Забава
Мишел Обама доминира во кожа на црвениот тепих
![](https://makfax.com.mk/wp-content/uploads/2023/12/Screenshot-2023-12-15-092350.jpg)
Сопругата на поранешниот американски претседател Барак Обама имаше одлична ноќ кога неодамна присуствуваше на проекцијата на филмот „Американска симфонија“ во Луизијана забавувајќи се на црвениот тепих.
Педесет и деветгодишната поранешна прва дама го покажа својот моден вкус, облечена во модна комбинација на Серџо Хадсон, темна кожена јакна и кожен топ со ремен, кој ја истакнува половината, пишува магазинот „Хелоу“.
Мишел ја стави косата во висока опашка, на што Аријана Гранде би ѝ позавидела, додавајќи ги на изгледот и големите обетки, кои го комплетираа нејзиниот младешки изглед.
Особено внимание привлече шминката. Овој тип на шминка беше истакнат од брендот за шминка и нега на кожа Beauty Pie како еден од водечките трендови за убавина за 2024 година. „Еспресо-шминката е целата во длабоки, богати кафеави тонови, кои внесуваат заводлив гламур во нашиот изглед“, истакнуваат од оваа козметичка компанија и додаваат:
„Размислете, кафеави smokey eyes, со помека кафеава маскара и длабоко моливче за усни за канализирање на вашата внатрешна Емили Ратајковски. Клучот е да ја изберете вистинската нијанса на кафеава за вас за сето тоа да функционира“.
Мишел сигурно знае кои нијанси ѝ одговараат бидејќи поранешната прва дама носеше ултра сјаен кармин, супер дебели трепки и имаше блескава кожа на настанот.
Таа е мајка на две деца и секогаш изгледа свежо и здраво, а неодамна на јавноста ѝ откри дека од менопаузата повеќе се грижи за себе од порано.
„Никогаш не сум се измерила. „Не се обидувам да се држам до бројки, но кога сте во менопауза, имате бавно зголемување на телесната тежина што едноставно не го сфаќате“, изјави таа за магазинот „People“ во август.
Мишел откри и дека почнала со хормонска терапија и се смета себеси за благословена.
„Мислам дека мојата кожа сè уште изгледа здраво. Косата уште ми е на главата. Тоа се работите за кои треба да бидам благодарна“, рече тогаш таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Таа има 68, а нејзиниот вереник 28: „Се уште не сме се виделе во живо, но се сакаме, му праќам подароци“
![](https://makfax.com.mk/wp-content/uploads/2024/06/sem.jpg)
Кога жена во седмата деценија ќе признае дека праќа пари на маж кој никогаш не го запознала, а тој е дури 40 години помлад од неа, тоа секако ќе предизвика реакции. Но, една жена од Велика Британија е задоволна. Имено, 68-годишната Пат открила дека на интернет го запознала медицинскиoт брат Сем, кој има само 28 години.
Таа тврди дека се сакаат, иако тој всушност живее на другата страна на светот во Пакистан и комуницираат само преку видео повици и пораки, пишува „The Sun“.
Пензионираната медицинска сестра, која се опишува себеси како „млада во срцето“ и „слободоумна“, рече дека нејзиното момче е „многу секси“.
Сем вели дека сонува да се пресели во Обединетото Кралство и таму да работи во здравствениот сектор, но таа го обожава и му купува подароци.
„За да му олеснам да оди на работа, му купив мотор“, рече таа.
Пат исто така додава дека има традиционални вредности и кога Сем ќе пристигне во ОК, парот ќе има одвоени кревети бидејќи не веруваат во предбрачен секс.
Сем неодамна ја запросил, па таа се надева дека нема да мора долго да чека на венчавката.
– Нашата физичка привлечност е доста силна, многу сме привлечени еден кон друг – вели таа.
Нејзината пријателка Ана е загрижена дека Сем можеби е измамник.
– Разликата во годините ми е малку чудна, но се надевам дека е искрен – рекла Ана.
Пет вели дека е многу среќна во врската со Сем, и не му претставувало проблем кога му кажала дека не може да му раѓа деца, поради нејзината возраст.
Нејзе не и е грижа што велат луѓето. Семејството на Сем прифатило дека тој има ваква врска, иако некои не се сигурни во нејзиниот успех.
Неговиот брат му рекол дека го загрижува разликата во годините, пишува The Sun.
Забава
Хороскопски знаци кои се одлични пријатели, но ужасни љубовници
![](https://makfax.com.mk/wp-content/uploads/2022/07/horoskop.jpg)
Кога станува збор за љубовта и врските, понекогаш наидуваме на парадокс: луѓето со кои совршено се согласуваме во пријателска смисла понекогаш не се идеални партнери во љубовните врски. Оваа динамика може да биде збунувачка, особено кога очекувањата од една врска неизбежно се прелеваат во границите на друга.
Пријателството може да се заснова на слични интереси, взаемна поддршка и меѓусебно разбирање, додека љубовната врска бара дополнителни слоеви на компатибилност, како што се емоционална поврзаност и физичка привлечност.
Во кои хороскопски знаци често се раѓаат луѓе кои се одлични пријатели, но лоши љубовни партнери.
Водолија
Водолиите се познати по нивната способност да создаваат длабоки и значајни пријателства. Тие ја ценат интелектуалната стимулација и независноста, што ги прави одлични пријатели кои секогаш се подготвени да пружат поддршка и разбирање. Меѓутоа, кога станува збор за романтични врски, нивната потреба за емотивен простор може да доведе до чувство на дистанца и студенило, што може да ги фрустрира партнерите кои бараат поголема интимност и емотивна поврзаност.
Близнаци
Близнаците се друштвени, забавни и полни со живот, што ги прави фантастични пријатели. Нивната приспособливост и леснотијата на комуникација им овозможуваат да одржуваат широк круг на пријатели. Но, во љубовните врски, Близнаците можат да бидат непредвидливи и склони кон промени во расположението, што го отежнува градењето на длабока и стабилна емотивна врска. Нивната желба за нови искуства може да се појави како непостојаност во партнерските односи.
Стрелец
Стрелците се познати по својата авантуристичка природа и оптимизам, што ги прави одлични пријатели кои можат да го подигнат духот и да ги мотивираат сите околу нив. Како пријатели, тие секогаш се подготвени за нови искуства. Сепак, нивната страст за слобода и независност често ги прави комплицирани љубовни партнери. Стрелецот може да има проблеми со обврските, што може да предизвика несигурност и нестабилност во романтичните врски.
Забава
Антонела Рокузо му го честита роденденот на Меси, фотографијата им се допадна на над 2 милиона луѓе
![](https://makfax.com.mk/wp-content/uploads/2024/06/6b496c64-2be3-4017-b139-c6f12a4960f7-1.jpg)
Познатиот фудбалер Лионел Меси вчера го прослави својот 37. роденден, а неговата сопруга Антонела Рокузо објави заедничка семејна фотографија по тој повод.
„Среќен роденден, љубов моја. Те сакам бескрајно“, напиша таа покрај фотографијата, на која таа и нејзините деца позираат во елегантни комбинации, што им се допадна на повеќе од 2,1 милиона луѓе за еден ден.
Парот се запознал кога фудбалерот имал само пет години, а врската ја почнале во средно училиште. Нивниот прв син Тијаго се роди во 2012 година.
Три години подоцна се роди нивниот втор син Матео, а нивниот трет син Сира се роди во 2018 година.
Антонела и Меси се венчаа во 2017 година во родното Росарио, Аргентина, на приватна церемонија далеку од очите на јавноста.