Забава
Милиони луѓе го гледаа концертот по повод платинестиот јубилеј на кралицата
Во просек речиси 12 милиони луѓе во Обединетото Кралство ја следеа забавата во палатата што ја емитуваше „Би-би-си уан“ во саботата во рамките на четиридневната прослава на платинестиот јубилеј на кралицата Елизабета Втора.
На поп-концертот настапија многубројни ѕвезди, меѓу кои Дијана Рос, Џорџ Езра, Квин и Елбоу, пред публиката во Бакингемската палата, вклучително и кралското семејство.
Овој настан ја привлече најголемата публика на Би-би-си оваа година достигнувајќи го својот врв од 13,4 милиони гледачи.
Традиционалната воена парада, карневалот во центарот на Лондон и илјадници улични забави во Обединетото Кралство беа најважните моменти на последниот ден од прославите на јубилејот.
Концертот во саботата вечерта вклучи обраќања на принцот Чарлс и принцот Вилијам, при што Чарлс ѝ оддаде почит на кралицата со посебен фокус на седумте децении на британскиот трон.
Во меѓувреме, војводата и војвотката од Кембриџ, принцот Чарлс и Камила, објавија на „Твитер“ фотографии од Кејт и нивните три деца како печат колачи во кујна украсена со лепчиња од Јунион Џек.
Во вечерното финале денес, во 17 часот, ќе настапи Ед Ширан, а пред палатата ќе се пее националната химна.
Кралицата Елизабета постави неколку рекорди достојни за почит: на 96-годишна возраст таа е најстариот владетел на светот и го имаше најдолгиот брак во британската кралска куќа.
Елизабета беше крунисана на величествена церемонија во Вестминстерската опатија на 2 јуни 1953 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
На Роналдо му се заканува тужба, не платил за ботоксот: дерматологот бара отштета
На португалската суперѕвезда Кристијано Роналдо му се заканува тужба поради неплатени сметки. Тоа само по себе е чудно бидејќи во кариерата заработил повеќе од милијарда, но тоа што го должи е уште поневеројатно – за ботокс, пренесуваат светските медиуми.
Еден од најдобрите фудбалери на сите времиња му остана должен на лекарот Рошан Равиндран, кој неколкупати го третира додека играше за Манчестер јунајтед.
Докторот тврди дека Роналдо му должи приближно 50.000 евра и дека одлучил парите да си ги земе на суд. Равиндран е дерматолог, кој има две ординации, едната во Манчестер, а другата во Лондон. Неговата специјалност е ботоксот. Тој наводно се однесувал добро кон Роналдо, како и кон Георгина Родригез, неговата партнерка.
„Тоа е тековен процес и не сакам да зборувам за моите пациенти“, докторот остана „затворен“ и со тоа само потврди дека Роналдо имал третмани кај него, според написите.
Британските медиуми не може со сигурност да знаат дали тој веќе го тужел Роналдо или планира да го стори тоа, но весниците од оваа земја шпекулираат дека третманите со ботокс се случиле непосредно пред Европското првенство и пред мечот со Словенија.
Роналдо пушти солзи во осмина-финалето кога промаши пенал, а новинарите тоа не го промашија. Плачеше како дожд, но на челото немаше ниту една брчка.
Забава
„На кој нормален човек би му текнало да се фотографира вака?“: Ким Кардашјан на удар на критики
Ким Кардашијан се најде на удар на критики откако позираше во атрактивно издание носејќи крст околу вратот.
Таа сними реклама за новата колекција на нејзиниот бренд Skims во соработка со Dolce & Gabbana. Носеше градник и боксерки кои ги спушти надолу. Следеа бројни негативни коментари.
„Ова е навистина непримерно“, „На кој нормален човек би му текнало да се фотографира вака?“, „Ја навредувате религијата. Невкусно е“, „Зошто секогаш носи крст кога е полугола?“, се некои од нив.
Забава
Тори Спелинг објави фотографии во бикини: „Покажав друга страна од себе“
Актерката и реалити ѕвезда Тори Спелинг на својот Инстаграм профил сподели носталгични моменти од минатото. Имено, таа објави стари фотографии кои се направени во октомври 2000 година, кога позирала за насловната страница на магазинот „Stuff“.
На една од фотографиите таа носи виолетово бикини, а објави и неколку други страници од тоа издание на магазинот, на кои исто така позира во различни костими за капење.
Во описот на објавата, Тори напиша: „Сакав да покажам дека добрата девојка, позната како Дона Мартин, сепак може да биде личност која го заснова својот живот на верата, семејството, добрината, моралните вредности, силата и промисленоста, но и поседува привлечност, прифатив сопствен стил и покажав поинаква страна од себе“.
Таа, исто така, објави страница од списанието на која е вклучено и нејзиното интервју, во кое зборува за нејзината кариера, предизвикувачките улоги и за нејзината витка фигура.