателки, која Селена ја вработила како менаџер на бутик и оттука почнале проблемите.

Вработените ги предупредиле Селена и татко ѝ Абрахам дека Јоланда е проблематична.

Селена слепо ѝ верувала и ја унапредила. Таа стана претседателка на фан-клубот „Селена“. Во 1995 година обожавателите му се јавија на таткото на Селена и се пожалија дека не добиле ништо иако платиле членство. Абрахам истражувал и дознал дека Јоланда краде.

Дури тогаш Селена им поверувала на вработените и се соочила со Јоланда во мотелот. Тие се расправаа за финансиите, а Јоланда извади пиштол од чантата и ја застрела Селена во грбот додека излегуваше од собата. Селена успеала да стигне до рецепцијата и рекла дека Јоланда пукала во неа, а иако итната помош во градот Корпус Кристи во Тексас бргу пристигнала на местото на злосторството, пејачката не ја преживеала операцијата во болница и починала еден и пол час по застрелувањето.

На Јоланда ѝ се судеше за убиство, иако таа и нејзиниот адвокат тврдеа дека сето тоа било несреќен случај и дека сакала да се самоубие, а не да убие. Таа моментно ја издржува казната во затвор во Тексас, а оваа година имала право на условно ослободување.

Правната битка помеѓу Џастин Балдони и Блејк Лајвли ќе се одржи на 9 март 2026 година, објави „Пипл“. Ова го одлучи њујоршкиот судија Луис Џеј Лиман, откако Балдони и Лајвли се тужеа меѓусебно поради наводи за сексуално вознемирување, клевета, граѓански престапи и други повреди.

Лајвли поднесе голема тужба против нејзиниот колега од филмот „Тоа завршува со нас“ и режисер, Балдони.

Во таа правна постапка, таа го обвини Балдони за сексуално вознемирување и тврдеше дека тој и неговиот тим смислиле план за „да ја уништат нејзината репутација“. После тоа, на почетокот на новата година, Лајвли поднесе уште една тужба против Балдони, овој пат за „тешка и сериозна емоционална вознемиреност“.

Тимот на Балдони возврати со противтужба и побара од Лајвли 400 милиони долари, наведувајќи ги наводите за граѓанска клевета, клевета, лажно претставување и нарушување на приватноста.

Чувството за хумор често е клучно за градење врски, за ублажување на напнатоста и создавање пријатна атмосфера. Но, има луѓе кои едноставно не одговараат на шеги, не го разбираат сарказамот, па дури и сметаат дека е несоодветен.

Таквиот недостаток може да биде резултат на нивната личност, животни искуства или моментално расположение. Според астролозите, одредени знаци се премногу сериозни и немаат добра смисла за хумор. Во продолжение ви откриваме кои се знаците.

Јарец
Јарците се познати по својата сериозност и посветеност на целите. Нивниот фокус на работата и обврските често ги спречува да се опуштат и да уживаат во хуморот. Тие понекогаш ги доживуваат шегите како непотребно губење време, а сарказмот може да им избега.

Девица
Девиците се перфекционисти кои сакаат сè да има смисла, вклучително и хуморот. Шегите кои се несериозни или бесмислени често ќе ги остават рамнодушни. Нивната сериозна природа ги прави одлични соговорници, но не и нужно забавно друштво.

Бик
Биковите често се фокусирани на практичните аспекти од животот, па хуморот не е високо на нивната листа на приоритети. Нивниот мирен и стабилен карактер понекогаш може да се толкува како досаден, а нивната неподготвеност да се вклучат во духовити дискусии може да остави впечаток на недостаток на смисла за хумор. Сепак, во опуштена средина можат да бидат забавни, но на свој начин.

Рак
На Раковите им е поважна емоционалната сигурност отколку хуморот. Иако се сочувствителни и често сакаат да ги насмеат другите за да создадат пријатна атмосфера, тие не се склони кон шеги кои би можеле да повредат некого. Нивната смисла за хумор е често поврзана со нивната емоционална состојба, што значи дека нема да одговараат на шеги ако се чувствуваат навредени.