Забава
Мадс Микелсен е многу подобар од Џони Деп како Гриндевалд, велат критичарите

Иако „Фантастични ѕверки: Тајните на Дамблдор“ заработи средни рецензии (на веб-страницата „Ротен томатос“ има оценка 59%), речиси секој професионален критичар се согласува дека Мадс Микелсен е огромно подобрување во однос на Џони Деп во улогата на злобниот волшебник Гринделвалд.
Деп го играше ликот во „Фантастични ѕверки: Злосторствата на Гринделвалд“, но беше отстранет од новиот филм. „Ворнер Брос“ побара од него да го напушти филмот откако го загуби судскиот спор за клевета против британскиот весник „Сан“, кој го нарече тепач на жена во статија за неговиот бурен брак со поранешната сопруга Амбер Херд.
Микелсен беше доведен на местото на Деп. Преземајќи ја улогата на Гелерт Гринделвалд, данскиот актер стана главниот антагонист на серијалот „Фантастични ѕверови“.
Претходно, во интервју за неделникот Entertainment Weekly, тој нагласи дека преземањето на улогата од Деп „е незгодно бидејќи мора да постои мост помеѓу она што го направи Џони и она што јас ќе го направам. И во исто време, мора да го направам и мое“.
Се чини дека критичарите го фаворизираат Микелсен во улогата многу повеќе отколку Деп.
„Микелсен се провлекува во улогата на Гринделвалд толку природно што е лесно да се заборави дека Деп некогаш ја одиграл улогата“, пишува Кирстен Акуна од „Инсајдер“. „Со Деп, не можев да разберам зошто некој би сакал да следи волшебник кој комично изгледаше како уште еден бизарен изум од актерскиот синџир на ексцентрични ликови што ги играше низ годините. Спротивно на тоа, Микелсен го глуми Гринделвалд со угладена, шармантна харизма што ве убедува зошто некој би бил заведен од овој примамлив, убав волшебник и би бил навлечен да води војна за него“.
Питер Бредшо од „Гардијан“ напиша во својата рецензија дека Микелсен дава посуптилна и поподмолна изведба од онаа на Деп, додека Роби Кален од „Телеграф“ тврди дека изведбата на Микелсен докажува дека тој требало да биде избран од самиот почеток наместо Деп.
Керолин Мекгин од Time Out пишува дека Микелсен прави фантастично злобна замена за Џони Деп. Томрис Лафли од AV Club го опиша како „динамична алтернатива на камената фасада на Деп“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Чарли Шин: Користев толку дрога што и мексиканскиот картел ми кажа доста

Чарли Шин (60), некогаш најплатениот актер на американската телевизија, се врати во центарот на вниманието по шокантното интервју за австралиската емисија „60 минути“. Таму, додека ја промовираше својата автобиографија „Книгата за Шин“ и документарецот на Нетфликс, тој отворено зборуваше за најтемните моменти од своето минато.
Шин откри дека во времето кога неговата зависност била на врвот, дури и останал без дрога бидејќи мексиканскиот картел престанал да го снабдува.
„Никогаш не виделе некој да зема толку многу. Мислеа дека препродавам на страна, па едноставно ме исклучија“, рече актерот, изненадувајќи ја дури и новинарката Амелија Адамс.
За време на интервјуто, тој се осврна и на гласините дека испушил седум грама крек кокаин за една ноќ. „Не го измеривме точно, но да, толку беше подготвено. Во еден момент реков: „Ќе ни треба поголемо луле“. Сега ми е смешно, но во исто време знам дека имав среќа што останав жив“, призна Шин.
Да потсетиме, Шин со години беше ѕвезда во хит серијата „Два и пол мажи“, за која заработуваше дури 1,8 милиони долари по епизода.
Сепак, по низа јавни испади и судири со продуцентот Чак Лори, тој беше отпуштен од серијата во 2011 година. Денес тој признава дека се кае за тоа. „Беше период на премногу лични проблеми – развод по развод, борба против зависноста, а во исто време се обидував да бидам присутен татко на моите деца. Не знаев како да се справам со сè“, рече Шин, кој има четири деца.
фото: принтскрин
Забава
Надпросечно интелигентните луѓе прават 5 работи поинаку од другите

