Забава
Марија Шерифовиќ го однесе синот на првото летување

Пејачката и член на жирито на „Ѕвездите на Гранд“, Марија Шерифовиќ, замина на првиот заеднички одмор со својот син Марио, а во својот нов блог ги опиша сите детали од патувањето.
Бидејќи детето веќе летало со авион кога преминувале од Америка во Србија, Марија овој пат била помалку исплашена и, се разбира, сè поминало како што треба.
Заминаа во Црна Гора, но не беа сами. Со нив отишле дадилката и стоматологот на пејачката.
„Единствено што ми треба, освен Марио и неговата дадилка, е мојот стоматолог, ако ми испаднат протезите, да не се враќам во Белград“, изјави Марија Шерифовиќ.
На одморот им се придружи и пејачката Јована Пајиќ, а Марија и нејзините пријатели уживаат на одморот во пливање, сончање и гледање фудбалски натпревари.
Таа во својот блог го покажа луксузот во кој уживаат, а во хотелскиот апартман имаа посебен кревет за Марио.
„Решивме да го однесеме Марио на плажа многу рано или доцна попладне, но тој ја откри магијата на водата, па ќе биде тешко да го извадиме од морето“, изјави Марија.
Марија Шерифовиќ го доби синот Марио со помош на сурогат-мајка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Џеј Ло настапи во Абу Даби во леопард комбинезон, снимката има 16 милиони прегледи

Џенифер Лопез одржа два големи концерти во Абу Даби на 20 и 21 февруари, а клип од настапот што го сподели на Инстаграм и ТикТок собра повеќе од 16 милиони прегледи за помалку од 24 часа.
Џеј Ло веќе некое време немаше настапи, но неодамна направи исклучок со настапот во Дубаи на отворањето на луксузен хотел. Потоа следеа два распродадени концерти во Абу Даби, а снимките од тие настапи брзо ги преплавија социјалните мрежи.
Забава
Блејк Лајвли за насловната страница на „Холивуд Репортер“: Срамна и сексистичка

Блејк Лајвли, кој е во правен спор со Џастин Балдони поради наводите за сексуално вознемирување на снимањето на филмот It Ends With Us, остро го критикуваше таблоидот „Холивуд Репортер“ за начинот на кој го објави случајот.
На актерката не и се допадна како „Холивуд Репортер“ го покрива правниот процес меѓу неа и Балдони. Овој таблоид објави фотографија од Лајвли на насловната страница на која се гледа како таа го фрла мобилниот телефон додека околу неа се прикажуваат пеперутки.
„Холивуд репортер треба да се срами. Оваа фотографија е крајно навредлива затоа што се потпира на сексистички стереотипи за жените кои се осмелуваат да пријават недолично однесување на работното место, прикажувајќи ги како агресори и сугерирајќи дека заслужуваат одмазда. Понатаму, написот е крајно проблематичен затоа што се обидува да ги оправда документираните случаи на сексуално вознемирување и одмазди нарекувајќи ги културни недоразбирања“, напиша актерката.
Блејк првично го обвини Балдони за сексуално вознемирување и обид да ја „уништи“ нејзината репутација во жалбата до Одделот за граѓански права во Калифорнија. Во изменетата тужба сега стои дека однесувањето на актерот предизвикало непријатност кај другите жени на филмскиот сет.
Балдони потоа поднесе противтужба против Блејк и Рајан Рејнолдс, барајќи отштета од 400 милиони долари. Адвокатите на Блејк ова го нарекоа „уште едно поглавје во книгата на насилникот“, што адвокатот на Балдони го смета за „глупост“.
Забава
Тони Цетински: Мојот официјален профил на Инстаграм беше хакиран

Хрватскиот пејач Тони Цетински вели дека некој му го хакирал профилот на Инстаграм.
„ВАЖНО! Мојот официјален профил на Инстаграм е хакиран и одземен. Правиме се што можеме за да го вратиме“, напиша 55-годишниот пејач предупредувајќи ги своите следбеници.