Забава
Мажите родени во четири хороскопски знаци се најромантични
Романтиката често се манифестира во деталите, а романтичните мажи се издвојуваат по вниманието кон партнерките.
Нивната способност да создаваат посебни моменти и да покажуваат љубов преку нежност ги прави неодоливи во очите на своите најблиски. Мажите родени под овие хороскопски знаци се најголемите романтичари.
1. Рак
Раковите се вистински сонувачи и емотивни луѓе. Нивната чувствителна природа ги прави исклучително внимателни кон своите партнери. Романтиката им е во крвта затоа што се подготвени да вложат многу труд за да ја усреќат својата сакана. Од романтични вечери со свеќи до прошетки под ѕвездите, Раковите знаат како да создадат магична атмосфера што ќе ги стопи и најстудените срца.
2. Риба
Рибите се вистински уметници на љубовта. Нивната имагинативна природа ги прави врвни романтичари, способни да создаваат чуда во светот на љубовта. Нивната емпатија им овозможува длабоко да се поврзат со партнерот и интуитивно да знаат што ги прави среќни. Рибите често ќе ги изненадуваат своите сакани со креативни љубовни гестови кои ги оставаат без здив.
3. Вага
Вагите се вистински љубители на љубовта, секогаш подготвени да се потрудат да одржат хармонија во нивните врски. Нивниот естетски сензибилитет ги прави мајстори на романтиката бидејќи имаат тенденција да создаваат елегантни и романтични моменти. Од цвеќиња, до танцување под ѕвездите, Вагите знаат како да ги освојат срцата на своите партнери на неверојатни начини.
4. Бик
Биковите се познати по својата страствена природа, а таа страст се протега и на нивниот љубовен живот. Тие се многу практични, но во исто време и многу внимателни кон своите партнери. Бикот на својата сакана ќе и пружи чувство на сигурност и стабилност, но истовремено ќе се обиде да ја изненади со романтични гестови кои ќе им останат во сеќавање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.