Не е потребно да се знае нечиј коефициент на интелигенција за да се заклучи дека е натпросечно интелигентен.
Надпросечно интелигентните луѓе ќе ги препознаеме по пет работи што ги прават поинаку од другите. Меѓу другото, нивната карактеристика е што не веруваат во сè што ќе чујат и не воздигнуваат никого на небото.
1. Тие ги доведуваат во прашање прифатените мислења и верувања
Интелигентните луѓе не веруваат во сè што ќе чујат. Тие ги доведуваат во прашање традицијата, верувањата, етичките норми, целиот систем во кој живееме – сè што постои. Тие не земаат ништо здраво за готово и не ја следат толпата, туку критички размислуваат за сè и темелно истражуваат пред да го формираат своето мислење.
Надпросечно интелигентните луѓе можат да прогледаат низ лагите и не дозволуваат другите да си играат со нив или да ги туркаат во ќош. Принципите што се претставени како неоспорна вистина не им значат ништо – тие го имаат мислењето што сакаат да го имаат и го следат својот пат во животот.
2. Тие не воздигнуваат никого на небото
Луѓето со надпросечен коефициент на интелигенција ретко имаат идоли и ретко бараат некој да ги води низ животот. Тие разбираат дека можеме да научиме нешто од секоја личност во животот, но исто така разбираат дека никој не знае сè.
Никој ги нема сите одговори, па затоа луѓето со натпросечна интелигенција не се угледуваат на никого. Тие се сметаат себеси за свој личен гуру, кој има доволно мудрост и сила да се справи со секоја ситуација.
3. Тие постојано бараат ново знаење
Луѓето со висок коефициент на интелигенција никогаш не се задоволни од она што го знаат – тие секогаш копнеат по ново знаење и искуства. Тие уживаат во проширување на својот ум и вклучување во интелигентни разговори секогаш кога имаат можност.
Интелигентните луѓе се фасцинирани и зависни од знаењето, тие не се задоволни од она што го научиле, бидејќи не сакаат нивниот ум да стагнира. Тие разбираат дека знаењето е моќ и сакаат да се вооружат со што е можно повеќе ментална муниција.
4. Ги претвораат своите мисли во дела
Надпросечните интелигентни луѓе знаат дека мислите и идеите не значат ништо без акција. Ако сакаат да постигнат нешто во животот, тие разбираат дека она што го знаат мора да се примени во конкретни дела. Вашите мисли се бескорисни ако не ги споделите со другите и ако не ги користите за да придонесете кон светот, па затоа интелигентните луѓе секогаш бараат начини да го применат своето знаење.
Тие нема да дозволат ништо да им застане на патот да го користат своето знаење за да го променат светот на подобро. Тие наоѓаат големо задоволство во смислувањето нови планови за да ги постигнат своите цели.
5. Тие ја знаат вредноста на времето поминато сами, во тишина
Повеќе од сè, луѓето со висок коефициент на интелигенција ја знаат вредноста на времето поминато сами, во тишина. Светот е толку брз што се чини дека не става акцент на „битието“. Сите ние мора да дејствуваме, да работиме, да произведуваме, да се движиме, да заработуваме. Не поминуваме доволно време размислувајќи, чувствувајќи, сакајќи…
Затоа натпросечно интелигентните луѓе поминуваат што е можно повеќе време со себе и со своите мисли, бидејќи знаат колку е важно да се погледне длабоко во себе за да се најдат одговори. Дури и ако не бараат одговори во тој момент, тие сепак се свесни за важноста на времето поминато сами, подалеку од бучавата што нè опкружува, бидејќи тоа помага и во ублажување на стресот и регенерирање на умот, телото и душата.
фото: принтскрин
Забава
(Фото) Откако ослабе 20 килограми, таа го рекреираше својот младешки стил

Не толку одамна, Кристина Агилера одлучи да ги почасти своите бројни обожаватели со концерт во Сан Франциско.
Покрај нејзините неверојатни вокални способности, кои го красат нејзиното име со години, 44-годишната пејачка одлучи да ја разбуди имагинацијата и да ја потсети својата лојална публика на нејзината секси ера.
Имено, за оваа пригода таа одлучи да носи црн кожен костим со синџири и монистра, а на својот стил додаде сиви кожни панталони кои совршено се вклопуваат со остатокот од облеката.
Овој костим многумина ги потсети на таа далечна 2002 година кога Кристина се појави во слични модни парчиња на доделувањето на наградите MTV Europe.
Таа тогаш носеше и костим – но направен од црна чипка и црни кожни панталони.
Christina Aguilera, 44, recreates her iconic Dirrty look as she takes to the stage in chaps and a leather bodysuit 23 years on from song's release https://t.co/Ey8fwKqGwK
— Daily Mail US (@Daily_MailUS) September 22, 2025
Се чини дека нејзиното драстично губење на тежината, дури 20 килограми, ја потсети на нејзината секси ера, и затоа сакаше повторно да го носи својот заводлив костим.
фото: принтскрин