Забава
Мајкл Шин ја повикa Велика Британија да ги користи хотелите како засолништа додека трае изолацијата поради Ковид-19

Холивудскиот актер и активист Мајкл Шин ја повика британската влада да ги претвори празните хотели во засолништа за лица што бегаат од насилство дома додека трае карантинот против ширење на коронавирусот и предупреди дека ќе има драматично зголемување на семејното насилство.
Велшкиот актер, познат по своите улоги во фантастичната сага „Самрак“, како и во „Никсон и Фрост“ – филм номиниран за „Оскар“, во кој Шин го игра новинарот Дејвид Фрост – рече дека засолништата во Велика Британија се веќе преполни во шестиот ден од изолацијата, во која е ставена земјата.
„Во овие тешки времиња има тенденција на драматичен раст на случаите на семејно насилство“, вели Шин во видеото на „Твитер“, а ја повикува владата да обезбеди клучно финансирање за да може службите да одговорат на зголемениот притисок“.
„Според евиденцијата од други земји во периодот на изолација, пријавените случаи на насилнички постапки и семејно насилство се зголемиле 30, 40, па дури и до 50 проценти во некои случаи“, вели Шин.
Британија минатата недела им се придружи на Италија, Шпанија, Франција и други земји, кои им наредија на граѓаните да останат дома за да го спречат ширењето на вирусот Ковид-19, кој уби повеќе од 30.000 луѓе во светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Секогаш знаат што да кажат: три знаци кои се истакнуваат во комуникацијата

Без разлика дали се работи за утешни зборови, брилијантни расправии или шармантни забелешки, комуникацијата им е лесна. Астрологијата ни открива кои хороскопски знаци се родени со најдобри комуникациски вештини, кои секогаш знаат како да го освојат вниманието и срцата на своите соговорници.
Близнаци
Близнаците се познати по вештата комуникација. Нивниот ум е брз, а јазикот уште побрз. Без разлика на темата, тие секогаш имаат нешто интересно да кажат. Тие сакаат дијалог, љубопитни се и постојано бараат нови информации за споделување со другите.
Нивниот шарм лежи во нивната способност да се прилагодат на секоја личност и ситуација, поради што многумина ги сметаат за идеални соговорници. Во разговорот тие се духовити, елоквентни и речиси никогаш не остануваат без зборови.
Вага
Вагите се мајстори во дипломатијата и знаат да ги изберат вистинските зборови во секој момент. Тие не само што знаат да комуницираат, туку и да слушаат, што ги прави одлични соговорници. Нивниот стил на изразување е мирен, одмерен и често проткаен со допир на елеганција.
Вагите сакаат рамнотежа и хармонија, па избегнуваат конфликтни тонови и знаат како да ги намалат тензиите во комуникацијата. Нивните зборови имаат моќ да ги помират, инспирираат и поврзуваат луѓето.
Лав
Иако многумина ги доживуваат како доминантни и театрални, Лавовите се всушност многу вешти говорници. Нивната комуникација е страсна, искрена и полна со самодоверба. Кога Лавовите зборуваат, сите слушаат, не затоа што мораат, туку затоа што сакаат.
Нивната харизма доаѓа до израз кога го искажуваат своето мислење или држат мотивациони говори. Тие знаат што да кажат за да го подигнат духот, да дадат поддршка или едноставно да ги насмеат сите околу нив.
Забава
(Фото) Иванка Трамп во најкраткиот фустан досега: сите гледаа во нејзините нозе

Иванка Трамп уште еднаш ја изненади јавноста со својата комбинација на облека која ги истакна нејзините долги нозе.
Иванка Трамп, ќерката на актуелниот американски претседател Доналд Трамп, важи за дама со стил. Секогаш кога ќе се појави во јавноста, таа претставува интересна облека во склад со актуелните модни трендови.
Ivanka Trump wears white-hot minidress in Miami https://t.co/udc1NNLaxo pic.twitter.com/GrSRUJSALB
— Page Six (@PageSix) March 31, 2025
Така беше овој пат.
Иванка е фотографирана со семејството, каде, според пишувањата на странските медиуми, имале закажана вечера во ресторанот „Папи стек“ во Мајами.
Ќерката на Трамп за оваа пригода избрала едноставен мини фустан кој ја истакнува нејзината витка линија, но и нешто друго.
Може да се каже дека долгите нозе беа централниот мотив на фотографиите и дека тие го привлекоа вниманието на папараците.
На Иванка не и пречеа погледите на фотографите, таа само ги поздрави со насмевка.
Забава
Се јаде само три дена: витамински оброк за рамен стомак

Дали сакате вашиот стомак да биде помал, половината потенка и телото да нема масни наслаги? Тогаш овој рецепт е идеалното решение за вас.
Оваа витаминска бомба ќе направи чуда за вашиот стомак, и внатре и надвор. Трикот е во тоа што ќе ги исчисти мастите, наслагите и сите остатоци од вашите црева, па надуеноста ќе исчезне и ќе изгледате многу послабо за само три дена.
Секако, важно е да не се прејадувате во текот на денот и да не јадете индустриски слатки најмалку три дена и да пиете најмалку два литра вода дневно.
Потребно е:
– зелка, две цвекла, два моркови, сок од лимон, пет лажици маслиново масло
Подготовка:
Изрендајте ја зелката, цвеклото и морковот. Додадете неколку зачини по избор, магдонос или целер, па измешајте го зеленчукот, исцедете ја течноста и прелијте ја салатата со сок од еден лимон.
На крајот додадете маслиново масло и вашиот витамински оброк е готов.
Многу е важно никогаш да не додавате сол во салатата. Јадете секоја вечер најмалку три часа пред спиење, најмалку три дена и ќе забележите одлични резултати.
Оваа салата ќе го ревитализира вашето тело поради состојките богати со витамини, минерали, влакна и пектин, кои ќе ве заситат, ќе ви дадат енергија, ќе го подобрат варењето и ќе ги регулираат цревните проблеми.
Доколку ви се допаѓа, можете да продолжите да ја јадете оваа салата во следните денови, но по седум дена направете пауза.