Забава
Меган Маркл од поранешниот сопруг баралa да ѝ плати личен тренер и нутриционист за да остане во форма ако остане бремена
Војвотката од Сасекс, Меган Маркл (37), од својот прв сопруг побарала да потпише т.н. договор за бременост, со кој ќе си осигури дека ќе ѝ плати личен тренер, нутриционист и дадилка за да може да остане во форма по породувањето, открил близок пријател на Меган за „Дејли мејл“.
Тогашната актерка во подем била толку загрижена за тоа дали ќе се врати во старата форма каква што ја имаат повеќето славни личности ако остане бремена и кога се породи, па побарала од екссопругот Тревор Енгелсон да ѝ плати за личен тренер и нутриционист.
Војвотката од Сасекс исто така сакала да се осигури дека Енгелсон, со кој се венча во 2011 година, ќе ѝ плати дадилка за да ѝ помогне за бебето.
Изворот рекол дека Меган била исплашена познавајќи ја историјата на склоноста кон дебелеење во нејзиното семејството, особено поради фактот што тогаш нејзината кариера одела по нагорна линија во телевизиската серија „Костуми“.
Ваквите информации доаѓаат само неколку дена откако Меган и принцот Хари открија дека го очекуваат своето прво дете.
Изворот исто така открил дека во договорот не бил вклучен адвокат, но сепак Енгелсон се согласил да го потпише. „Таа рече дека го натерала да потпише нешто, можеби било само рачно напишано, но со тоа можела подоцна да му се качи на глава“, рекол изворот.
Меган и Енгелсон беа во брак од 2011 до 2014 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кои биле најбогатите луѓе во Југославија – рекордот го држи граѓанин на Скопје, а на листата нема политичари
Најбогатите луѓе во поранешна Југославија се најдоа на листата на магазинот ТОП од 1988 година. Она што е особено интересно е што на списокот нема политичари.
Во февруари 1989 година, Даночната управа презентираше прелиминарна листа на најбогати граѓани од претходната година, во која беше наведено дека најголеми приходи пријавиле приватни ресторани, пејачи, композитори на народна музика, претставници на странски компании, фудбалери, ликовни уметници, новинари и универзитетски професори.
Интересно е што на оваа листа нема политичари, а вреди да се нагласи и дека даночната основа не беше еднаква за цела Југославија и се пресметуваше според оваа формула: просечен приход помножено со три.
Апсолутен рекордер е приватен угостител од Скопје, кој пријавил дека во 1988 година остварил заработувачка од 171 милион динари.
Во Белград најголема заработка забележал пејач на народна музика (142 милиони динари), во Загреб претставник за продажба (61 милион динари), а во Љубљана академски скулптор (28 милиони динари).
Забава
Хороскоп за милијардери: во кои знаци се раѓаат најбогатите луѓе
Најбогатите луѓе во светот често припаѓаат на знакот Вага.
Најмалку милијардери, само осум, припаѓаат на знакот Јарец, но меѓу нив е и Џеф Безос.
Астрологијата вели дека распоредот на ѕвездите во моментот на раѓање ја одредува нашата судбина. Некои веруваат дека тоа е вистина, други пак, дека секој е креатор на својата среќа. Меѓутоа, хороскопските експерти утврдиле кои знаци се најбогати, односно во кој период од годината се родени најбогатите луѓе на светот. Тие ја погледнале листата на милијардери на Форбс и дошле до заклучок дека повеќето од нив припаѓаат на знакот – Вага.
Во хороскопот на милијардерите, дури 27 од најбогатите луѓе на денешницата се Ваги. Во таа група е и познатиот американски дизајнер Ралф Лорен.
Второто место им припаѓа на Рибите, а меѓу 22-те супербогати личности се најдоа бизнисмените Руперт Мардок и Бернард Арно, директор на групацијата LVMH.
Третото место го делат Лав, Рак и Бик со многу познати имиња како Илон Маск, Ричард Бренсон, Марк Цукерберг. Најмалку милијардери, „само“ осум, припаѓаат на знакот Јарец. , но меѓу нив е и Џеф Безос .
Ким Кардашијан, чие богатство се проценува на 1,2 милијарди долари, на 21 октомври слави роденден, што значи дека припаѓа на знакот Вага. Ријана е побогата за двесте илјади долари. Таа е Риба. Музичкиот магнат Џеј Зи, кој има две ипол милијарди на сметката, е роден во знакот на Стрелец.
Забава
Принцот Џорџ откри што сака да биде кога ќе порасне
Принцот Џорџ е идниот крал на Велика Британија, кој ќе ја наследи круната по неговиот татко Вилијам. Но, ако се праша 11-годишно момче, тој нема да биде крал, туку пица мајстор или готвач.
Имено, младиот принц со родителите Вилијам и Кејт посетиле пицерија во Норфолк, а жителот на Норфолк Дезмон Мекарти за „Дејли мејл“ изјавил дека момчето било толку возбудено од рерната за пица на дрва што извикало: „Тоа сакам да го правам кога ќе пораснам!”
Сепак, за негова несреќа, Џорџ нема да може да го оствари својот сон, но затоа ќе прекине една вековна традиција. Имено, за разлика од неговите претходници, Џорџ нема да мора да служи војска пред да седне на тронот.