Забава
Меган Маркл: Работам од 13 години, животот не беше лесен

Меган Маркл сака да ги потсети своите критичари дека нејзиниот живот не бил отсекогаш лесен. Во интервјуто за „Њујорк тајмс“, кое беше објавено на 2 април, а направено во нејзиниот дом во Монтесито, војвотката од Сасекс се осврна на коментарите дека обичните луѓе не може да се поврзат со неа. Покажувајќи кон својата куќа, таа праша: „Зарем не знаат дека мојот живот отсекогаш не бил ваков?“
Критиките кон Меган, која ги има синот Арчи (5) и ќерката Лилибет (3) со принцот Хари, се интензивираа по премиерата на нејзината нова серија на „Нетфликс“, „Со љубов, Меган“, во која таа споделува совети за готвење, изработка и организирање собири.
Кога новинарката на „Тајмс“, Џулија Москин, ја предупреди за критиките од некои гледачи, кои приговараа дека садовите за готвење Le Creuset што ги користи во шоуто се прескапи, Меган изненадено праша: „Ова е темата, во 2025 година?“ Таа потоа се сврте кон мајка си Дорија Рагланд, која коментира: „Сите се лути поради нешто денес“.
Што се однесува до причините за почнување на серијата, која три дена по премиерата, доби зелено светло за втора сезона, Меган објасни дека работела од 13-годишна возраст до средбата со Хари во 2016 година по што престанала да глуми и го затворила својот популарен блог за животен стил The Tig.
„Морам да работам и сакам да работам“, истакна Меган. „Ова е начин да го комбинирам мојот семеен живот со работата“. Таа исто така искрено зборуваше за предизвиците на лансирањето на нејзината нова бренд-линија As Ever, која првично беше наречена American Riviera Orchard.
„Имаше многу пресврти, дури и со името“, рече таа во интервјуто за списанието „Пипл“, објавено на 3 март. „Сето тоа го решавав тековно. Неверојатно сум им благодарна на сите што ми дадоа простор да правам грешки и да учам“, продолжи Меган, „и да бидам нежна со себе во текот на овој процес. Тоа е процес на учење“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) „Неверојатно е дека има 44 години“ – Златан Ибрахимовиќ со видео од сауна ги воодушеви обожавателите

Поранешниот фудбалер Златан Ибрахимовиќ повторно привлече внимание со видео објавено на социјалните мрежи. Тој се сними во сауна сместена во природа, носејќи само долна облека и гледајќи кон пејзажот, а снимката за помалку од едно деноноќие собра над 140 илјади лајкови.
Во коментарите се редеа пофалби: „Златан е жив оган“, „Изгледаш како да имаш 23 години“, „Викинг“, „Неверојатно дека има 44“. Дел од фановите забележаа и дека ја скратил косата.
View this post on Instagram
Ибрахимовиќ неодамна го прослави 44. роденден и, според традицијата, си подари нов автомобил – Ferrari F80, со што ја продолжи својата „роденденска колекција“ од луксузни модели на Ferrari.
View this post on Instagram
Забава
Водител на „Фокс њуз“ со несоодветни коментари за изгледот на Џенифер Анистон

Во емисијата The Five на американската телевизија „Фокс њуз“ се разви необична и непријатна расправа меѓу водителите, откако Џеси Вотерс почна да ја коментира физичката привлечност на актерката Џенифер Анистон, пренесе HuffPost.
Сѐ започна кога неговиот колега, комичарот Грег Гатфелд, го пофали изгледот на политичарката Кејти Портер, нарекувајќи ја „хероина“ затоа што не подлегнува на современи стандарди за убавина и „не се менува за камерите“. Тој додаде шеговито дека „пред YouTube туторијалите сите изгледале како Кејти Портер“ и дека дури „луѓето не станале привлечни сѐ до интернетот“.
На тоа Вотерс се надоврза со коментар дека „Џенифер Анистон денес изгледа подобро, иако е дваесет години постара“. Разговорот потоа се претвори во расправа за тоа кога актерката била попривлечна — за време на снимањето на „Пријатели“ или денес.
Откако Вотерс се премисли и рече дека „всушност била поубава во ‘Пријатели’, но сега е погламурозна“, неговиот колега Херолд Форд Џуниор остро ја прекина дискусијата со зборовите: „Зошто не преминеме на следниот сегмент?“ Водителката Кејти Павлич додаде дека „елеганцијата на Анистон денес е резултат на богатството“, велејќи дека „парите купуваат многу трансформации“.
Анистон, која често јавно ги критикува политиките на Доналд Трамп и Републиканската партија, досега не реагираше на оваа расправа.
Забава
Блејк Лавли заработувала по 50.000 евра дневно за снимањето на филмот „Ова завршува со нас“

Откриена е платата на актерката Блејк Лајвли за нејзината улога во „Ова завршува со нас“ како дел од правната битка што ја води со својот колега Џастин Балдони. Правните документи покажуваат дека 38-годишната актерка заработила речиси 1,5 милион евра за шестнеделното снимање на романтичната драма или нешто повеќе од 50.000 евра дневно, според „Дејли мејл“.
Дополнителни бонуси и успех на киноблагајните
Покрај основната плата, договорот вклучувал и бонус од 171.000 евра ако Лајвли освои „Оскар“ за улогата на цвеќарката Лили Блум и 85.000 евра за номинација. Блејк и нејзината компанија требало да добијат и дополнителни 214.000 евра ако филмот, кој се појави во кината во август минатата година, заработи повеќе од трипати повеќе од својот буџет.
Филмот, кој ја следи турбулентната врска помеѓу Лили Блум (Лајвли) и Рајли Кинкејд (Балдони), има значаен комерцијален успех. Со буџет од 20,7 милиони евра филмот заработи 300 милиони евра во целиот свет и покрај мешаните критики.
Правната битка се интензивира
Овие финансиски детали се појавија само неколку дена откако поранешниот агент на Џастин Балдони ја обвини Блејк за изнуда за време на продукцијата. Според транскриптот од сведочењето добиен од „Дејли мејл“, агентот Дени Гринберг тврдел дека однесувањето на актерката на снимањето и во постпродукцијата станувало сè понепредвидливо. Во разговор со Балдони во јули 2024 година тој ги опишал нејзините постапки како „континуирана изнуда и обид за преземање контрола врз филмот“.
Гринберг подоцна појасни дека под изнуда не се осврнувал на буквално кривично дело, туку на кумулативното однесување и зголемениот притисок врз продукциските компании „Вејфарер“ и „Сони студиос“. „Дејли мејл“ контактирал со претставниците на актерката за коментар, но сè уште нема одговор, а претставниците на Балдони одбиле да коментираат.
Тужби за меѓусебно вознемирување и клевета
Правната битка почна во декември 2024 година кога Лајвли го тужеше Балдони за наводно сексуално вознемирување на снимање, што тој жестоко го негира.
Балдони и неговото студио „Вејфарер“ одговорија со контратужба за клевета против Лајвли, нејзината публицистка Лесли Слоун и сопругот Рајан Рејнолдс. Балдони исто така поднесе тужба од 400 милиони долари против „Њујорк тајмс“ за она што тој го тврди дека било сензационалистичко известување за обвинувањата, но таа тужба беше отфрлена во јуни оваа година.